8/26/2019
Today from Hiiraan Online:  _
Wararka Maanta- Axad, Jun 10, 2012
Kaaliyaha Xoghayaha Arrimaha Dibadda Mareykanka ee Arrimaha Afrika oo Muqdisho kula shirsan Madaxda DKMG ah


Axad, June 10, 2012 (HOL) — Wafdi uu hoggaaminayo kaaliyaha xogyaha arrimaha dibadda Mareykanka ee arrimaha Afrika, Johnnie Carson ayaa soo gaaray Muqdisho iyagoo kulammo la leh madaxda dowladda KMG Soomaaliya.

Kulammadan lama oga waxyaabaha looga hadlayo, waana kuwo ay albaabbadu u xiran yihiin oo ka socda xerada Xalane oo saldhig u ah AMISOM, iyadoo wararka ay sheegayaan in sidoo kale wafdi Ingiriiska ay shirkaas ka qaybgalayaan.

"Johnnie Carson ayaa saakay oo Axad ah aroortii hore kasoo dagay garoonka diyaaradaha ee Muqdisho," ayuu yiri afhayeenka AMISOM, Col. Paddy Ankunda oo wax laga weydiiyay socdaalka saraakiisha Mareykanka.

Inkastoo aan la ogeyn qodobbada looga hadlayo shirkan ayaa haddana waxaa jira warar hoose oo sheegaya in looga hadlayo dhameystirka Roadmap-ka iyo lacagtii uu Mareykanku dul-dhigay toddoba sarkaal oo Al-shabaab ka tirsan.

Wafdigan ayaa waxay noqonayaa kuwii ugu sarreeyay oo soo gaara Muqdisho tan iyo markii ay ciidamada AMISOM iyo kuwa dowladda la wareegeen gacan ku haynta Muqdisho oo Al-shabaab ay ka talin jirtay inteeda badan saddexdii sano ee lasoo dhaafay.

Socdaalka Carson ayaa ahaa mid aan saxaafadda lagu wargelin, wuxuuna kasoo dhoofay magaalada Nairobi oo uu ku sugnaa, iyadoo lagu wado in galabta uu xarunta Kenya kula hadlo warbaahinta.

Bishii Abriil ee sannadkii 2007 ayay ahayd markii kaaliyihii wasaaradda arrimaha dibadda Mareykanka ee arrimaha Afrika, Jendayi Frazer ay booqasho ku tagtay magaalada Baydhabo oo TFG-du ay deggenayd, iyadoo markaas ku baaqday in la adkeeyo ammaanka Soomaaliya.

Maxamed Xaaji Xuseen, Hiiraan Onilne
[email protected]
Muqdisho, Soomaaliya










Click here
6/10/2012 10:07 AM EST
Axad, June 10, 2012(HOL): Shirkii looga hadlayay arrimaha ammaanka iy o nabadgelyada dalalka Geeska Afrika ee ka socday Magaalada Lund ee dalka Sweden ayaa maanta la soo gebagebeeyay, iyadoo uu socday muddo seddex maalmood ah.

6/10/2012 9:36 AM EST
Kulan ay soo qabanqaabisay wasaarada dastuurka Soomaaliya ayaa waxaa isugu yimid gudiga loo saaray dib u habaynta dastuurka oo ay xubno ka yahiin wakiilo ka kala socda saxiixayaasha Roadmapka.

6/10/2012 8:41 AM EST
Axad, June 10, 2012 (HOL) — Guddiga madaxa-bannaan ee dastuur u sameynta Soomaaliya ayaa warsaxaafadeed ay maanta kasoo saareen kulan ay ku yeesheen Muqdisho waxay ku sheegeen in dastuurka uu weli gacantooda ku jiro, ayna bishan 16-keeda u gudbin doonaan qaybaha bulshada si ay talooyin uga bixiyaan.

6/10/2012 8:12 AM EST
Axad, June 10, 2012 (HOL) — Madax dhaqameedka iyo waxgaradka gobolka Awdal, ayaa ku baaqay shir Qaadhaan ururin ah oo loogu gurmanayo dadka ay abaaruhu saameeyeen ee ku dhaqan gobolada Awdal iyo Selel, kuwaas oo bilihii u dambeeyey laga soo sheegayey in xaalad aad u adag oo dad iyo duunyaba ku jiraan ay ka jirto deegaanadaasi.

6/10/2012 7:09 AM EST
Axad, June 10, 2012 (HOL) — Xukuumadda Somaliland, ayaa iska fogaysay inay wax lug ah ku lahayd go’aankii maxkamadda gobolka Hargeysa ka soo baxay ee lagu xukumay masuuliyiintii lagu eedeeyey lunsiga Raashinka Mucaawimadda, taas oo baryihii u dambeeyey xildhibaano ka tirsan Baarlamaanka Somaliland ku eedeeyeen inay xukuumaddu farogalisay kiiskaasi.

6/10/2012 6:40 AM EST
Axad, June 10, 2012 (HOL) — Mas’uuliyiinta ka tirsan maamulka gobollka Hiiraan iyo xubno isugu jira qeybaha bulshada oo ay ka mid yihiin odayaal dhaqameed, ayaa maanta ka dhoofay magaalada Beledweyne ee xarunta gobolka Hiiraan.

6/10/2012 6:35 AM EST
Axad, June 10, 2012 (HOL) — Wasiirka amniga gudaha Kenya Prof George Saitoti iyo kuxigeenkiisa Orda Ojode iyo afar kale ayaa maanta ku dhintay shil diyaaradeed oo ka dhacay Duleedka magaalada Nairobi ee caasimadda dalka Kenya.

6/10/2012 3:45 AM EST
Axad, June 10, 2012 (HOL) — Dowladda Jabuuti ayaa sheegtay inay qayb weyn ka qaadanayso dadaallada caalamka ee lagu doonayo in dib loogu soo celiyo nabaddii iyo kala dambeyntii ka jirtay Soomaaliya kaddib 21-sano oo dagaallo ay ka jireen.

6/10/2012 3:40 AM EST
Axad, June 10, 2012 (HOL) — Saraakiisha hogaamineysa ciidmaada dowladda KMG ee gobolka Gedo ayaa sheegay in dhawaan ay duulaan ku yihiin magaalooyinka Buurdhuubo iyo Baardheere oo ay gacanta ku hayaan xoogagga Al-shabaab.

6/10/2012 3:07 AM EST
Axad, June 10, 2012 (HOL) — Wararka laga helayo degmada Ceelbuur ee gobolka Galguduud ayaa waxay sheegayaan in ciidamadii Itoobiya iyo kuwii Ahlusunna ee ku sugnaa ay saakay isaga baxeen degmadaas, iyadoo ay gudaha u galeen xoogagga Al-shabaab.