3/28/2024
Today from Hiiraan Online:  _
Wararka Maanta- Isniin, Jun 4 , 2012
Ururka Ahlusunna Waljamaaca oo guulo ka sheegatay dagaallo ay Gobolka Galguduud kula gashay Xoogaga Xarakada Al-shabaab

Isniin, June 04, 2012 (HOL) — Dagaallo culus oo dagaalyahannada Ahlusunna iyo kuwa Xarakada Al-shabaab ku dhexmaray deegaanno hoos taga degmada Ceelbuur ee gobolka Galgaduud ayaa waxaa guulo ka sheegatay Ahlusunna.

Dagaalka oo dhacay shalay ayaa waxaa qaadday Ahlusunna Waljamaaca ayaa leysku adeegsaday hubka noocayadiisa kala duwan, waxaana la rumeysan yahay in uu jiro khasaare baaxad leh oo soo kala gaaray dhinacyadii ay dirirtu dhaxmartay, walow aan si rasmi ah loo ogeyn inta khasaaruhu la eg yahay.

Saraakiisha Ahlu Sunna Waljameeca ee ku sugan bartamaha dalka Soomaaliya ayaa sheegay in dagaallku ahaa mid ka dhashay weerar ay ku qaadeen xoogagooda fariisimo ay lahaayeen Xarrakada Al-shabaab, iyaga oo intaa ku darray in ay dileen tiro ka mid ah dagaalyahannada Al-shabaab.

Wararka qaar ayaa sheegaya in dagaallka dhaxmaray labada dhinac ay ku lug lahaayeen ciidamada dowladda Itoobiya ee fadhigoodu yahay deegaannka Ceelbuur, walow saraakiisha Ahlu Sunna Waljameeca aysan ka hadllin warka ku saabsan in ciidamada dowladda Itoobiya kala qeyb-qaateen dagaallka.

Illaa hadda ma jiro wax war ah oo ka soo baxay dhinaca saraakiisha Xarrakada Mujaahidiinta Al-shabaab oo ku aadan dagaallada la sheegay in ay ka dhaceen gobollka Galguduud ee bartamaha dalka Soomaaliya.

Degmada Ceelbuur oo ah degmo istiraatiji u aheyd xoogagga Al-shabaab ee ka dagaallama bartamaha dalka Soomaaliya ayaa kol hore la wareegay gacan ku heynteeda ciidamada dowladda Itoobiya iyo kuwa Ahlu Sunna Waljameeca.

C/raxmaan Diini, Hiiraan Online
[email protected]
Beledweyne, Soomaaliya













Click here
6/4/2012 7:19 AM EST
Isniin, June 04, 2012 (HOL) — Ururka Raaskaambooni ee ka barbar dagaalama ciidamada dowladda KMG ee Jubooyinka ayaa maanta maamul cusub kaga dhawaaqay degmada Afmadow ee gobolka Jubada Hoose, iyadoona la sheegay in maamulkani uu noqon doono mid KMG ah.

6/4/2012 7:12 AM EST
Isniin, June 04, 2012 (HOL) — Booliiska dalka Uganda ayaa sheegay inay gacanta ku dhigeen laba dagaalyahan oo ajnabi ah; kuwaasoo magcayadooda lagu sheegay, Axmed Khaalid oo 33-jir ah loona yaqaaan Martin Muller iyo Emrah Erdogan oo 24-jir ah loona yaqaan Alias Imraan Al-Kurdi.

6/4/2012 6:26 AM EST
Isniin, June 04, 2012 (HOL) — Iyadoo dhawaan ciidamada DKMG, kuwa Kenya iyo xoogagga Raaskambooni oo is-garabsanaya ay la wareegeen degmada Afmadow ee gobolka Jubada Hoose ayaa waxa dhaqdhaqaaqyo ciidan iyo abaabullo dagaal laga dareemayaa magaalada Kismaayo ee xarunta gobolka Jubada Hoose.

6/4/2012 3:36 AM EST
Isniin, June 04, 2012 (HOL) — Ra'iisul wasaaraha Soomaaliya, C/weli Maxamed Cali oo u warramayay wakaaladda wararka Turkiga ee Anatolia isagoo dalkaas ku sugan ayaa sheegay in Turkiga iyo Soomaaliya ay yihiin laba dal oo shirko ah oo ay ka dhexeeyaan dano muhiim ah.

6/4/2012 3:15 AM EST
Isniin, June 04, 2012 (HOL) — Maxkamadda ciidamada xoogga DKMG Soomaaliya ayaa Axaddii shalay xafiis ka furatay deegaanka Ceelasha-biyaha ee duleedka Muqdisho, iyadoo ciidamada dowladda looga digay inay dadka shacab ah ee ku nool inta u dhexeysa Muqdisho iyo Afgooye ay dhibaateeyaan.

6/4/2012 3:05 AM EST
Isniin, June 04, 2012 (HOL) — Xarakada Al-shabaab oo dagaal kula jirta DKMG ah ayaa kasoo horjeesatay qodobbadii kasoo baxay shirkii magaalada Istanbuul lagu qabtay ee looga hadlayay arrimaha Soomaaliya, iyagoo ku tilmaamay qodobbadaas shir-qool loo maleegayo Soomaalida.

6/4/2012 3:02 AM EST
Isniin, June 04, 2012 (HOL) — Ugu yaraan afar qof ayaa ku dhintay tiro intaas ka badanna way ku dhaawacmeen kaddib weerar ay kooxo hubeysan ku qaadeen gaari ka amababaxay Gaalkacyo oo ku socday deegaanno kale oo gobolka Mudug ka tirsan.

6/4/2012 2:43 AM EST
Isniin, June 04, 2012 (HOL) — Saraakiisha hay’adaha Turkiga ee Muqdisho ka howl-gala ayaa sheegay inay kaalinta hore kaga jiraan dadaallada ay dowladda Turkigu ku doonayso inay ku samatabixiso magaalada Muqdisho oo muddo dheer dagaallo sokeeye kusoo jirtay, xilli ay hay’adaha UN-ku fariisimo ka sameysteen dalka Kenya oo ay daris yihiin Soomaaliya.

6/4/2012 2:39 AM EST
Isniin, June 04, 2012 (HOL) — Maxkamadda magaaladda Hargeysa ayaa xukuno kala duwan ku ridday shalay oo Axad ahayd masuuliyiin lagu eedeeyey inay lunsadeen deeq mucaawimo oo ku socotay dad masaakiin ah.