9/17/2019
Today from Hiiraan Online:  _
Wararka Maanta- Isniin, Jun 25, 2012
Wasiirka Dastuurka iyo Arrimaha Federaalka Dowlada Somalia oo sheegay in Guddiga Dastuurka uu xiligoodii dhamaaday



Wasiirka dastuurka iyo arrimaha federaalka DKMG ah ee Soomaaliya, C/ramxaan Xoosh Jabriil
Isniin, June 25, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/ramxaan Xoosh Jabriil ayaa sheegay in xubnaha guddiga qoraalka dastuurka uu waqtigoodu dhamaaday ayna faraha kala baxaan arrimaha dastuurka.

C/raxmaan Xoosh ayaa sheegay in nuqulka dastuurka ee guddiga ay ka hadleen uu yahay mid sax ah, inkastoo wax laga bedelay qodobbada qaar, sida shuruucda lagu hagayo xisbiyada iyo doorashooyinka.

"Hadalka ay guddigan u sheegayaan shacabka waa mid aanay waxba ka jirin, waxay doonayaan in sannado kale la fadhiyo oo lacago kale oo cusub lasoo shubo taasna ma soconayso," ayuu yiri wasiirka oo u warramayay VOA-da isagoo sheegay inay u gudbin doonaan dastuurkan odayaasha dhaqanka iyo guddiga ansixinta dastuurka.

Mar la weydiiyay waxyaabaha ay ku kala duwan yihiin dastuurka ay iyagu hayaan iyo midka ay hayaan guddiga madaxa-bannaan ee dastuurka ayaa wuxuu sheegay inaysan jirin wax ay ku kala duwan yihiin, balse lagu daray oo keliya soo jeedinta saxiixayaasha Roadmap-ka.

Wasiirka dastuurku wuxuu hadalkiisa ku daray in guddiga ay dhowr jeer qanciyeen ayna shalay isku ogaayeen in la gudbiyo dastuurkan, balse ay xalay isbedeleen, isagoo taas ku tilmaamay isbaaro aan socon karin.

Dhanka kale, guddoomiyaha guddiga madaxa-bannaan ee dastuurka C/llaahi Xasan Jaamac ayaa sheegay in dastuurka ay madaxda DKMG ah u soo gudbiyeen uu yahay mid ay qodobbo badan ka qaldan yihiin, ayna go'aansadeen in midka ay hayaan ay u gudbiyeen odayaasha dhaqanka iyo culummada.

Khilaafka ku saabsan dastuurka ayaa wuxuu u muuqdaa mid cirka isku sii shareeraya iyadoo aan la ogeyn go'aanka kama dambeysta ah ee madaxda DKMG ah ay ka qaadanayaan murankan cusub ee dastuurka ku saabsan.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/25/2012 2:09 PM EST
Addis Ababa, Itoobiya - Madaxweynaha Jamhuuriyada Soomaaliya Mudane Sharif Sh. Axmed ayaa galabta la kulmay Ra’iisul wasaaraha dalka Ethiopia Mudane Malez Zenawi.

6/25/2012 8:34 AM EST
Isniin, June 25, 2012 (HOL) — Ra'iisul wasaaraha xukuumadda KMG Soomaaliya, Cabdiweli Maxamed Cali ayaa kasoo horjeestay go'aankii odayaasha dhaqanka ee ahaa in tirada xildhibaannada baarlamaanka la kordhiyo lana gaarsiiyo 275-xubnood halka markii hore la qoondeeyay in laga dhigo 225-xubnood.

6/25/2012 8:31 AM EST
Isniin, June 25, 2012 (HOL) — Wararka ka soo baxaya degmada Guri-ceel ee gobollka Galguduud ayaa sheegaya in saraaakiil Itoobiyaan ah iyo mas’uuliyiinta ka tirsan Ahlu Sunna Waljameeca uu wada hadal uga bilaawday degmada.

6/25/2012 8:14 AM EST
Isniin, June 25, 2012 (HOL) — Wararka ka imaanaya degmada Baydhabo ee xarunta gobolka Bay ayaa sheegaya in ciidamada AMISOM ee ku sugna halkaas lagu wado inay la wareegaan ammaanka garoonka diyaaradaha ee Baydhabo oo ay gacanta ku hayaan ciidamada Itoobiya.

6/25/2012 7:28 AM EST
Isniin, June 25, 2012 (HOL) — Madaxweynaha Soomaaliya, Sheekh Shariif Sheekh Axmed iyo wafdi uu hogaaminayo oo ay ka mid yihiin wasiirka gaashaandhigga iyo wasiirka arrimaha dibadda ayaa waxay maanta ka dhoofay Muqdisho iyagoo kusii jeeda magaalada Addis Ababa ee dalka Itoobiya.

6/25/2012 7:07 AM EST
Isniin, June 25, 2012 (HOL) — Qoysas dhowr ah oo ku dhaqan degmada Badhaadhe iyo deegaanada ku xeeran ayaa ka cabanaya dhibaatooyin nolol xumo oo lasoo darsay, xilli mudooyinkii u danbeeyay ay goobahaasi ka taagnaayeen dagaallo u dhexeeya xoogagga Al-shabaab iyo ciidamada dowladda KMG oo garab ka helaya kuwa Raaskaambooni iyo Militariga Kenya.

6/25/2012 3:27 AM EST
Isniin, June 25, 2012 (HOL) — Khilaafkan ayaa yimid kaddib markii guddiga madaxa-bannaan ee qoraalka dastuurka uu sheegay in madaxda DKMG ah ay u soo gudbiyeen dastuur kale oo ay sheegeen inay u gudbiyaan odayaasha ku shirsan Muqdisho, taasoo uu guddigu sheegay inay diideen.

6/25/2012 3:05 AM EST
Isniin, June 25, 2012 (HOL) — Ugu yaraan hal qof ayaa ku dhintay 13-qof oo kalena dhaawacyo ayaa kasoo gaaray saddex qarax oo xalay ka dhacay xaafadda Mishomoroni ee magaalada Mombasa ee dalka Kenya.

6/25/2012 2:42 AM EST
Isniin, June 25, 2012 (HOL) — Boqolaal ka tirsan ciidamada Mareykanka ayaa loo geeyay Muqdisho si ay uga fuliyaan howlo qarsoodi ah, sida uu baahiyay Press TV oo laga leeyahay dalka Iiraan, ayna soo daabacday wakaaladda wararka Mareyanka ee AP.

6/25/2012 2:39 AM EST
Isniin, June 25, 2012 (HOL) — Ugu yaraan shan ka mid ah dhinacyadii dagaalamay ayaa ku dhintay tiro intaas ka badanna way ku dhaawacmeen dagaal shalay gallinkii dambe ku dhexmaray ciidamada DKMG ah iyo kuwa Itoobiya oo is-garabsanaya iyo xoogagga Al-shabaab.