3/29/2024
Today from Hiiraan Online:  _
Wararka Maanta- Axad, July 22, 2012
AMISOM oo sheegay in ciidamadooda iyo kuwa DKMG ah ay hub ka heleen Saldhig ay Al-shabaab ku lahayd Gobolka Gedo

Axad, July 22, 2012 (HOL) — Warsaxaafadeed ay AMISOM soo saartay maanta oo Axad ah ayay ku sheegtay in ciidamadooda ka socda dalka Kenya iyo kuwa DKMG ah ee ku sugan gobolka ay hub ka heleen saldhig ay Al-shabaab ku lahayd deegaanka Tarako ee gobolka Gedo, aroortii hore ee Salaasadii lasoo dhaafay.

AMISOM waxay sheegtay in iskahorimaad ka dhacay deegaankaas ay ku dileen afar ka mid ah xoogagga Al-shabaab, uuna howgalkoodu ahaa mid qorsheysan oo ay ku raadinayeen hubka.

"Hub aan qabannay wuxuu isugu jiray, 11 qori oo AK ah iyo 550 rasaas ah, laba qori oo baasuukayaal ah iyo 60 rasaastooda ah, 10 bambada gacanta ah iyo laba fooneeyaha lagu xiriiro ah," ayaa lagu yiri warbixinta ay AMISOM soo saartay.

Taliye ku xigeenka ciidamada AMISOM, Jen. Audace Nduwumunsi ayaa warbixinta ku sheegay in howgalkan uu ahaa mid ay AMISOM ku doonayso inay kaga hortagto kooxaha argagaxisada ah si shacabku ay nabad u helaan.

"Xilligan aadka u adag, Soomaaliya waxay isku diyaarinaysaa inay u gudbto xilli siyaasadeed oo cusub kaddib 12-sano oo xilli KMG ah lagu soo shaqeynayay, innaguna waxaan ballanqaadnay inaan ammaanka shacabka Soomaaliyeed sugno," ayuu yiri Jen. Nduwumunsi.

Ma jiro hadal kasoo baxay dhinaca Xarakada Al-shabaab oo ku saabsan howgalka ay AMISOM sheegtay inay hub kaga qabsatay Al-shabaab, sidoo kalena ay kaga dishay howgalka ka dhacay gobolka Gedo dagaalyahanno.

Tan iyo sannadkii lasoo dhaafay ciidamada AMISOM waxay guulo ka gaareen dagaallo ay la galeen Xarakada Al-shabaab, iyagoo kala wareegay deegaanno ku yaalla Koonfurta iyo bartamaha Soomaaliya.

Hadalkan ayaa wuxuu kusoo beegmayaa xilli lagu wado in maalmaha soo socda uu ka furmo Muqdisho shirweynaha ansixinta dastuurka qabyada ah ee Soomaaliya iyo soo xulista xildhibaannada cusub ee baarlamaanka Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/22/2012 6:37 PM EST
Axad, July 22, 2012(HOL) Bandhig isugu jiray soo bandhigid buugaag ay qoreen abwaanno dalkeenna sida aadka ah looga qadderiyo oo ay ka mid yihiin Maxamed Ibrahim Hadraawe iyo Mustafa Sheekh Cilmi.

7/22/2012 11:08 AM EST
Axad, July 22, 2012(HOL) — Ururka dhalinyarada iyo horumarinta arimaha bulshada Puntland (PSA) ayaa maanta deeq Marawaxado ka kooban gaarsiiyey xabsiga weyn ee magaalada Boosaaso (Gaal-shire).

7/22/2012 9:07 AM EST
Axad, July 22, 2012 (HOL) — Guddoomiyaha dhawaan dowladda KMG Soomaaliya u soo magacaawday maamulka degmada Baladweyne, Xuseen Ibraahim Cabdi (Gurey) ayaa markii ugu horreysay baaq u diray hay’addaha samafalka ka howlgala magaalada.

7/22/2012 8:39 AM EST
Axad, July 22, 2012 (HOL) — Magaalada Baydhabo ee gobolka Bay ayaa markii ugu horreysay tan iyo markii ay burburtay dowladdii dhexe ee Soomaaliya 22-sano ka hor waxaa maanta lagu qabtay imtixaan loogu tartamayo deeq waxbrasaho.

7/22/2012 8:36 AM EST
Axad, July 22, 2012 (HOL) — Shirkadda isgaarsiinta Hormuud Telecom ayaa waxay maanta gargaar afurin ah gaarsiisay maxaabiista ku jira xabsiga dhexe ee Muqdihso iyadoo gargaarkaas lagu wareejiyay taliyaha ciidanka asluubta Soomaaliyeed, Jen. Cabdi Maxamed Ismaaciil iyo wasiirka owqaafta iyo arrimaha diinta DKMG ah, Axmed Xasan Gaboobe.

7/22/2012 8:07 AM EST
Axad, July 22, 2012 (HOL) — Iskahorimaad ku dhexeeyay dibadbaxayaal muslimiin ah iyo booliiska Itoobiya ayaa shalay oo Sabti ahayd ka dhacay waqooyiga Addis Ababa oo ah xarunta dalka Itoobiya, inkastoo iskahorimaadkaas uusan sababin wax dhimasho iyo dhaawac ah, haddana waxay booliisku xireen tiro dibadbaxayaasha ka mid ahaa.

7/22/2012 7:42 AM EST
Axad, July 22, 2012 (HOL) — Iska-horimaad xooggan ayaa xalay ka dhacay degmada Badhaadhe ee gobolka Jubbada Hoose kaasoo u dhexeeyay ciidamada Dowladda KMG iyo kuwa Raaskaambooni oo kaashanaya Militariga Kenya iyo Xarakada Al-shabaab.

7/22/2012 6:55 AM EST
Axad, July 22, 2012 (HOL) — Wasiirka Duulista Hawadda Somaliland oo hogaaminayo wefti iskugu jira, wasiiro iyo xildhibaano, ayaa olole bannayn ah ka bilaabay garoonkii diyaaradaha ee magaaladda Burco ee xarunta gobolka Togdheer kaas oo muddo badan aan shaqayn.

7/22/2012 6:53 AM EST
Axad, July 22, 2012 (HOL) — Qof haweeney ah ayaa ku dhimatay, laba qof oo kalena way ku dhaawacmeen iska-horimaad ciidammo kawada tirsan dowladda KMG Soomaaliya ku dhexmaray maanta oo Axad ah waddada Maka Al-Mukarama ee magaalada Muqdisho.

7/22/2012 4:23 AM EST
Axad, July 22, 2012 (HOL) — Guddoomiyaha gobolka Galguduud ay dowladda KMG toddobaadkii hore u magacowday gobolkaas, Yuusuf Xasan Ciyoow iyo xubno wehlinaya ayaa saakay ka dagay garoonka diyaaradaha ee degmada Guriceel, halkaasoo ay ku soo dhaweeyeen dadweyne fara badan.