7/23/2019
Today from Hiiraan Online:  _
Wararka Maanta- Isniin, Jun 11, 2012
Kooxo hubeysan oo dhac u geystay xarun ay Mid ka mid ah Shirkadaha Xawaaladaha ku leedahay Suuqa Bakaaraha


Isniin, June 11, 2012 (HOL) — Kooxo hubeysan ayaa maanta baqadii waxay xoog ku galeen xarunta shirkadda xawaaladda Jubba Express ee suuqa bakaaraha, halkaasoo ay ka qaateen lacago fara badan sida ay warbaahinta u sheegeen qaar ka mid ah shaqaalaha shirkaddaas.

Qaar ka mid ah shaqaalaha shirkadda ayaa sheegay in dableydu ay ku qasbeen inay dhaqdhaqaaqa joojiyaan, markaas kaddibna ay billaabeen inay jabiyaan qasnadaha ay lacaguhu ku jireen.

"Dableydu waxay qaateen lacag ku dhow 40,000 oo dollar," ayuu yiri mid ka mid ah shaqaalaha shirkadda, waxayna mas'uuliyiinta shirkadda sheegeen inaysan jirin cid ay ku eedeyn karaan inay dhacaas ka dambeysay.

Maamulkam degmada Howlwadaag ee gobolka Banaadir iyo saraakiisha hay'adaha ammaanka ayaa sheegay inay socdaan baaritaanno ku aaddan qaabka loo dhacay iyo cidda dhacday shirkadda.

"Kooxaha dhaca geystay waxay wateen gaari yar, markii ay lacagaha urursadeenna waxay billaabeen inay baxsadaan, shaqaaalaha qaarkoodna jir-dil ayaa loo geystay," ayuu yiri mas'uul shirkadda ka tirsan oo warbaahinta la hadlay.

Suuqa Bakaaraha ayaa waxaa gacanta ku haysa DKMG ah ee Soomaaliya, iyadoo ay noqonayso markii ugu horreysay oo dhac loo geysto xarun shirkadeeda oo ku taalla suuqa Bakaaraha tan iyo markii ay xoogaggii Al-shabaab isaga baxeen suuqa.

Dhowr jeer oo hore ayaa dhac loo geystay xarumaha shirkadaha xawaaladaha ee ku yaalla suuqa Bakaaraha, iyadoo dhacaas intiisa badan uu dhacay sannadihii ay Al-shabaab gacanta ku haysay suuqa Bakaaraha

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/11/2012 12:54 PM EST
Isniin, June 11, 2012(HOL): Munaasabadaan oo ay soo abaabuleen dad ka soo jeeda deeganada uu maamulka Azaaniya ku magacaaban yahay islamarkaasina taageersan oo ka dhacday magaalada Minneapolis ee Gobolka Minnesota, ayaa waxaa goobjoog ka ahaa guud ahaan qeybaha bulshada sida, haween, dhalinyaro, waxgarad, aqoonyahano iyo waliba siyaasiin caan ah oo ka jeedaa dalka Kenya.

6/11/2012 7:27 AM EST
Isniin, June 11, 2012 (HOL) — Golaha wasiirrada DKMG Soomaaliya ayaa kulan ay ku yeesheen maanta magaalada Muqdisho waxay uga dalbadeen odayaasha daqanka inay sida ugu dhaqsiyaha badan kusoo gudbiyaan liiska ergada ansixinta dastuurka.

6/11/2012 6:46 AM EST
Isniin, June 11, 2012 (HOL) — Ergayga gaarka ah ee Midowga Afrika u qaabilsan arrimaha Soomaalia, Danjire Abuubakar Diarra ayaa dowladda iyo shacabka Kenya uga tacsiyeeyay geeridii wasiirka amaanka gudaha dalkaas, ku xigeenkiisii iyo afar qof oo shalay ay diyaaradi kula dhacday dhuleeka Kenya.

6/11/2012 5:13 AM EST
Isniin, June 11, 2012 (HOL) — Dabley hubaysan ayaa salaadii hore ee saaka ku toogtay Guddoomiyihii Maxkamadda gobolka Hargeysa Cabdirashiid Maxamuud Duraan xaafadda New Hargeysa ee degmada Gacan-libaax ee Bariga magaaladda Hargeysa.

6/11/2012 3:30 AM EST
Isniin, June 11, 2012 (HOL) — Maamulka Puntland ayaa warsaxaafadeed ay soo saareen ku sheegay inay jiraan kooxo dano gaar ah leh oo doonaya inay leexiyaan qorshaha geeddi-socodka nabadda ee Soomaaliya.

6/11/2012 3:16 AM EST
Isniin, June 11, 2012 (HOL) — Xarakada Al-shabaab ayaa warbixin ay ku daabaceen boggooda Twitter waxay ku sheegeen inay soo dhaweynayaan geeridii wasiirkii amniga Qaranka Kenya, George Saitoti, ku xigeenkiisii iyo afar qof oo kale oo ay ku jireen ilaaladooda oo ku dhintay shil diyaaradeed oo shalay ka dhacay duleedka Nairobi.

6/11/2012 2:58 AM EST
Isniin, June 11, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in dhawaan ay bilaabanayaan wadahadallo dhexmara Dowladda KMG ah iyo maamulka Somaliland, taasoo qayb ka ahayd qodobbadii kasoo baxay shirkii horraantii sannadkan lagu qabtay magaalada London ee dalka Britain.

6/11/2012 2:44 AM EST
Isniin, June 11, 2012 (HOL) — Xukuumadda Mareykanka ayaa ku hanjabtay inay ku soo rogayso xayiraaddo ay ka mid yihiin kuwa safarrada iyo dhaqaalaha cid walba oo ka hortimaadda fulinta heshiiska Roadmap-ka, dastuurka cusub iyo weliba in madaxweyne la doorto.