3/19/2024
Today from Hiiraan Online:  _
Wararka Maanta- Axad, Jun 10, 2012
Mas’uuliyiin iyo xubno ka kooban qeybaha bulshada oo maanta ka dhoofay Magaalada Beledweyne iyagoo kusii jeeda dalka Jabuuti

Axad, June 10, 2012 (HOL) — Mas’uuliyiinta ka tirsan maamulka gobollka Hiiraan iyo xubno isugu jira qeybaha bulshada oo ay ka mid yihiin odayaal dhaqameed, ayaa maanta ka dhoofay magaalada Beledweyne ee xarunta gobolka Hiiraan.

Xubnaha maanta ka anbabaxay Beledweyne ayaa waxaa horkacayay guddoomiye ku-xigeenka arrimaha bulshada maamulka gobollka Hiiraan Max'ed Cismaan Garabeey sida uu HOL u xaqiijiyay C/wali Xassan Jimcaale ‘’Cowke’’ oo ka mid ah mas’uuliyiinta warfaafinta u qaabilsan maamulka gobollka Hiiraan

"Waxaa ay ka koobnaayeen xubnaha maanta ka dhoofay Beledweyne mas’uuliyiin ka tirsan maamulka gobolka, sida guddoomiyayaasha degmooyinka Beledweyne, Maxaas, Matabaan, iyo xubno ka tirsan odayaasha dhaqanka iyo ganacastada waxaana ay ku sii jeedaan dalka Jabuuti,’’ ayuu yiri mas’uulka u hadllay maamulka gobollka Hiiraan.

Xubnaha ayaa la sheegay in ay dalka Jabuuti uga soo qeyb-gali doonaan Siminaar ay qabaneyso hay’adda gargaarka u qaabilsan dowladda Mareykanka ee USAID, oo dhawaan saraakiil ka tirsan booqasho ku gaareen magaalada Beledweyne.

Waxaa lagu wadaa in mas’uuliyiinta hay’adda iyo xubnaha ka kooban qeybaha bulshada ee maanta ka tagay Beledweyne Siminaarka kadib ka wada hadllaan baahiyaha dhabta ah ee waqtigan ka jira gobolka iyo mashaariicda xiligan ay u baahan yihiin bulshada gobollka in fulayo.

Socdaalka wafdiga maanta ka ka dhoofay Beledweyne ayaa ku soo beegmaya xili sidoo kale guddoomiyaha gobollka Hiiraan C/fitaax Xassan Afrax iyo mas’uuliyiin ka tirsan maamulka gobollka Hiiraan ku sugan yihiin magaalada Muqdisho.

Waa markii ugu horeysay xubo ka kooban qeybaha bulshada oo ay ku jiraan odayaal dhaqameed iyo ganacsatado safar noocan oo kale ah uga anbabaxaan dalka Jabuuti oo dhawaan ciidamo ka socda ay ka soo degaan magaalada Beledweyne.

C/raxmaan Diini, Hiiraan Online
[email protected]
Beledweyne, Soomaaliya













Click here
6/10/2012 10:07 AM EST
Axad, June 10, 2012(HOL): Shirkii looga hadlayay arrimaha ammaanka iy o nabadgelyada dalalka Geeska Afrika ee ka socday Magaalada Lund ee dalka Sweden ayaa maanta la soo gebagebeeyay, iyadoo uu socday muddo seddex maalmood ah.

6/10/2012 9:36 AM EST
Kulan ay soo qabanqaabisay wasaarada dastuurka Soomaaliya ayaa waxaa isugu yimid gudiga loo saaray dib u habaynta dastuurka oo ay xubno ka yahiin wakiilo ka kala socda saxiixayaasha Roadmapka.

6/10/2012 8:41 AM EST
Axad, June 10, 2012 (HOL) — Guddiga madaxa-bannaan ee dastuur u sameynta Soomaaliya ayaa warsaxaafadeed ay maanta kasoo saareen kulan ay ku yeesheen Muqdisho waxay ku sheegeen in dastuurka uu weli gacantooda ku jiro, ayna bishan 16-keeda u gudbin doonaan qaybaha bulshada si ay talooyin uga bixiyaan.

6/10/2012 8:12 AM EST
Axad, June 10, 2012 (HOL) — Madax dhaqameedka iyo waxgaradka gobolka Awdal, ayaa ku baaqay shir Qaadhaan ururin ah oo loogu gurmanayo dadka ay abaaruhu saameeyeen ee ku dhaqan gobolada Awdal iyo Selel, kuwaas oo bilihii u dambeeyey laga soo sheegayey in xaalad aad u adag oo dad iyo duunyaba ku jiraan ay ka jirto deegaanadaasi.

6/10/2012 7:09 AM EST
Axad, June 10, 2012 (HOL) — Xukuumadda Somaliland, ayaa iska fogaysay inay wax lug ah ku lahayd go’aankii maxkamadda gobolka Hargeysa ka soo baxay ee lagu xukumay masuuliyiintii lagu eedeeyey lunsiga Raashinka Mucaawimadda, taas oo baryihii u dambeeyey xildhibaano ka tirsan Baarlamaanka Somaliland ku eedeeyeen inay xukuumaddu farogalisay kiiskaasi.

6/10/2012 7:07 AM EST
Axad, June 10, 2012 (HOL) — Wafdi uu hoggaaminayo kaaliyaha xogyaha arrimaha dibadda Mareykanka ee arrimaha Afrika, Johnnie Carson ayaa soo gaaray Muqdisho iyagoo kulammo la leh madaxda dowladda KMG Soomaaliya.

6/10/2012 6:35 AM EST
Axad, June 10, 2012 (HOL) — Wasiirka amniga gudaha Kenya Prof George Saitoti iyo kuxigeenkiisa Orda Ojode iyo afar kale ayaa maanta ku dhintay shil diyaaradeed oo ka dhacay Duleedka magaalada Nairobi ee caasimadda dalka Kenya.

6/10/2012 3:45 AM EST
Axad, June 10, 2012 (HOL) — Dowladda Jabuuti ayaa sheegtay inay qayb weyn ka qaadanayso dadaallada caalamka ee lagu doonayo in dib loogu soo celiyo nabaddii iyo kala dambeyntii ka jirtay Soomaaliya kaddib 21-sano oo dagaallo ay ka jireen.

6/10/2012 3:40 AM EST
Axad, June 10, 2012 (HOL) — Saraakiisha hogaamineysa ciidmaada dowladda KMG ee gobolka Gedo ayaa sheegay in dhawaan ay duulaan ku yihiin magaalooyinka Buurdhuubo iyo Baardheere oo ay gacanta ku hayaan xoogagga Al-shabaab.

6/10/2012 3:07 AM EST
Axad, June 10, 2012 (HOL) — Wararka laga helayo degmada Ceelbuur ee gobolka Galguduud ayaa waxay sheegayaan in ciidamadii Itoobiya iyo kuwii Ahlusunna ee ku sugnaa ay saakay isaga baxeen degmadaas, iyadoo ay gudaha u galeen xoogagga Al-shabaab.