8/3/2021
Today from Hiiraan Online:  _
Wararka Maanta- Arbaco, July 18, 2012
Mas’uuliyiinta Maamulka Gobolka Hiiraan oo ka Jawaabay war laga soo xigtay Ra’iisal Wasaaraha xukuumada KMG


Arbaco, July 18, 2012 (HOL) — Mas’uuliyiinta maamulka gobollka Hiiraan oo maanta shir saxaafadeed ku qabtay magaalada Baladweyne ayaa si kulul uga jawaabay sida ay hadalka u dhigeen war ay qoreen qeybaha warbaahinta qaarkood oo la sheegay in laga soo xigtay ra’iisal C/wali Max’ed Cali Gaas.

Ku-simaha guddoomiyaha maamulka gobolka Hiiraan Max’ed Macalin Yuusuf (Garabay) oo ka hadllay shirka jaraa’ad ayaa sheegay in ay aad ula yaabeen war la sheegay in laga soo xigtay ra’iisal wasaare C/wali Gaas oo sheegaya in uu ku bixiyay gobollka Hiiraan lacag dhan $ 1, milyan oo doolar.

"Waxaan leenahay warkaasi waa been abuur, ma jiraan wax dhaqaallaha oo uu gobollka Hiiraan ku bixiyay ra’iisal C/wali, isaga ayaa laga doonayaa in uu jawaabo hadalkan haddii yahay mid laga been abuurtay iyo haddii isaga laga soo xigtay intaba," ayuu yiri Maxamed Garabey.

Wuxuu intaa ku darray in wararkan soo baxaya ee ka hadllaya in $ 1, milyan oo doolar lagu bixiyay gobollka Hiiraan ay muujiyaan in ay jiraan lacago loogu talagalay gobollka, laakiin laga lunsaday, taasoo ceeb iyo fool xumo ku ah ayuu yiri mas’uulkan warkan laga soo xigtay.

"Waxaa annaga noocad in uu jiro qorshe loogu talagalay gobollka Hiiraan, laakiin si kale loo maamulay, sidaa daraadeed waa in jawaab cad uu ka bixiyaan ra’iisal wasaaraha warkan ku saabsan dhaqaallaha intaa la ee uu sheegay in uu ku bixiyay gobollka Hiiraan,’’ ayuu hadalkiisa ku daray.

Shirka jaraa’id oo ay maanta ku qabteen magaalada Baladweyne mas’uuliyiinta maamulka gobollka Hiiraan ayaa imanaya xili dhawaan kooxda Monitoring Group ay ku eedeeyeen mas’uuliyiinta sare ee dowladda in ay lunsadeen lacago loogu deeqay dalka Soomaaliya.

C/raxmaan Diini, Hiiraan Online
[email protected]
Baladweyne, Soomaaliya










Click here
7/18/2012 10:25 AM EST
Arbaco, July 18, 2012 (HOL) — Ergayga xoghayaha guud ee Qaramada Midoobay u qaabilsan arimaha Soomaaliya, dajire Augustine Mahiga ayaa ka hadlay eedeymaha loosoo jeediyay madaxda dowladda KMG ah ee la xiriira lunsashada hantida Qaran.

7/18/2012 10:12 AM EST
Arbaco, July 18, 2012 (HOL) — Wasaaradda arrimaha dibadda ee Taiwan ayaa shaacisay maanta oo Arbaco ah in dooni kalluumeysi oo laga leeyahay dalka Taiwan iyo 26-shaqaale oo la socday ay si daayeen burcadbadeedda Soomaaliyeed kaddib afduub ay ku haysteen 19 bilood.

7/18/2012 9:12 AM EST
Arbaco, July 18, 2012 (HOL) — Warsaxaafadeed kasoo baxay dowladda KMG ah ayaa lagu sheegay in odayaasha dhaqanka ee ku shirsan Muqdisho ay dib u eegis ku sameeyeen dastuurka cusub ee Soomaaliya ayna maanta dib u soo celiyeen, balse talooyin ay soo jeediyeen odayaasha ay dowladdu sheegtay in loo gudbin doono ergooyinka ansixin doona dastuurka.

7/18/2012 8:47 AM EST
Arbaco, July 18, 2012 (HOL) — Dagaal aad u culus isla markaana dhaliyay khasaarooyin isugu jira dhimasho yio dhaawac ayaa xalay ka dhacay deegaanka Qooqaani ee gobolka Jubada Hoose.

7/18/2012 8:44 AM EST
Arbaco, July 18, 2012 (HOL) — Badhasaabka gobolka Sool Maxamed Maxamuud Cali (Jeeni Yare) ayaa la sheegay inuu xabsiga u taxaabay maayarkii iyo maayar ku xigeenkii magaaladda Laascaanood.

7/18/2012 3:12 AM EST
Arbaco, July 18, 2012 (HOL) — Dagaallo geystay dhimasho iyo dhaawac ayaa xalay mar kale ka dhacay duleedka degmada Baardheere ee gobolka Gedo, halkaasoo ay shalay ka dhaceen dagaallo culus oo khasaare badan geystay.

7/18/2012 3:11 AM EST
Arbaco, July 18, 2012 (HOL) — Madaxweynaha Maamulka Galmudug, Col. Maxamed Axmed Caalin ayaa qalliin shan saacadood qaatay looga sameeyay wadnaha, kaddib markii xanuun kasoo wajahay awgiis loogu qaaday maalmo ka hor magaalada Nairobi ee dalka Kenya.

7/18/2012 3:10 AM EST
Arbaco, July 18, 2012 (HOL) — Gudiggii loo xil saaray soo xulitaanka ergada uga qaybgalaysa Puntland shirweynaha ansixinta dastuurka Soomaaliya ayaa la shaaciyay in soo xulitaankoodii lasoo gabgabeeyay shalay oo Talaado ahayd, isla markaasna ay dhamaantood diyaar yihiin.