7/2/2022
Today from Hiiraan Online:  _
Wararka Maanta- Arbaco, July 4 , 2012
Odayaasha Dhaqanka Soomaaliyeed oo DKMG Somalia ku eedeeyay inay Fara-gelin ku hayso shirka uga socda Muqdisho
Arbaco, July 04, 2012 (HOL) — Odayaasha dhaqanka Soomaaliyeeed ee soo xulaya ergada ansixinaysa dastuurka cusub ayaa sheegay in DKMG ay fara-gelin ku hayso shirkooda, iyagoo xusay inaysan u madax-bannaaneyn howlahooda.

Sidoo kale, odayaashu waxay dalbadeen in maalmo loogu daro xilliga laga sugayo inay soo gudbiyaan 825-xubnood ee ansixinaya dastuurka isla markaana soo xulaya baarlamaanka cusub, iyagoo sheegay inay soo gudbiyaana inta aan la gaarin bishan 10-keeda.

"Howlaheenna waxaa lagu hayaa faragelin, waxaana u aragnaa inay dowladdu doonayso inaan u noqonno maxlal, mana ogolaanayno taas," ayuu yiri mid ka mid ah oday-dhaqameedyada shirka ka qaybgalaya.

Sidoo kale, oday dhaqameedkan wuxuu sheegay inay u baahan yihiin furasad dheeri ah si ay u akhriyaan dastuurka una soo gudbiyaan ergadii loog baahnaa, isagoo ku daray hadalkiisa inaanay ka imaan doonin wax dhibaato u keenaya shacabka Soomaaliyeed.

"Madaxda DKMG ah waxay noo sheegeen markii uu shirku billaabanayay in faraha naloo geliyay masiirkii ummadda iyo dalka Soomaaliya, waxayna sheegeen inaanan go'aan ku lahayn talada dalka labadaasuna ma ahan kuwo is-qaban kara," ayuu yiri oday-dhaqmeedka hadlay.

Dhanka kale, waxaa hadalka qaatay wasiirka ganacsiga iyo warshadaha DKMG ah, C/wahaab Ugaas Khaliif oo sheegay in odayaasha dhaqanku ay yihiin kuwii wax ka ansixin lahaa dastuurka, wuxuuna sheegay in dowladdu ay san doonayn inay wax aan dani ugu jirin dalka iyo dadka ay shirkan kasoo baxaan.

Odayaasha dhaqanka ayaa toddobaad ka hor soo jeediyay in xildhibaanada cusub ee baarlamaanka la kordhiyo lagana dhigo tiradooda 275-xubnood, inkastoo DKMG ah ay arrintaas gaashaanka ku dhufatay.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/4/2012 2:04 PM EST
Arbaco, Luulyo,4, 2012 (HOL)- Weftigii uu hogaaminayey Madaxweynaha Somaliland Md. Axmed Maxamed Maxamuud (Siilaanyo) ee kulanka kula yeeshay madaxweynaha Soomaaliya Md: Sheekh Shariif Sh. Axmed magaaladda Dubia ee imaaraadka Carabta ayaa dalka dib ugu soo laabtay, kana soo degay madaarka Berbera ee gobolka Saaxil.

7/4/2012 12:40 PM EST
Arbaco, July 04, 2012-Mas’uuliyiin Isboorti iyo Ciyaartoy ka socda dalka Soomaaliya ayaa ka qeybgeleysa tartanka Olombikada Adduunka oo 27-ka bishan ka furmi doona magaalada London ee dalka Britain.

7/4/2012 8:37 AM EST
Arbaco, July, 04, 2012 (HOL) -- Jaamacada Plasma oo ka mid ah Jaamacadaha ka furan magaalada Beledweyne ee xarunta gobollka Hiiraan ayaa waxaa imtixaan u fariistay in ka badan 100 ardey ah oo isugu jiray kuwa barta maadada caafimaadka iyo ganacsiga.

7/4/2012 8:22 AM EST
Arbaco, July 04, 2012 (HOL) — Madaxweynaha dalka Uganda Yoweri Museveni ayaa sheegay in howgalka ay ciidamadiisa qaybta ka ah howlgalka AMISOM ee ku sugan Soomaaliya aysan ahayn kuwo ay dano gaar ah ka leeyihiin.

7/4/2012 7:47 AM EST
Arbaco, July 04, 2012 (HOL) — Dooddan oo ay ka qaybteen odayaal dhaqan ayaa waxaa soo qabanqaabisay hay'adda midnimada dhalinyarada Soomaaliyed ee UYS oo ay ka qayb-galeen odayaal-dhaqameedyo, waxaana looga hadlay doorka ay ku yeelan karaan odayaasha dhaqanka ka qaybqaaadasha sugidda ammaanka.

7/4/2012 7:30 AM EST
Arbaco, July 04, 2012 (HOL) — Kaddib shir laba maalmood uga socday kooxda ICG ee xiriirka caalamiga Soomaaliya ayaa waxaa laga soo saaray qodobbo dhowr ah, kuwaasoo ay ka mid ahaayeen in madaxda DKMG ah ay ku dhameystiraan xilliga KMG ah waqtigii loo qabtay ee 20-ka bisha Ogoosto ee sannadkan.

7/4/2012 3:40 AM EST
Arbaco, July 04, 2012 (HOL) — Dowladda KMG Soomaaliya iyo Qaramada Midoobay ayaa kala saxiixday qorshe howleed lagu joojinayo in carruurta laga dhigto askar, iyadoo heshiiskan lagu gaaray shirkii ka dhacay Roma, waxanaa dhinaca Qaramada Midoobay u saxiixay ergayga gaarka ee arrimaha Soomaaliya, dajire Augustine P. Mahiga iyadoo dhinaca DKMG ah uu u saxiixay wasiirka gaashaandhigga, Xuseen Carab Ciise.

7/4/2012 2:43 AM EST
Arbaco, July 04, 2012 (HOL) — Deeqaha bixiya ee caalamka ee ka qaybgalay shirkii arrimaha Soomaaliya looga hadlayay ee dhacay magaalada Roma ee xarunta dalka Talyaaniga ayaa dalbaday in dastuurka cusub ee Soomaaliya uu noqdo mid dhowraya xorriyadda diimaha.