8/3/2021
Today from Hiiraan Online:  _
Wararka Maanta- Arbaco, July 18, 2012
Dowladda KMG ah ee Soomaaliya oo sheegtay in Odayaasha Dhaqanku ay dib u eegis ku sameeyeen Dastuurka Cusub


Arbaco, July 18, 2012 (HOL) — Warsaxaafadeed kasoo baxay dowladda KMG ah ayaa lagu sheegay in odayaasha dhaqanka ee ku shirsan Muqdisho ay dib u eegis ku sameeyeen dastuurka cusub ee Soomaaliya ayna maanta dib u soo celiyeen, balse talooyin ay soo jeediyeen odayaasha ay dowladdu sheegtay in loo gudbin doono ergooyinka ansixin doona dastuurka.

Dowladda ayaa sheegtay in tallaabadan ay timid kaddib markii dood waxtar leh laga sameeyay arrimaha dastuurka iyo horumarintiisa. Iyadoo warsaxaafadeedka lagu yiri: "Odayaasha dhaqanka ayaa si dib u heshiisiin ku jirto waxay wadada u xaareen geedi socodka qorshaha kala-guurka ee lagu soo dhameystirayo xiliga kumeelgaarka."

Wasiirka arrimaha dastuurka iyo dib u heshiisiinta, C/raxmaan Xoosh Jibriil ayaa soo dhaweeyay taallaabadan isagoo ku tilmaamay mid muhiim ah horayna u riixaysa geeddi socodka looga baxayo xilliga KMG ah.

“Waan ku faraxsan nahay horumarka la sameeyay. Shacabka Soomaaliyeed waxay sugayaan isbedel, tallaabadan waxay xaqiijineysaa arintaas. Waa in si wadajir ah loo sameeyo si loo helo dib-u-heshiisiin dhab ah, loona badbaadiyo jiilalka soo socda, dowlad ka kooban bulshada oo dhanna la hirgeliyo," ayuu yiri wasiirka dastuurka oo hadlay.

Dhawaanahan ayaa waxaa jiray muran ku saabsan qodobbo dastuurka ka mid ah oo ay odayaashu sheegeen in loo baahan yahay in wax ka bedel lagu sameeyo, taas oo keentay in madaxda DKMG ah iyo odayaashu ay kulammo arrintan ku aaddan ku yeeshaan magaalada Muqdisho.

Odayaasha dhaqanka ayaa dhankooda sheegin inay dib ugu celiyeen dowladda KMG ah dastuurka KMG ah kaddib markii ay dib u eegis ku sameeyeen, waxaana lagu soo beegan warsaxaafadeedkan iyadoo lagu wado in maalmaha soo socda uu Muqdisho ka furmo shirweynaha lagu ansixinayo dastuurka cusub ee Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
7/18/2012 10:25 AM EST
Arbaco, July 18, 2012 (HOL) — Ergayga xoghayaha guud ee Qaramada Midoobay u qaabilsan arimaha Soomaaliya, dajire Augustine Mahiga ayaa ka hadlay eedeymaha loosoo jeediyay madaxda dowladda KMG ah ee la xiriira lunsashada hantida Qaran.

7/18/2012 10:12 AM EST
Arbaco, July 18, 2012 (HOL) — Wasaaradda arrimaha dibadda ee Taiwan ayaa shaacisay maanta oo Arbaco ah in dooni kalluumeysi oo laga leeyahay dalka Taiwan iyo 26-shaqaale oo la socday ay si daayeen burcadbadeedda Soomaaliyeed kaddib afduub ay ku haysteen 19 bilood.

7/18/2012 8:47 AM EST
Arbaco, July 18, 2012 (HOL) — Dagaal aad u culus isla markaana dhaliyay khasaarooyin isugu jira dhimasho yio dhaawac ayaa xalay ka dhacay deegaanka Qooqaani ee gobolka Jubada Hoose.

7/18/2012 8:44 AM EST
Arbaco, July 18, 2012 (HOL) — Badhasaabka gobolka Sool Maxamed Maxamuud Cali (Jeeni Yare) ayaa la sheegay inuu xabsiga u taxaabay maayarkii iyo maayar ku xigeenkii magaaladda Laascaanood.

7/18/2012 8:43 AM EST
Arbaco, July 18, 2012 (HOL) — Mas’uuliyiinta maamulka gobollka Hiiraan oo maanta shir saxaafadeed ku qabtay magaalada Baladweyne ayaa si kulul uga jawaabay sida ay hadalka u dhigeen war ay qoreen qeybaha warbaahinta qaarkood oo la sheegay in laga soo xigtay ra’iisal C/wali Max’ed Cali Gaas.

7/18/2012 3:12 AM EST
Arbaco, July 18, 2012 (HOL) — Dagaallo geystay dhimasho iyo dhaawac ayaa xalay mar kale ka dhacay duleedka degmada Baardheere ee gobolka Gedo, halkaasoo ay shalay ka dhaceen dagaallo culus oo khasaare badan geystay.

7/18/2012 3:11 AM EST
Arbaco, July 18, 2012 (HOL) — Madaxweynaha Maamulka Galmudug, Col. Maxamed Axmed Caalin ayaa qalliin shan saacadood qaatay looga sameeyay wadnaha, kaddib markii xanuun kasoo wajahay awgiis loogu qaaday maalmo ka hor magaalada Nairobi ee dalka Kenya.

7/18/2012 3:10 AM EST
Arbaco, July 18, 2012 (HOL) — Gudiggii loo xil saaray soo xulitaanka ergada uga qaybgalaysa Puntland shirweynaha ansixinta dastuurka Soomaaliya ayaa la shaaciyay in soo xulitaankoodii lasoo gabgabeeyay shalay oo Talaado ahayd, isla markaasna ay dhamaantood diyaar yihiin.