12/11/2019
Today from Hiiraan Online:  _
Wararka Maanta- Arbaco, Jun 13, 2012
Maamulka Ahlusunna Waljamaaca oo sheeagy inay deegaannada Gobolka Galguduud uga soo baxeen xeelado dagaal ayna ku laabayaan


Arbaco, June 13, 2012 (HOL) — Guddoomiyaha golaha fulinta ee Ururka Ahlusunna Waljamaaca, Sheekh Maxamed Yuusuf Xeefow ayaa sheegay kasoo bixitaankoodii degmada Ceelbuur iyo deegaanka Wabxo ee gobolka Galguudud ay ahayd mar ay bixiyeen saraakiisha ciidamadaas hoggaaminayay.

Sheekh Xeefow wuxuu sheegay in la bedelayo qaabkii howsha loo waday, waxaana rajeynaynaa in dhawaan lagu laabto deegaannadaas, maadaama ay Al-shabaab ka waddo deegaannadaas dhibaatooyinka.

"Qaab milateri ayaan uga baxnay deegaannadaas, mana jiro amar dowladda naga soo gaaray oo ku saabsan inaan ka baxno, waxaan maqlay madaxweynaha oo leh waan xunnahay ka bixitaanka deegaannadaas mana filayo inay wararkaas ay yihiin kuwo is-qaban kara," ayuu yiri Sheekh Xeefow oo BBC-da la hadlayay isagoo ku sugan gobolka Galguduud.

Wasiir u dowlaha wasaarrada arrimaha gudaha iyo amniga Qaranka ayaa xalay u sheegay inay iyagu bixiyeen amarka looga soo baxay deegaannadaas si ay uga howlgalaan ciidamada AMISOM ee ka socda Midowga afrika.

Sidoo kale, guddoomiyaha golaha fulinta ee Ahlusunna wuxuu sheegay inay abaabul wadaan sidii ay dib ugu laaban lahaayeen deegaannadaas, isagoo sheegay inaysan jirin sabab kale oo ay uga soo baxeen deegaannada gobolka Galguduud ku yaalla.

Degmada Ceelbuur iyo deegaanka Wabxo oo ay xoogagga Ahlusunna iyo kuwa Itoobiya kala wareegeen bishii Abriil Xarakada Al-shabaab ayaa dib uga soo baxay Axaddii iyo Tallaadadii lasoo dhaafay, waxaana deegaannadaas dib ula wareegtay Al-shabaab.

Dhanka kale, guddoomiyaha golaha fulinta ee Ahlusunna, Sheekh Xeefoow oo wax laga weydiiyay halka uu marayo qorshaha lagu sameynayo maamul ay yeeshaan goobollada bartamaha Soomaaliya ku yaalla ayaa sheegay in qorshahaas uu weli ku jiro la-tashi uuna meel wanaagsan marayo.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/13/2012 7:38 PM EST
Arbaco, June 13, 2012(HOL):-Ra’iisul Wasaaraha Soomaaliya Professor Cabdiweli Maxamed Cali oo booqasho rasmi ah ku jooga Kenya ayaa maanta kulamo la kala qaatay Madaxweynaha Dalka Kenya Mudane Mwai Kibaki iyo Ra’iisul Wasaaraha Kenya Raila Odenga. Kulanka Madaxweynaha Kibaki ayaa ahaa kii ugu horreeyey ee dhex mara Ra’iisul Wasaare Cabdiweli iyo Madaxweyne Kibaki.

6/13/2012 8:35 AM EST
Arbaco, June 13, 2012 (HOL) — Tababar lagu baranayay sida dadku isugu xirmaan iyo sida ay bulsho caddaalad wax ugu qeybsato ayaa Muqdisho loogu soo gaba-gabeeyay odayaasha dhaqanka qaarkood.

6/13/2012 7:42 AM EST
Arbaco, June 13, 2012 (HOL) — Afhayeenkii baarlamaanka Soomaaliya ee sannadihii 1966-kii illaa 1969-kii, Sheekh Mukhtaar Maxamed Xuseen ayaa shalay ku geeriyooday magaalada Nairobi ee dalka Kenya, iyadoo dowladda KMG ah ay sheegtay in loo sameynayo aas Qaran iyo baroor-diiq.

6/13/2012 6:42 AM EST
Arbaco, June 13, 2012 (HOL) — Ergayga xogyahaha guud ee Qaramada Midoobay u qaabilsan arrimaha Soomaaliya, Danjire Augustine Mahiga ayaa sheegay maanta in uu booqanayo degmada Afgooye ee gobolka Shabeellada hoose.

6/13/2012 6:27 AM EST
Arbaco, June 13, 2012 (HOL) — Madaxweynaha Soomaaliya, Shariif Sheekh Axmed oo ay wehliyaan saraakiisha ciidamada DKMG ah iyo kuwa AMISOM ayaa maanta ku tagay booqasho deegaanka Mareereey oo 15-km u jira degmada Afgooye e gobolka Shabeellada hoose.

6/13/2012 3:01 AM EST
Arbaco, June 13, 2012 (HOL) — Xukuumadda Washington ayaa toddobadkii hore ka qaadday jasiiradda Malta 20-ruux oo qoxooti ah kuwaasoo isuguna jira Soomaali iyo Eritrean, waxaana la dajiyay dalka Mareykanka.