7/22/2019
Today from Hiiraan Online:  _
Wararka Maanta- Axad, Jun 10, 2012
Shirkii Geeska Afrika oo lagu soo gebagebeeyay Magaalada Lund (SAWIRRO)



Axad, June 10, 2012(HOL): Shirkii looga hadlayay arrimaha ammaanka iy o nabadgelyada dalalka Geeska Afrika ee ka socday Magaalada Lund ee dalka Sweden ayaa maanta la soo gebagebeeyay, iyadoo uu socday muddo seddex maalmood ah.

Ergooyin ka kala yimid dalalka Somalia, Ethiopia, Eritrea, Sudan, Djibouti, South Sudan iyo wakiillo ka socday Qaramada Midoobay, Midowga Yurub iyo Shaqsiyaad ka socday Ururro shirka lagu casuumay ayaa ka qeybgalay.

Shirka ayaa maalintii ugu horreysay looga hadlay ammaanka iyo Nabadda dalalka Geeska Afrika, iyadoo maalintii koowaad uu shirka isugu jiray furitaan iyo khudbado gogol xaar u ah waxyaabaha la qorsheeyay in shirka looga hadlo maalmaha xiga.


Maalintii shalay ahayd ayaa madasha shirka waxaa ka dhacay doodo aad u xiiso badan oo ku saabsanaa Doorka bulshooyinka gudaha wadamooda ku nool ay saameyn ugu yeelan karaan nabad-dhisidda iyo dowlad-dhisidda. Doorka ay Warbaahinta ku yeelan karto nabadda iyo colaadaha. Sidoo kale waxaa aad looga dooday doorka ay beesha caalamka ku yeelan karto geeddi-socodka nabadda gudaha ee wadamada Geeska Afrika.

Inkastoo doodaha oo dhan ay ahaayeen kuwo ka qeybgalayaasha ay si saraaxad leh oo cilmiyeysan ay uga doodeen, haddana waxaa aad u xiiso badneyd dooddii ku saabsaneyd doorka warbaahinta ee ku aaddan nabadda iyo colaadda.

Sidoo  kale waxaa sanadkan xiiso goonni ah lahayd in ay shirka ka soo qeybgaleen Diblumaasiyiin iyo aqoonyahanno ka socday Waddamada Jabuuti, Suudaan Eritrea iyo South Sudan, kuwaasi oo si weyn uga dooday murannada u dhaxeeya wadamadaas, xiriirrada ay leeyihiin iyadoo intaas kaddibna ay ka qeybgalayaasha su’aalo weydiiyeen diblumaasiyiinta iyo aqoonyahannada.

Shirkan oo ah mid sanad kasta la qabto ayaa waxaa looga hadlaa arrimaha waddamada Geeska Afrika, iyadoo sanad kasta lagu soo qaado umuuraha markaas taagan.


Gunaanadkii shirka ayaa waxaa ka soo baxay qodobo wax ku ool ah oo ka soo baxay doodihii laga yeeshay ammaanka iyo nabadda gobollada geeska Afrika, waxaana doodahaas ahaayeen kuwo xiiso badan oo ka qeybgalayaasha ay si saraaxad leh uga doodeen.
























C/llaahi Jaamac oo sanad walba si weyn isugu howla qabashada shirka Geeska Afrika ayaa hadal kooban ka jeediyay xiritaanka shirka, wuxuuna si guud ugu mahadceliyay ka qeybgalayaasha shirka, si gaar ahna wuxuu ugu mahadceliyay Ambassador Count Pietersen oo ahaa shir guddoonka guud ee shirka, wuxuuna sheegay in uu Ambassador Count uu muddo dheer kala soo shaqeynayay qabsoomidda shirka Geeska Afrika.

Sidoo kalena Liibaan Cali Wehliye oo ka tirsan qabanqaabiyayaasha shirka Lund ee sanad kasta la qabto ayaa hadal ka jeediyay xiritaanka shirka, wuxuuna u mahadceliyay ka qeybgalayaasha shirka oo meelo kala duwan oo caalamka ah ka yimid, wuxuuna ku dhawaaqay in uu shirka xiran yahay.

Waxaa xusid mudan in Hailee Araya oo ah fannaanad da’ yar oo ka soo jeedda dalka Itoobiya ay gunaanadkii shirka ka qaadday labo heesood oo aad u macaan, kuwaasi oo ay ka qeybgalayaasha shirka si weyn ula dhaceen.









