3/28/2024
Today from Hiiraan Online:  _
Wararka Maanta- Axad, Jun 17, 2012
AMISOM oo Magaalada Muqdisho ka billowday dhismaha Xarun lagu dhaqan-celinayo dhallinyarada kasoo goosta Al-shabaab

Axad, June 17, 2012 (HOL) — Ciidamada AMISOM ayaa Muqdisho ka billaabay dhisme ay sheegeen in lagu dhaqan-celinayo dhallinyarada kasoo goosta Al-shabaab, iyadoo sidoo kalena wada dayactirka xarunta golaha shacabka ee Muqdisho.

Dhismahan oo isugu jira iskuul iyo hoy ayaa waxaa laga dhisayaa duleedka degmada Wadajir ee gobolka Banaadir, waxaana saraakiil ka tirsan Midowga Afrika oo booqday ay sheegeen in dhaqaalaha ku baxaya dhismahan uu bixinayo ururka Midowga Afrika.

"Xarunta waxay isugu jirtaa iskuul iyo hoy, waxaana loogu talogalay in lagu dhaqan-celiyo dhallinyarada kasoo goosanaysa Al-shabaab," ayuu yiri ku xigeenka ergayga Midowga Afrika ee arrimaha Soomaaliya, Wafula Wamunyinyi oo ka mid ahaa saraakiishii booqday xaruntaas.

Wamunyinyi wuxuu sheegay in xaruntan ay faa'iido weyn ugu jirto dalka Soomaaliya isagoo sheegay in dhallinyarada la dhaqan-celinayo la bari doono aqoon ay dadka iyo dalka ugu shaqeeyaan.

Dhanka kale, saraakiisha Midowga Afrika ayaa waxay sidoo kale isla shalay tageen golaha shacabka oo AMISOM ay kawaddo dayactir, iyadoo saraakiisha Midowga Afrika ay sheegeen in lasoo gabagabeeyay wajigii hore ee dayactirka.

Ugu dambeyn, saraakiishu waxay sheegeen in howsha dayactirka xarunta golaha shacbaka iyo dhismaha iskuulka ay ka mid yihiin mashaariic ay AMISOM ka fulinayso sannadkan dalka Soomaaliya, gaar ahaan magaalada Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/17/2012 6:39 PM EST
17, June 2012, Axad War-saxaafaddeedka maamulka gobolka Banaadir, Maamulka gobolka Banaadir ayaa maanta kulan ku aadan ilaallinta shuruucda Saxaafadda gobolka la qaaday masuuliyiinta Idaacaddaha ka howlgal gala gobolka Banaadir, iyadoo gabagabada kulankaasina lagu kala saxiixday heshiis ay kuwada shaqeynayaan warbaahinta iyo maamulka gobolka.

6/17/2012 9:44 AM EST
Axad, June 17, 2012 (HOL) — Tartankan oo ahaa mid loogu magac-daray isbedelka dhallinyarda (Youth for Change) ayna fulinaysay ha'yadda CPD (Center for Peace & Democracy) ayaa lagu qabtay magaalada Muqdisho, kaasoo ay ku tartameen 60-arday.

6/17/2012 8:34 AM EST
Axad, June 17, 2012 (HOL) — Madaxweynaha Soomaaliya, Shariif Sheekh Axmed ayaa wareegtu uu maanta soo saaray ku laalay ama ku diiday qodobbo ka mid ah axdiga KMG ah ee Soomaaliya, kuwasaoo lagu sheegay inay ka horimaanayaan fulinta heshiiska Roadmap-ka.

6/17/2012 8:32 AM EST
Axad, June 17, 2012 (HOL) — Maamulka Ahlusunna Waljameeca ayaa markii ugu horreysay guddoomiye u magacaabay gobolka Galgaduud ee baratmaha dalka Sooamaliya oo ah saldhigga ugu weyn ee ay Soomaaliya ku leeyihiin.

6/17/2012 7:28 AM EST
Axad, June 17, 2012 (HOL) — Wasiirka arrimaha dibadda ee Somaliland, Maxamed Cabdullaahi Cumar ayaa sheegay in wadahadallada dhexmaraya DKMG Soomaaliya iyo Somaliland ay maalinta Arbacada ah ka furmayaan magaalada London ee dalka Britain.

6/17/2012 7:03 AM EST
Axad, June 17, 2012 (HOL) — Qarax loo adeegsaday gaari waxyaabaha qaraxa ay ka buuxaan ayaa goor-dhaweyd ka dhacay suuqa labaad ee Muqdisho ugu weyn ee Suuq Bacaad oo ku yaalla degmada Yaaqshiid ee gobolka Banaadir.

6/17/2012 3:30 AM EST
Axad, June 17, 2012 (HOL) — Weerarkii Ismiidaaminta ahaa ee shalay oo Sabti ahayd ka dhacay degmada Afgooye ee gobolka Shabeellada hoose oo 30-km u jirta Muqdisho ayaa waxaa la sheegayaa inay ku dhinteen saddex qof oo mid ka mid ah uu ahaa ruuxii weerarka fuliyay, sidoo kalena ay ku dhaawacmeen saddex qof oo shacab ah.

6/17/2012 3:30 AM EST
Axad, June 17, 2012 (HOL) — Munaasibadii lagu caleemasaarayey Murshid Cabdi Baaruud oo loo magacaabay gudoomiyaha gudiga xiriirka dadka Muhaajiriinta ee xisbiga Jamhuuriga ee gobolka Minnesota, ayaa waxaa ka soo qaybgalay qaar ka mid ah madaxda ugu saraysa xisbigaasi sida xubnaha ka tirsan aqalka sare ee baarlamaanka iyo kan odayaasha iyo waliba wakiilada goleyaasha gobolka, waxaa sidoo kale munaasibada ka soo qaybgalay dad iyaguna ka socday bulshooyinka soo galootiga ah ee ku dhaqan gobolkaan Minnesota, gaar ahaan dadka u dhashay wadamada ku yaala bariga Afrika sida, Soomaaliya iyo Kenya iyo waliba qoomiyada laatiinooska loo yaqaano.