9/22/2019
Today from Hiiraan Online:  _
Wararka Maanta- Isniin, Jun 25, 2012
Boqolaal Ciidammo Mareykanka ah oo la sheegay inay si qarsoodi ah uga howl-galaan Magaalada Muqdisho


Isniin, June 25, 2012 (HOL) — Boqolaal ka tirsan ciidamada Mareykanka ayaa loo geeyay Muqdisho si ay uga fuliyaan howlo qarsoodi ah, sida uu baahiyay Press TV oo laga leeyahay dalka Iiraan, ayna soo daabacday wakaaladda wararka Mareyanka ee AP.

Telefishinka Iiraan laga leeyahay ayaa sheegay in ilo ka tirsan dowladda Soomaaliya ay u xaqiijiyeen in 390-askari oo Mareykan ah ay ku sugan yihiin Muqdisho ayna labadii bilood ee lasoo dhaafay tababarro siinayeen ciidamada DKMG Soomaaliya.

Sarkaal ka tirsan milateriga Soomaaliya oo lagu magacaabo, Cabdiwahaab Maxamed Cali ayaa Press TV u sheegay in ciidamada Mareykanka oo gaaraya 390-askair oo ay ku jiraan 38-sarkaal ay si qarsoodi ah kusoo gaareen Muqdisho iyagoo kasoo dagay garoonka diyaaradaha Aadan Cadde.

Ilo wareedyada telefishinku uu xiganayo ayaa waxay shegeen in ciidankan ay ka sameysteen Muqdisho xabsiyo qarsoodi ah, sidoo kalena ay askarta Soomaaliya ku duraan daroogo khatar ah.

Sidoo kale, Press TV waxay sheegtay in warkan uu imaanayo xilli ay diyaaradaha aan duuliyaha lahayn ee Mareykanka ay duqeyn u geysteen deegaan ka tirsan ceelasha biyaha, ayna ku dileen 39-qof oo aan la sheegin waxay ahaayeen.

Horraantii bishii Jannaayo ee sannadkan, ayay saraakiisha Aqalka Cad ee Maerykanka waxay sheegeen inay go'aansadeen inay weerarro qayb ka ah dagaalka lagula jiro argagaxisada ay ku qaadayaan Soomaaliya.

Mareykanka ayaa wuxuu duqeymaha diyaaradaha aanay cidna wadin ka fuliyaan dalalka Bakistaan, Afgaanistaan, Yemen iyo Soomaaliya, iyagoo sheegaya inay bar-tilmaameedsanayaan goobo cayiman oo ay ku sugan yihiin islaamiyiinta xag-jirka ah.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
6/25/2012 2:09 PM EST
Addis Ababa, Itoobiya - Madaxweynaha Jamhuuriyada Soomaaliya Mudane Sharif Sh. Axmed ayaa galabta la kulmay Ra’iisul wasaaraha dalka Ethiopia Mudane Malez Zenawi.

6/25/2012 9:23 AM EST
Isniin, June 25, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/ramxaan Xoosh Jabriil ayaa sheegay in xubnaha guddiga qoraalka dastuurka uu waqtigoodu dhamaaday ayna faraha kala baxaan arrimaha dastuurka.

6/25/2012 8:34 AM EST
Isniin, June 25, 2012 (HOL) — Ra'iisul wasaaraha xukuumadda KMG Soomaaliya, Cabdiweli Maxamed Cali ayaa kasoo horjeestay go'aankii odayaasha dhaqanka ee ahaa in tirada xildhibaannada baarlamaanka la kordhiyo lana gaarsiiyo 275-xubnood halka markii hore la qoondeeyay in laga dhigo 225-xubnood.

6/25/2012 8:31 AM EST
Isniin, June 25, 2012 (HOL) — Wararka ka soo baxaya degmada Guri-ceel ee gobollka Galguduud ayaa sheegaya in saraaakiil Itoobiyaan ah iyo mas’uuliyiinta ka tirsan Ahlu Sunna Waljameeca uu wada hadal uga bilaawday degmada.

6/25/2012 8:14 AM EST
Isniin, June 25, 2012 (HOL) — Wararka ka imaanaya degmada Baydhabo ee xarunta gobolka Bay ayaa sheegaya in ciidamada AMISOM ee ku sugna halkaas lagu wado inay la wareegaan ammaanka garoonka diyaaradaha ee Baydhabo oo ay gacanta ku hayaan ciidamada Itoobiya.

6/25/2012 7:28 AM EST
Isniin, June 25, 2012 (HOL) — Madaxweynaha Soomaaliya, Sheekh Shariif Sheekh Axmed iyo wafdi uu hogaaminayo oo ay ka mid yihiin wasiirka gaashaandhigga iyo wasiirka arrimaha dibadda ayaa waxay maanta ka dhoofay Muqdisho iyagoo kusii jeeda magaalada Addis Ababa ee dalka Itoobiya.

6/25/2012 7:07 AM EST
Isniin, June 25, 2012 (HOL) — Qoysas dhowr ah oo ku dhaqan degmada Badhaadhe iyo deegaanada ku xeeran ayaa ka cabanaya dhibaatooyin nolol xumo oo lasoo darsay, xilli mudooyinkii u danbeeyay ay goobahaasi ka taagnaayeen dagaallo u dhexeeya xoogagga Al-shabaab iyo ciidamada dowladda KMG oo garab ka helaya kuwa Raaskaambooni iyo Militariga Kenya.

6/25/2012 3:27 AM EST
Isniin, June 25, 2012 (HOL) — Khilaafkan ayaa yimid kaddib markii guddiga madaxa-bannaan ee qoraalka dastuurka uu sheegay in madaxda DKMG ah ay u soo gudbiyeen dastuur kale oo ay sheegeen inay u gudbiyaan odayaasha ku shirsan Muqdisho, taasoo uu guddigu sheegay inay diideen.

6/25/2012 3:05 AM EST
Isniin, June 25, 2012 (HOL) — Ugu yaraan hal qof ayaa ku dhintay 13-qof oo kalena dhaawacyo ayaa kasoo gaaray saddex qarax oo xalay ka dhacay xaafadda Mishomoroni ee magaalada Mombasa ee dalka Kenya.

6/25/2012 2:39 AM EST
Isniin, June 25, 2012 (HOL) — Ugu yaraan shan ka mid ah dhinacyadii dagaalamay ayaa ku dhintay tiro intaas ka badanna way ku dhaawacmeen dagaal shalay gallinkii dambe ku dhexmaray ciidamada DKMG ah iyo kuwa Itoobiya oo is-garabsanaya iyo xoogagga Al-shabaab.