10/19/2019
Today from Hiiraan Online:  _
Wararka Maanta- Isniin, Jun 11, 2012
Xarakada Al-shabaab oo soo dhaweysay Geeridii Wasiirkii Amniga Qaranka ee dalka Kenya iyo ku xigeenkiisii


Isniin, June 11, 2012 (HOL) — Xarakada Al-shabaab ayaa warbixin ay ku daabaceen boggooda Twitter waxay ku sheegeen inay soo dhaweynayaan geeridii wasiirkii amniga Qaranka Kenya, George Saitoti, ku xigeenkiisii iyo afar qof oo kale oo ay ku jireen ilaaladooda oo ku dhintay shil diyaaradeed oo shalay ka dhacay duleedka Nairobi.

Wasiirka iyo ku xigeenkiisa ayaa la sheegay inay ku socdeen shir ammaanka looga hadlayo oo lagu waday inuu shalay ka dhaco magaalada Nairobi, iyadoo madaxda Kenya iyo kuwa Soomaalida ay ku tilmaameen geeridaas mid aad looga naxo.

"Al-shabaab waxay soo dhaweynaysaa dhimashada wasiirkii amniga Kenya, kaasoo mas'uul ka ahaa dhibaatooyin kumannaan muslimiin ah ku haysta dalalka Soomaaliya iyo Kenya," ayaa lagu yiri warka ay Al-shabaab ku daabacday Twitter-kooda.

Sidoo kale, Al-shabaab waxay sheegtay in Saitoti uu ahaa dambiile mas'uul ka ah dhibaatooyin fara badan oo loo geystay qoxootiga Soomaaliyeed ee ku jira xeryaha qoxootiga Kenya.

"George Saitoti wuxuu amar ku bixiyay afduubka, jir-dilka iyo xabsiyeynta boqollaal muslimiin ah oo aan waxba galabsan," ayaa lagu yiri warka Al-shabaab, sidoo kale waxay ku sheegeen inuu mas'uul ka ahaa dilka boqolaal muslimiin ah iyo kuwo kale oo lagu qasbay inay Kenya ka cararaan.

Al-shabaab waxay sidoo kale sheegeen in wasiirka amniga Kenya uu dhintay isagoo cadaawad weyn u haya Islaamka, waxayna geeridiisa ku sheegeen inay tahay mid baas-leh uuna dhintay isagoo ku socda jidkii cadaabka.

Ugu dambeyn, waxay sheegeen in dowladda Kenya ay iyada u taallo inay kala doorato in dalkeeda uu ammaan helo iyo inay ku socoto jidkii Saitoti oo ay xuseen inuu dalkaas u horseeday ammaan-darro weyn.

Wasiirkii amaanka Kenya ayaa wuxuu ahaa mas'uul aad ugu adag dagaalka lagula jiro Al-shabaab, isagoo sheegay markii ay ciidamada Kenya u soo tallaabayeen dhinaca Soomaaliya inay la dagaalamayaan mas madaxiisa uu yaallo xaafadda Islii ee Nairobi, dabadiisuna ay taallo Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/11/2012 12:54 PM EST
Isniin, June 11, 2012(HOL): Munaasabadaan oo ay soo abaabuleen dad ka soo jeeda deeganada uu maamulka Azaaniya ku magacaaban yahay islamarkaasina taageersan oo ka dhacday magaalada Minneapolis ee Gobolka Minnesota, ayaa waxaa goobjoog ka ahaa guud ahaan qeybaha bulshada sida, haween, dhalinyaro, waxgarad, aqoonyahano iyo waliba siyaasiin caan ah oo ka jeedaa dalka Kenya.

6/11/2012 7:27 AM EST
Isniin, June 11, 2012 (HOL) — Golaha wasiirrada DKMG Soomaaliya ayaa kulan ay ku yeesheen maanta magaalada Muqdisho waxay uga dalbadeen odayaasha daqanka inay sida ugu dhaqsiyaha badan kusoo gudbiyaan liiska ergada ansixinta dastuurka.

6/11/2012 6:46 AM EST
Isniin, June 11, 2012 (HOL) — Ergayga gaarka ah ee Midowga Afrika u qaabilsan arrimaha Soomaalia, Danjire Abuubakar Diarra ayaa dowladda iyo shacabka Kenya uga tacsiyeeyay geeridii wasiirka amaanka gudaha dalkaas, ku xigeenkiisii iyo afar qof oo shalay ay diyaaradi kula dhacday dhuleeka Kenya.

6/11/2012 6:20 AM EST
Isniin, June 11, 2012 (HOL) — Kooxo hubeysan ayaa maanta baqadii waxay xoog ku galeen xarunta shirkadda xawaaladda Jubba Express ee suuqa bakaaraha, halkaasoo ay ka qaateen lacago fara badan sida ay warbaahinta u sheegeen qaar ka mid ah shaqaalaha shirkaddaas.

6/11/2012 5:13 AM EST
Isniin, June 11, 2012 (HOL) — Dabley hubaysan ayaa salaadii hore ee saaka ku toogtay Guddoomiyihii Maxkamadda gobolka Hargeysa Cabdirashiid Maxamuud Duraan xaafadda New Hargeysa ee degmada Gacan-libaax ee Bariga magaaladda Hargeysa.

6/11/2012 3:30 AM EST
Isniin, June 11, 2012 (HOL) — Maamulka Puntland ayaa warsaxaafadeed ay soo saareen ku sheegay inay jiraan kooxo dano gaar ah leh oo doonaya inay leexiyaan qorshaha geeddi-socodka nabadda ee Soomaaliya.

6/11/2012 2:58 AM EST
Isniin, June 11, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in dhawaan ay bilaabanayaan wadahadallo dhexmara Dowladda KMG ah iyo maamulka Somaliland, taasoo qayb ka ahayd qodobbadii kasoo baxay shirkii horraantii sannadkan lagu qabtay magaalada London ee dalka Britain.

6/11/2012 2:44 AM EST
Isniin, June 11, 2012 (HOL) — Xukuumadda Mareykanka ayaa ku hanjabtay inay ku soo rogayso xayiraaddo ay ka mid yihiin kuwa safarrada iyo dhaqaalaha cid walba oo ka hortimaadda fulinta heshiiska Roadmap-ka, dastuurka cusub iyo weliba in madaxweyne la doorto.