3/28/2024
Today from Hiiraan Online:  _
Wararka Maanta- Axad, Jun 24, 2012
Xildhibaan C/raxmaan C/shakuur oo Muqdisho kaga dhawaaqay inuu yahay Murashax u taagan xilka Madexnimo Soomaaliya
Warsame 1.jpg
Axad, June 24, 2012 (HOL) — Xidhihbaan C/raxmaan C/shakuur Warsame ayaa isku soo taagay xilka madaxnimo ee Soomaaliya, isagoo kaga dhawaaqay inuu murashax yahay xaflad Sabtidii shalay ka dhacday Muqdisho.

Munaasabadda uu xildhibaanku kaga dhawaaqay murashaxnimadiisa ayaa waxaa goobjoog ka ahaa siyaasiyiin, culumaa'uddiin, salaadiin, dhallinyaro iyo haween, iyadoo goobta ay hadallo kala duwan ka jeediyeen xubnihii kasoo goobjoogayaasha ahaa qaarkood.

“Siirada nebiga(CSWS) ayaan ka bartay inaan loo baahnayn in hoggaamiyuhu dhib ka sheekeeyo,” ayuu hadalkiisa ku billaabay C/raxmaan C/shakuur isagoo raaciyay: "Uma baahnin inaan dhibta ku celcelinno waxaanse u baahan nahay hoggaan higsi ama ujeeddo leh.”

Murashaxu wuxuu sheegay in haddii uu guuleysto uu dalka ka dhalin doono amni uuna ku hoggaamin doono caadaalad, sidoo kalena uu xoogga saari doono arrimaha dibadda, uuna la dagaalami doono kooxaha xag-jirka ah.
 
“Anigu haddii la i doorto waxaa aan muhimadda koowaad siinayaa dhismaha saddex hay’adood oo tiir dhexaad u ah dowlad salka dhigata. Isagoo ku sheegay ,” ayuu yiri isagoo hay'adahaas ku tilmaamay amniga, garsoorka iyo dhaqaalaha.

Warsame 2.jpg

“Nabaddu sideedaba waa in muwaadinku dareemaa ammaan iyo xasilooni, taasna caddaalad la'aan lama helayo," ayuu mar kale yiri. “Somaliya mar kasta waxay ku fashilmeysay siyaasadda arrimaha dibadda, taasna xoogga ayaan saarayaa."

Sidoo kale, murashaxu wuxuu sheegay in Al-shabaab aysan ku filnayn in milateri ahaan loola dagaalamo, isagoo sheegay in firkir kale oo ah in la caddeeyo fikirka ay haystaan ay tahay midda lagula dagaalami karo, isagoo xusay in markii culumada Islaamku ay ku sheegeen dhaqankooda mid ka baxsan diinta Islaamka ay aad u qal-qaleen.

Xildhibaan Xasan Abshir Faarax oo ka hadlay xafladda ayaa waxaa erayadiisii ka mid ahaa: “Waan ogaa in C/raxmaan yahay aqoon-yahayn waddani ah, waxaanse maanta ogaaday inuu geesi yahay.”

Mas'uuliyiintii kale ee goobta ka hadlay ayaa iyaguna waxay amaaneen murashaxa iyagoo sheegay inay soo dhaweynayaan ayna taageerayaan, waxaana uu ka mid noqonayaa xildhibaan C/raxmaan C/sharkuu oo wasiir soo noqday murashaxiinta u taagan xilka madaxnimo ee Soomaaliya.

Warsame 3.jpg
Warsame 5.jpg
Warsame 4.jpg
Warsame 6.jpg

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/24/2012 5:13 PM EST
Axad, June 24, 2012 (HOL) - Malaayin masaari ah ayaa isugu soo baxay guud ahaanba magaalooyinka kala duwan ee waddanka Masar iyagoo u dabaal dagaya guusha u soo hooyatay Maxamed Mursi oo noqday madaxweynihii ugu horreeyay ee si dimuqraadi ah loo soo doorto.

