3/28/2024
Today from Hiiraan Online:  _
Wararka Maanta- Khamiis, Dec 6 , 2012
Shirkadda Oday Express oo Bilowday Duulimaad Joogto ah oo ay ku tagi Doonto Magaalada Beledweyne

Khamiis, December 06, 2012 (HOL) — Shirkadda Diyaaradaha ee Oday express ayaa shaacisay in ay bilowday duulimaad joogto ah oo ay ku tagi doonto magaalada Beledweyne, iyadoona shirkadda ay markii ugu horeeysay shalay ka degtay garoonka magaalada Beledweyne ee xarunta gobolka Hiiraan.

Shirkaddan ayaa maalin walba oo arbaco ah waxay ka rakaabsan doontaa magaalada Muqdisho iyadoona tagi doonta magaalada Beledweyne ee xarunta gobolka Hiiraan.

Maamulaha shirkadda Oday Express Ciise Nuur Diiriye oo u waramay HOL ayaa sheegay in duulimaadyo joogto ah ay ka bilaabeen magaalada Beledweyne, isagoona intaa ku daray in ay badin doonaan duulimaadyada ay ku tagayaan magaalooyinka Beledweyne, Gaalkacyo iyo Guriceel.

“Duulimaadyadaas waan joogteyn doonnaa si rakaabka ay ugu tagalaan,” ayuu masuulkani hadalkiisii raaciyay.

Shirkadda ayaa duulimaadkii ugu horeeyay arbacadii shalay ku tagtay magaalada beledweyne, halkaaso ay ku dajisay rakaab ka yimid dhanka magaalada Muqdisho ee caasimadda dalka Soomaaliya.

Tartan xagga duulimaadyada ah ayaad moodaa in uu ka bilowday dalka Soomaaliya, iyadoona laba maalmood kahor shirkadda diyaaradaha ee Horn of Africa Airlines ay shaaca ka qaaday in ay bilowday duulimaadyo ay ku tagi doonto magaalooyinka Beledweyne, Baydhabo iyo Kismaayo.

Warar kale ayaa sheegaya in ay soo socoto shirkad kale oo diyaaradeed, taasoo ka dhex shaqeyn doontaa gobollada dalka Soomaaliya.

Tartanka u dhexeeya diyaaradaha ee dhanka duulimaadyada ah ayaa waxa uu faa’iido u leeyahay bulshada Soomaaliyeed ee isaga kala gooshta gobollada dalka, kuwaasoo heli doona duulimaadyo joogto ah iyo weliba qiimo jaban.

Xasan Nuur, Hiiraan Online
[email protected]
Nairobi - Kenya
 













Click here
12/6/2012 8:15 AM EST
Khamiis, December 06, 2012 (HOL) — Golaha wasiirrada xukuumadda Soomaaliya ayaa kulan ay maanta ku yeesheen Muqdisho waxay ku mamnuuceen ka ganacsiga hubka iyo direyska ciidamada, iyagoo sidoo kalena isku raacay in dib looga billaabo dekedda Muqdisho dhoofka xoolaha.

12/6/2012 7:52 AM EST
Khamiis, December 06, 2012 (HOL) — Ra'iisul waasaraha Itoobiya, Hailemariam Desalegn ayaa wareysi uu siiyay telefishinka Al-jazeera ku sheegay inuu doonayo in wadahadallo uu la furo dalka ay dariska yihiin ee dalka Eritrea oo 12 sano uu kala dhexeeay dagaal ay ku dhinteen 70,000 oo qof.

12/6/2012 7:33 AM EST
Khamiis, December 06, 2012 (HOL) — Maamulka gobolka Bay ee dowladda Soomaaliya ayaa xabsiga dhigay sarkaal ka tirsan hay'adda cunnada iyo beeraha adduunka ee FAO, kaasoo ciidamada Baydhabo ay xalay kala baxeen gurigiisa.

12/6/2012 7:23 AM EST
Khamiis, December 06, 2012 (HOL) — Kooxda kubadda cagta ee dalka Eritrea iyo dhakhtarkooda ayaa weydiistay dowladda Uganda magangalyo, iyagoo sheegay in haddii ay dalkooda ku laabtaan ay ka baqayaan inay xaalad khatar ah la kulmaan.

12/6/2012 7:00 AM EST
Khamiis, December 06, 2012 (HOL) — Qarax bambaano oo ay ku dhaawacmeen ugu yaraan 13 qof oo u badan haween ayaa ka dhacay goor-dhow qaybta dahabka lagu iibiyo ee suuqa Bakaaraha, iyadoo ciidamada dowladda ay markiiba halkaas howlgal ka billaabeen.

12/6/2012 5:13 AM EST
Khamiis, December, 06, 2012 (HOL) -- Tan iyo wixii ka danbeeyay dhawaan markii ay rag hubeysan ku toogteen magaalada Baladweyne guddoomiyihii golaha odayaasha dhaqanka gobollka Hiiraan nabadoon Max’ed Shiikh Xusseen Maryacade, ciidamada maamulka gobolka iyo AMISOM waxa ay ku howlanaayeen sidii loo xoojin lahaa amniga magaalada.

12/6/2012 3:57 AM EST
Khamiis, December 06, 2012 (HOL) — Qarax xooggan oo xalay fiidkii ka dhacay magaalada Nairobi gaar ahaan waaaxda California ee xaafadda Islii ayaa sababay dhimashada hal qof iyo dhaawaca todobo kale.

12/6/2012 2:27 AM EST
Khamiis, December 06, 2012 (HOL) — Madaxweynaha Turkiga, Cabdalla Guul ayaa ku dhawaaqay Arbacadii shalay in shacabka iyo xukuumadda dalka Turkiga ay siin doonaan Soomaaliya taageero weyn oo dib loogu dhisayo, si ay beesha caalamka ugu noqdaan tusaale.

12/6/2012 2:21 AM EST
Khamiis, December 06, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) iyo taliyaha ciidamada AMISOM, Jen. Andrew Gutti ayaa xalay fiidkii kulan looga hadlayay ammaanka ku yeeshay madaxtooyada Soomaaliya sida lagu sheegay warbixin ay soo saartay AMISOM.

12/6/2012 2:20 AM EST
Khamiis, December 06, 2012 (HOL) — Dadweynaha reer Somaliland oo maalmihii u dambeeyey is-waydiinayey urur waliba gobolada codadka uu ka helay iyo inta musharax ee usoo baxday, ayaa waxa iska soo daba dhacaya degmooyinkii u dambeeyey natiijadii ay ururadu iyo xisbiyadu ka haleen.

12/6/2012 2:12 AM EST
Khamiis, December 06, 2012 (HOL) — Kooxo hubeysan ayaa xalay ku dilay Muqdisho nabaddoon iyo haweeney rayid ah, iyadoo dilka nabaddoonka la sheegay inay geysteen kooxo bastoolado ku hubeysan oo ay markii dambe u suurogashay inay goobta ka baxsadaan.