8/25/2019
Today from Hiiraan Online:  _
Wararka Maanta- Isniin, Jun 11, 2012
Dabley Hubaysan oo dhaawacay Guddoomiyihii Maxkamadda Gobolka Hargeysa


Isniin, June 11, 2012 (HOL) — Dabley hubaysan ayaa salaadii hore ee saaka ku toogtay Guddoomiyihii Maxkamadda gobolka Hargeysa Cabdirashiid Maxamuud Duraan xaafadda New Hargeysa ee degmada Gacan-libaax ee Bariga magaaladda Hargeysa.

Falkan lagula kacay guddoomiye Duraan ayaa sababay dhaawac ka soo gaadhay daanka bidix ee Wejiga, taas oo xabaddu ka haleeshay, waxaana dhaawaciisa loola cararay cisbitaal gaar loo leeyahay ee Gargaar oo ku yaalla badhtamaha magaaladda Hargeysa oo ilaa hadda lagu dabiibayo, taas oo aan loo ogolayn in cisbitaalka lagu booqdo.

Ilaa hadda ma cadda sababta rasmiga ah ee ka dambaysa toogashadda loo gaystay Guddoomiye Duraan, inkastoo aanu la xidhiidhnay masuuliyiinta Amniga balse nooma suurogalin in xogta dhabta ah la ogaado, waxaanay wararku sheegayaan in aan la qaban dablaydaasi.

Haseyeeshee, Garsoore Cabdirashiid Duraan ayaa laba toddobaad ka hor xukuno kala duwan ku riday masuuliyiin lagu eedeeyey musuqmaasuq mucaawimo Raashin.

Dhacdadan ayaa noqonaysa tii ugu horaysay ee nooceedda ah ee ka dhacda Somaliland, taas oo dadweynuhu ilaa hadda is waydiinayaan sababta rasmiga ah ee loo beegsaday guddoomiyahan maxkamadda gobolka, wallow arrintan oo kale ay hore uga dhici jireen magaaladda Laascaanood ee gobolka Sool, balse muddooyinkii u dambeeyey ay joogsadeen dilalka lagu bartilmaamaysanayo garsoorayaasha.

Barkhad-Ladiif M. Cumar
[email protected]
Hargeysa, Somaliland










Click here
6/11/2012 12:54 PM EST
Isniin, June 11, 2012(HOL): Munaasabadaan oo ay soo abaabuleen dad ka soo jeeda deeganada uu maamulka Azaaniya ku magacaaban yahay islamarkaasina taageersan oo ka dhacday magaalada Minneapolis ee Gobolka Minnesota, ayaa waxaa goobjoog ka ahaa guud ahaan qeybaha bulshada sida, haween, dhalinyaro, waxgarad, aqoonyahano iyo waliba siyaasiin caan ah oo ka jeedaa dalka Kenya.

6/11/2012 7:27 AM EST
Isniin, June 11, 2012 (HOL) — Golaha wasiirrada DKMG Soomaaliya ayaa kulan ay ku yeesheen maanta magaalada Muqdisho waxay uga dalbadeen odayaasha daqanka inay sida ugu dhaqsiyaha badan kusoo gudbiyaan liiska ergada ansixinta dastuurka.

6/11/2012 6:46 AM EST
Isniin, June 11, 2012 (HOL) — Ergayga gaarka ah ee Midowga Afrika u qaabilsan arrimaha Soomaalia, Danjire Abuubakar Diarra ayaa dowladda iyo shacabka Kenya uga tacsiyeeyay geeridii wasiirka amaanka gudaha dalkaas, ku xigeenkiisii iyo afar qof oo shalay ay diyaaradi kula dhacday dhuleeka Kenya.

6/11/2012 6:20 AM EST
Isniin, June 11, 2012 (HOL) — Kooxo hubeysan ayaa maanta baqadii waxay xoog ku galeen xarunta shirkadda xawaaladda Jubba Express ee suuqa bakaaraha, halkaasoo ay ka qaateen lacago fara badan sida ay warbaahinta u sheegeen qaar ka mid ah shaqaalaha shirkaddaas.

6/11/2012 3:30 AM EST
Isniin, June 11, 2012 (HOL) — Maamulka Puntland ayaa warsaxaafadeed ay soo saareen ku sheegay inay jiraan kooxo dano gaar ah leh oo doonaya inay leexiyaan qorshaha geeddi-socodka nabadda ee Soomaaliya.

6/11/2012 3:16 AM EST
Isniin, June 11, 2012 (HOL) — Xarakada Al-shabaab ayaa warbixin ay ku daabaceen boggooda Twitter waxay ku sheegeen inay soo dhaweynayaan geeridii wasiirkii amniga Qaranka Kenya, George Saitoti, ku xigeenkiisii iyo afar qof oo kale oo ay ku jireen ilaaladooda oo ku dhintay shil diyaaradeed oo shalay ka dhacay duleedka Nairobi.

6/11/2012 2:58 AM EST
Isniin, June 11, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in dhawaan ay bilaabanayaan wadahadallo dhexmara Dowladda KMG ah iyo maamulka Somaliland, taasoo qayb ka ahayd qodobbadii kasoo baxay shirkii horraantii sannadkan lagu qabtay magaalada London ee dalka Britain.

6/11/2012 2:44 AM EST
Isniin, June 11, 2012 (HOL) — Xukuumadda Mareykanka ayaa ku hanjabtay inay ku soo rogayso xayiraaddo ay ka mid yihiin kuwa safarrada iyo dhaqaalaha cid walba oo ka hortimaadda fulinta heshiiska Roadmap-ka, dastuurka cusub iyo weliba in madaxweyne la doorto.