10/15/2019
Today from Hiiraan Online:  _
Wararka Maanta- Isniin, Jun 25, 2012
Khilaaf salka ku haya Dastuurka oo soo dhexgalay Madaxda DKMG iyo Guddiga Qabyo Qoraalka Dastuurka


Isniin, June 25, 2012 (HOL) — Khilaafkan ayaa yimid kaddib markii guddiga madaxa-bannaan ee qoraalka dastuurka uu sheegay in madaxda DKMG ah ay u soo gudbiyeen dastuur kale oo ay sheegeen inay u gudbiyaan odayaasha ku shirsan Muqdisho, taasoo uu guddigu sheegay inay diideen.

Guddoomiyaha guddiga madaxa-bannaan ee qoraalka dastuurka Soomaaliya, C/llaahi Xasan Jaamac oo saxaafadda la hadlay ayaa sheegay in qoraalka cusub ee loosoo gudbiyay uusan ahayn midkii ay iyagu diyaariyeen, balse uu yahay mid ay diyaariyeen guddi lagu dhisay magaalada Addis Ababa.

"Madaxda dowladda waxaan kula shirnay maanta xarunta madaxtooyada waxayna noosoo gudbiyeen qoraal ay sheegeen inuu yahay kii kama dambeysta ahayd oo ay soo diyaariyeen guddi Nairobi ku sugan, iyagoo naga dalbaday inaan u gudbinno odayaasha dhaqanka iyo culummada," ayuu yiri C/llaahi Jaamac.

Sidoo kale, guddoomiyuhu wuxuu sheegay in madaxda DKMG ay ka codsadeen inay kasoo fiirsadaan, markii ay shireenna ay go'aansadeen inaysan dastuurka madaxda DKMG ah aysan qaadi karin mas'uuliyadiisa oo aysan u gudbin karin odayaasha dhaqanka iyo culummaa'uddiinka.

"Axdiga KMG ah wuxuu dhigayaa in guddiga qoraalka dastuurka uusan ka mid ahayn dowladda, sidaa daraadeedna dastuurka aan diyaarinno aan u gudbino shacbka si ay u ansixiyaan," ayuu yiri guddoomiyaha guddiga madaxa bannaan ee dastuurka.

Ugu dambeyn C/llaahi Jaamac wuxuu sheegay in dastuurka ay iyagu diyaariyeen ay odayaasha dhaqanka iyo culummada ay u gudbin doonaan dastuurka, isagoo xusay in nuqulka ay soo diyaarisay dowladda la sheegay inaan waxba laga bedeli karin waxna lagu dari karin.

Murankan cusub ee u dhexeeya guddiga madaxa-bannaan ee qoraalka dastuurka iyo madaxa dowladda KMG ah ayaa wuxuu imaanayaa xilli dalka Kenya lagu qabtay shir ay yeesheen saxiixayaasha khariidadda nabadda, kaasoo intiisa badan looga hadlay dastuurka, lana sheegay in laga gaaray heshiis dhameystiran.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/25/2012 2:09 PM EST
Addis Ababa, Itoobiya - Madaxweynaha Jamhuuriyada Soomaaliya Mudane Sharif Sh. Axmed ayaa galabta la kulmay Ra’iisul wasaaraha dalka Ethiopia Mudane Malez Zenawi.

6/25/2012 9:23 AM EST
Isniin, June 25, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/ramxaan Xoosh Jabriil ayaa sheegay in xubnaha guddiga qoraalka dastuurka uu waqtigoodu dhamaaday ayna faraha kala baxaan arrimaha dastuurka.

6/25/2012 8:34 AM EST
Isniin, June 25, 2012 (HOL) — Ra'iisul wasaaraha xukuumadda KMG Soomaaliya, Cabdiweli Maxamed Cali ayaa kasoo horjeestay go'aankii odayaasha dhaqanka ee ahaa in tirada xildhibaannada baarlamaanka la kordhiyo lana gaarsiiyo 275-xubnood halka markii hore la qoondeeyay in laga dhigo 225-xubnood.

6/25/2012 8:31 AM EST
Isniin, June 25, 2012 (HOL) — Wararka ka soo baxaya degmada Guri-ceel ee gobollka Galguduud ayaa sheegaya in saraaakiil Itoobiyaan ah iyo mas’uuliyiinta ka tirsan Ahlu Sunna Waljameeca uu wada hadal uga bilaawday degmada.

6/25/2012 8:14 AM EST
Isniin, June 25, 2012 (HOL) — Wararka ka imaanaya degmada Baydhabo ee xarunta gobolka Bay ayaa sheegaya in ciidamada AMISOM ee ku sugna halkaas lagu wado inay la wareegaan ammaanka garoonka diyaaradaha ee Baydhabo oo ay gacanta ku hayaan ciidamada Itoobiya.

6/25/2012 7:28 AM EST
Isniin, June 25, 2012 (HOL) — Madaxweynaha Soomaaliya, Sheekh Shariif Sheekh Axmed iyo wafdi uu hogaaminayo oo ay ka mid yihiin wasiirka gaashaandhigga iyo wasiirka arrimaha dibadda ayaa waxay maanta ka dhoofay Muqdisho iyagoo kusii jeeda magaalada Addis Ababa ee dalka Itoobiya.

6/25/2012 7:07 AM EST
Isniin, June 25, 2012 (HOL) — Qoysas dhowr ah oo ku dhaqan degmada Badhaadhe iyo deegaanada ku xeeran ayaa ka cabanaya dhibaatooyin nolol xumo oo lasoo darsay, xilli mudooyinkii u danbeeyay ay goobahaasi ka taagnaayeen dagaallo u dhexeeya xoogagga Al-shabaab iyo ciidamada dowladda KMG oo garab ka helaya kuwa Raaskaambooni iyo Militariga Kenya.

6/25/2012 3:05 AM EST
Isniin, June 25, 2012 (HOL) — Ugu yaraan hal qof ayaa ku dhintay 13-qof oo kalena dhaawacyo ayaa kasoo gaaray saddex qarax oo xalay ka dhacay xaafadda Mishomoroni ee magaalada Mombasa ee dalka Kenya.

6/25/2012 2:42 AM EST
Isniin, June 25, 2012 (HOL) — Boqolaal ka tirsan ciidamada Mareykanka ayaa loo geeyay Muqdisho si ay uga fuliyaan howlo qarsoodi ah, sida uu baahiyay Press TV oo laga leeyahay dalka Iiraan, ayna soo daabacday wakaaladda wararka Mareyanka ee AP.

6/25/2012 2:39 AM EST
Isniin, June 25, 2012 (HOL) — Ugu yaraan shan ka mid ah dhinacyadii dagaalamay ayaa ku dhintay tiro intaas ka badanna way ku dhaawacmeen dagaal shalay gallinkii dambe ku dhexmaray ciidamada DKMG ah iyo kuwa Itoobiya oo is-garabsanaya iyo xoogagga Al-shabaab.