6/24/2012 3:47 PM EST
Axad, June 24, 2012(HOL): Kooxda Jaaliyadda Isboortiga Soomaalida Vienna ee waddanka Austria waxa ay ka qeyb gashay tartan Isboorti oo sanadla ah oo loo qabto Jaaliyadaha Adduunka ee ku nool wadanka Austria gaar ahaan caasimada Vienna.

6/24/2012 8:29 AM EST
Axad, Juun,24, 2012 (HOL)- Madaxweynaha Somaliland, ayaa baaq gurmad ah ujeediyey hay’adaha caalamiga, kuwa Qaramadda midoobay iyo kuwa Wadaniga ah inay si degdeg ah ugu gurmadaan abaar adag oo ka jirta qaar ka mid ah goboladda Somaliland ah, kuwaas oo uu sheegay inay labaatan kun oo qof saamayn ku yeelatay.

6/24/2012 8:28 AM EST
Axad, June 24, 2012 (HOL)- Dahabshiil Group, ayaa Mashaariic Khayriya Oo Iskugu Jira Deeqo Lacaga Iyo Dhisida Dhismayaal Ka Hirgaliyay Magaalada Boorama ee gobolka Awdal.

6/24/2012 8:22 AM EST
Axad, June 24, 2012 (HOL) — Hay'adda Norwegian Refugee Council (NRC) ayaa ugu baaqday dunida inay kordhiyaan gargaarka ay siiyaan carruurta Soomaaliyeed ee ka cararaya abaaraha iyo colaadaha ka jira Soomaaliya.

6/24/2012 8:05 AM EST
Axad, June 24, 2012 (HOL) — Hay'adda midowga dhalinyarada Soomaaliyed ee UYS ayaa maanta siminaar looga hadlayay sida qoysaska loogu saleyn dhaqanka suuban iyo caqiidada ugu qabatay Muqdisho odayaasha dhaqanka.

6/24/2012 6:52 AM EST
Axad, June 24, 2012 (HOL) — Madaxweynaha Soomaaliya, Sheekh Shariif Sheekh Axmed oo sheegay inuu yahay murashax u taagan xilka madaxnimo ee Soomaaliya ayaa soo dhaweeyay murashaxiinta fara badan ee isku soo taagaya ka qaybgalka doorashooyinka madaxweynenimo ee Soomaaliya.

6/24/2012 4:16 AM EST
Axad, June 24, 2012 (HOL) — Iyadoo mar kale deegaanno ka tirsan gobollada Galguduud iyo Mudug ay ka soo if baxeen dilal u dhaxeeya beelo halkaa wada dega oo marka danbana keeni kara dagaallo ka dhax qarxa labada beelood, ayaa waxaa arintaa u is taagay sidii looga hortagi lahaa guddi bilihii ugu danbeeyayba ku howlanaa sidii nabad looga dhalin lahaa deegaannada ay colaaduhu ka jiraan.

6/24/2012 3:17 AM EST
Axad, June 24, 2012 (HOL) — Kooxo hubeysan ayaa xalay ku toogtay goob lagu fiirsanayay ciyaar ka tirsan horyaalka kubadda cagta ee Yurub oo u dhexeysay Faransiiska iyo Spain xeer ilaaliyihii maxkamadda gobolka Sool ee Somaliland, Axmed Maxamed Xaaji Cali.

6/24/2012 3:14 AM EST
Axad, June 24, 2012 (HOL) — Falalkan oo kala ahaa qarax ka dhacay degmada Madheera oo ay ku dhaawacmeen laba sarkaal oo booliiska dalkaas ka tirsan, qof Soomaali ah oo lagu dilay Dhadhaab iyo kooxo hubeysna oo afduubay gaari ayaa labadii maalmood ee ugu dambeysay ka dhacay dalka Kenya.