3/28/2024
Today from Hiiraan Online:  _
Wararka Maanta- Arbaco, July 18, 2012
Ergada Shir-weynaha Ansixinta Dastuurka Soomaaliya uga qayb geleysa Puntland oo xulintaakooda la dhameystiray

Arbaco, July 18, 2012 (HOL) — Gudiggii loo xil saaray soo xulitaanka ergada uga qaybgalaysa Puntland shirweynaha ansixinta dastuurka Soomaaliya ayaa la shaaciyay in soo xulitaankoodii lasoo gabgabeeyay shalay oo Talaado ahayd, isla markaasna ay dhamaantood diyaar yihiin.

Shir jaraa'id oo ay xubnaha gudigaasi magaalada Garoowe si wadajir ah ugu qabteen ayay ka sheegeen in dhammaan beeluhu ay soo saareen dadkii uga qayb geli lahaa shirweynaha aftida loogu qaadayo Dastuurka cusub ee dalka.

Xildhibaan Saadiq Abshir Garaad oo ah xubin gudigan ka tirsan ayaa ugu horeyn warbaahinta la hadlay, wuxuuna sheegay in ay wax lagu farxo tahay in howshaasi ay si hufan kusoo gaba gabowdo.

Xildhibaanka ayaa intaas raaciyey in dowladu aysan wax lug ah ku lahayn soo xulitaanka ergada, haseyeeshee ay odayaashu dhaqanka oo iyaga howshaas loo xil saaray ay ku guuleysteen in ay ergada soo dhamaystiraan.

Faadumo Ibraahim Malta oo iyaduna gudigan xubin ka ah islamarkaana shirkaas jaraa'id ka hadashay ayaa tilmaantay inay lagama maarmaan tahay in DKG ahi ay howsha fududeyso, sida ugu dhaqsaha badanna loo diyaariyo goobihii ergada la dejin lahaa marka ay caasimadda gaaraan.

Xulista ergooyinka shirweynaha ansixinta Dastuurka uga qayb gelaya Puntland ayaa ahayd mid todobaadyadii u danbeeyey lagu mashquulsanaa, waxayna kusoo beegmeysaa xilli uu shirweynaha ansixinta Dastuurku dib uga dhacay wakhtigii horay loogu qorsheeyey in uu qabsoomo.

Maxamed Salaad Xaaji Dirir
[email protected]
Puntland, Soomaaliya













Click here
7/18/2012 10:25 AM EST
Arbaco, July 18, 2012 (HOL) — Ergayga xoghayaha guud ee Qaramada Midoobay u qaabilsan arimaha Soomaaliya, dajire Augustine Mahiga ayaa ka hadlay eedeymaha loosoo jeediyay madaxda dowladda KMG ah ee la xiriira lunsashada hantida Qaran.

7/18/2012 10:12 AM EST
Arbaco, July 18, 2012 (HOL) — Wasaaradda arrimaha dibadda ee Taiwan ayaa shaacisay maanta oo Arbaco ah in dooni kalluumeysi oo laga leeyahay dalka Taiwan iyo 26-shaqaale oo la socday ay si daayeen burcadbadeedda Soomaaliyeed kaddib afduub ay ku haysteen 19 bilood.

7/18/2012 9:12 AM EST
Arbaco, July 18, 2012 (HOL) — Warsaxaafadeed kasoo baxay dowladda KMG ah ayaa lagu sheegay in odayaasha dhaqanka ee ku shirsan Muqdisho ay dib u eegis ku sameeyeen dastuurka cusub ee Soomaaliya ayna maanta dib u soo celiyeen, balse talooyin ay soo jeediyeen odayaasha ay dowladdu sheegtay in loo gudbin doono ergooyinka ansixin doona dastuurka.

7/18/2012 8:47 AM EST
Arbaco, July 18, 2012 (HOL) — Dagaal aad u culus isla markaana dhaliyay khasaarooyin isugu jira dhimasho yio dhaawac ayaa xalay ka dhacay deegaanka Qooqaani ee gobolka Jubada Hoose.

7/18/2012 8:44 AM EST
Arbaco, July 18, 2012 (HOL) — Badhasaabka gobolka Sool Maxamed Maxamuud Cali (Jeeni Yare) ayaa la sheegay inuu xabsiga u taxaabay maayarkii iyo maayar ku xigeenkii magaaladda Laascaanood.

7/18/2012 8:43 AM EST
Arbaco, July 18, 2012 (HOL) — Mas’uuliyiinta maamulka gobollka Hiiraan oo maanta shir saxaafadeed ku qabtay magaalada Baladweyne ayaa si kulul uga jawaabay sida ay hadalka u dhigeen war ay qoreen qeybaha warbaahinta qaarkood oo la sheegay in laga soo xigtay ra’iisal C/wali Max’ed Cali Gaas.

7/18/2012 3:12 AM EST
Arbaco, July 18, 2012 (HOL) — Dagaallo geystay dhimasho iyo dhaawac ayaa xalay mar kale ka dhacay duleedka degmada Baardheere ee gobolka Gedo, halkaasoo ay shalay ka dhaceen dagaallo culus oo khasaare badan geystay.

7/18/2012 3:11 AM EST
Arbaco, July 18, 2012 (HOL) — Madaxweynaha Maamulka Galmudug, Col. Maxamed Axmed Caalin ayaa qalliin shan saacadood qaatay looga sameeyay wadnaha, kaddib markii xanuun kasoo wajahay awgiis loogu qaaday maalmo ka hor magaalada Nairobi ee dalka Kenya.