Salaad Iidow Xasan (Xiis), Hiiraan Online
[email protected]
Lund, Sweden










Click here
6/10/2012 9:36 AM EST
Kulan ay soo qabanqaabisay wasaarada dastuurka Soomaaliya ayaa waxaa isugu yimid gudiga loo saaray dib u habaynta dastuurka oo ay xubno ka yahiin wakiilo ka kala socda saxiixayaasha Roadmapka.

6/10/2012 8:41 AM EST
Axad, June 10, 2012 (HOL) — Guddiga madaxa-bannaan ee dastuur u sameynta Soomaaliya ayaa warsaxaafadeed ay maanta kasoo saareen kulan ay ku yeesheen Muqdisho waxay ku sheegeen in dastuurka uu weli gacantooda ku jiro, ayna bishan 16-keeda u gudbin doonaan qaybaha bulshada si ay talooyin uga bixiyaan.

6/10/2012 8:12 AM EST
Axad, June 10, 2012 (HOL) — Madax dhaqameedka iyo waxgaradka gobolka Awdal, ayaa ku baaqay shir Qaadhaan ururin ah oo loogu gurmanayo dadka ay abaaruhu saameeyeen ee ku dhaqan gobolada Awdal iyo Selel, kuwaas oo bilihii u dambeeyey laga soo sheegayey in xaalad aad u adag oo dad iyo duunyaba ku jiraan ay ka jirto deegaanadaasi.

6/10/2012 7:09 AM EST
Axad, June 10, 2012 (HOL) — Xukuumadda Somaliland, ayaa iska fogaysay inay wax lug ah ku lahayd go’aankii maxkamadda gobolka Hargeysa ka soo baxay ee lagu xukumay masuuliyiintii lagu eedeeyey lunsiga Raashinka Mucaawimadda, taas oo baryihii u dambeeyey xildhibaano ka tirsan Baarlamaanka Somaliland ku eedeeyeen inay xukuumaddu farogalisay kiiskaasi.

6/10/2012 7:07 AM EST
Axad, June 10, 2012 (HOL) — Wafdi uu hoggaaminayo kaaliyaha xogyaha arrimaha dibadda Mareykanka ee arrimaha Afrika, Johnnie Carson ayaa soo gaaray Muqdisho iyagoo kulammo la leh madaxda dowladda KMG Soomaaliya.

6/10/2012 6:40 AM EST
Axad, June 10, 2012 (HOL) — Mas’uuliyiinta ka tirsan maamulka gobollka Hiiraan iyo xubno isugu jira qeybaha bulshada oo ay ka mid yihiin odayaal dhaqameed, ayaa maanta ka dhoofay magaalada Beledweyne ee xarunta gobolka Hiiraan.

6/10/2012 6:35 AM EST
Axad, June 10, 2012 (HOL) — Wasiirka amniga gudaha Kenya Prof George Saitoti iyo kuxigeenkiisa Orda Ojode iyo afar kale ayaa maanta ku dhintay shil diyaaradeed oo ka dhacay Duleedka magaalada Nairobi ee caasimadda dalka Kenya.

6/10/2012 3:45 AM EST
Axad, June 10, 2012 (HOL) — Dowladda Jabuuti ayaa sheegtay inay qayb weyn ka qaadanayso dadaallada caalamka ee lagu doonayo in dib loogu soo celiyo nabaddii iyo kala dambeyntii ka jirtay Soomaaliya kaddib 21-sano oo dagaallo ay ka jireen.

6/10/2012 3:40 AM EST
Axad, June 10, 2012 (HOL) — Saraakiisha hogaamineysa ciidmaada dowladda KMG ee gobolka Gedo ayaa sheegay in dhawaan ay duulaan ku yihiin magaalooyinka Buurdhuubo iyo Baardheere oo ay gacanta ku hayaan xoogagga Al-shabaab.

6/10/2012 3:07 AM EST
Axad, June 10, 2012 (HOL) — Wararka laga helayo degmada Ceelbuur ee gobolka Galguduud ayaa waxay sheegayaan in ciidamadii Itoobiya iyo kuwii Ahlusunna ee ku sugnaa ay saakay isaga baxeen degmadaas, iyadoo ay gudaha u galeen xoogagga Al-shabaab.