4/17/2021
Today from Hiiraan Online:  _
Wararka Maanta- Jimco, Dec 28, 2012
Dhakhaatiir Soomaaliyeed oo Tababar Caafimaad loogu soo gaba-gabeeyay Magaalada Ankara ee dalka Turkiga


Jimco, December 28, 2012 (HOL) — Dhakhaatiir Soomaaliyeed ayaa tababar caafimaad loogu soo gabgabeeyay dalka Turkiga, waxaana hadal u jeediyay dhakhaatiirtaas oo tiradoodu ahayd 17 ruux wasiiradda horumarinta adeegga bulshada, Maryan Qaasim Axmed.

Dhakhaatiirtan ayaa waxay barteen umulinta iyo badbaadinta ubadka, waxaana tababarkoodu uu socday muddo bilooyin ah, iyadoo lagu wado inay dalka dib ugu soo laabtaan ayna ka howlgalaan isbitaallada Muqdisho.

 

“Runtii tani waa howl wanaagsan oo ay gacan naga siiyeen walaalaheenna Turkiga waana uga mahadcelinaynaan. Dhakhaatiirtan waxay wax badan ka bedeli doonaan xaaladda dalka, gaar ahaan arrimaha la xiriira umulinta iyo badbaadinta ubadka,” ayay tiri Maryan Qaasim

 

Sidsoo kale, wasiirraddu waxay kulammo la yeelatay mas’uuliyiin ka tirsan dalka Turkiga, iyadoo kala hadashay sidii Turkiga ay u sii wadi lahaayeen taageerada ay siiyaan shacabka Somaaliyeed, gaar ahaan arrimaha horumarinta bulshada.

Kulammada ay wasiiraddu la qaadatay mas’uuliyiinta dalka Turkiga ayaa waxaa goobjoog ka ahaa: danjiraha safaaradda Soomaaliya ee Turkiga, Maxamed Mursal Sheekh Cabdiraxmaan iyo Cabdulqaadir Maxamed Nuur (Jaamac) oo ka mid ah howlwadeennada safaaradda Soomaaliya.

 

Dowladda Turkiga ayaa waxay tan iyo sannadkii hore ka wadda gudaha Soomaaliya howlo bani’aadamnimo oo lagu caawinayo shacabka Soomaalida, kuwaasoo ay ku dhufteen abaaro xooggan oo sababay macluul.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/28/2012 1:41 PM EST
Jimco, December 28, 2012 (HOL) — Guddoomiyaha maamulka KMG ah ee magaalada Kismaayo, Sheekh Axmed Maxamd Islaam (Sheekh Axmed Madoobe) ayaa sheegay inuusan jirin wax khilaaf ah oo u dhexeeya dowladda federaalka Soomaaliya iyo maamulka Kismaayo.

12/28/2012 1:39 PM EST
Jimco, December 28, 2012 (HOL) — Kooxo hubeysan ayaa xalay ku dilay degmada Mandheera ee gobolka Waqooyi-bari Kenya sarkaal ka tirsan ciidamada booliiska dalka Kenya, kaddib markii ay ku qaadeen weerar gaadmo ah.

12/28/2012 4:48 AM EST
Jimco, December 28, 2012 (HOL)- Madaxweynaha Somaliland Md. Axmed Maxamed Maxamuud (Siilaanyo), ayaa ka qayb galay munaasibad lagu furayay shirweynahii Lixaad ee Dalladda dhalinyarada Somaliland ee SONYO.

12/28/2012 3:17 AM EST
Jimco, December 28, 2012 (HOL) — Kaddib kulan ay ku yeesheen magaalada Baladweyne mas’uuliyiinta maamulka gobollka Hiiraan iyo saraakiisha ciidamada Jabuuti ee howlgalka AMISOM ayaa looga hadllay arrimo dhowr ah oo quseeya nabad-galyada guud ahaan gobolka.

12/28/2012 2:54 AM EST
Jimco, December 28, 2012 (HOL) — Guddoomiyaha maamulka gobolka Hiiraan ee dowladda Soomaaliya, C/fataax Xasan Afrax ayaa ku baaqay in la qaado howgal ballaaran oo lagu beegsanayo hoggaamiyeyaasha Xarakada Al-shabaab oo uu ku tilmaamay kuwo dhibaato ku haya shacabka Soomaaliyeed.

12/28/2012 2:32 AM EST
Jimco, December 28, 2012 (HOL) — Iska-horimaad u dhexeeya ciidamada dowladda Soomaaliya iyo xoogagga Al-shabaab ayaa xalay ka dhacay degmada Qansax-dheere ee gobolka Bay oo ka mid ah goobaha ay gacanta ku hayaan ciidamada dowladda Soomaaliya iyo kuwa caawinaya ee Itoobiya.

12/28/2012 2:11 AM EST
Jimco, December 28, 2012 (HOL) — Booliiska dalka Koonfur Afrika ayaa g go’aan adag ka qaatay ka ganacsiga iyo cunista jaadka ama qaadka, kaas oo mamnuuc ka ah dalka Koonfur Afrika iyadoo qofkii lagu qabto isagoo ka ganacsanaya ama cunaya uu muteysanayo xarig.