4/13/2021
Today from Hiiraan Online:  _
Wararka Maanta- Khamiis, Dec 27, 2012
Madaxweynihii hore ee dalka Koonfurta Afrika Nelson Mandela oo laga saaray Isbitaal looga daweynayay Xanuun


Khamiis, December 27, 2012 (HOL) — Madaxweynihii hore ee dalka Koonfur Afrika, Nelson Mandela ayaa laga saaray xalay isbitaal ku yaalla magaalada Pretoria oo looga daweynayay xanuun kaga dhacay sambabada loogana saaray dhagaxaan kilyaha kaga jiray, isagoo la geeyay gurigiisa si uu ugu nasto.

Mandela oo 94-jir ah ayaa la dhigay isbitaalka sideedii bishan waxaana war kasoo baxay xarunta madaxtooyada Koonfur Afirka lagu sheegay in lagu xannaaneynayo gurigiisa inta uu caafimaadkiisu kasoo hagaagayo.

"Waxaan uga mahadcelinaynaa shacabka iyo warbaahinta dareenkii ay ka muujiyeen xaaladda Mandela. Waxaana ka rajeynaynaa in dareenkoodu uu noqdo mid sii socda inta uu caafimaad taam ah ka helayo," ayuu yiri afhayeenka madaxtooyada Koonfur Afrika, Mac Maharaj.

Mandela iyo qosykiisa ayaa ku jiray xilligii ciidda masiixiga isbitaalka, iyadoo ay kula sugnaayeen halkaas madaxweynaha Koonfur Afrika, Jacob Zuma, xaaskiisa Graca Machel iyo xubno ka tirsan qoyskiisa.

"Waxaan ka dareennay xaalad caafimaad oo wanaagsan, wuxuu ku qaylinayo erayo ay ka mid yihiin qoyskayga, wuxuu ahaa qof u dhoolla-caddeynayay dadka kusoo booqanaya isbitaalka. Dhakhtarkuna wuxuu inoo sheegay inay xaaladdiisu aad uga soo raynayso," ayuu yiri madaxweynaha Koonfur Afrika Jacob Zuma oo saxaafadda la hadlay.

Madaxweynihii hore ee Koonfur Afrika ayaa muddo 27 sano ah ku jiray xabsi, isagoo u xirnaa inuu hormuud u ahaa ururka ANC oo u dagaalamayay muddo dheer inay ka baxdo Koonfur Afrika nidaamka midab-kala-sooca ahaa oo sanooyin badan halkaas ka jiray.

Nelson Mandela ayaa intii uu xabsiga ku jiray waxaa ku dhacay cudurka feeraha ama TB-da loo yaqaan, isagoo sidoo kalena dhowr jeer oo kale uu xanuun kaga dhacay sambabka, kaasoo laga daweeyay.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
12/27/2012 4:02 PM EST
Khamiis, December 27, 2012 (HOL)- Madaxweynaha Puntland Cabdiraxmaan Maxamed (Faroole) iyo xubno ka tirsan golihiisa wasiirrada ayaa maanta booqday qaar kamid ah jaamacadaha ku yaalla magaalada Boosaaso.

12/27/2012 3:57 PM EST
Khamiis, December 27, 2012 (HOL)- Gudoomiyaha gobolka Nugaal Cabdi Xirsi Cali (Qarjab) ayaa ka hadlay xarigga nabadoon Yaasiin Cabdisamed oo ay dhowaan ciidamada Boolisku xabsiga u taxaabeen.

12/27/2012 12:37 PM EST
Khamiis, December 27, 2012 (HOL) —Wafdi ka socday dowladda federaalka Soomaaliya ayaa maanta gaaray magaalada Kismaayo ee xarunta gobolka jubada hoose, iyadoona wafdiga ay si diiran degmadaasi ugu soo dhaweeyeen masuuliyiin katirsan maamulka KMG ee degmada Kismaayo.

12/27/2012 7:48 AM EST
Khamiis, December 27, 2012 (HOL) — Ciidamada ammaanka Soomaaliya oo gacan ka helaya kuwa AMISOM ayaa maalintii labaad maanta howgallo lagu qabqabanayay kooxaha hubeysan ee dhibaatooyinka ka geysta caasimada ka fuliyay Muqdisho.

12/27/2012 7:33 AM EST
Khamiis, December 27, 2012 (HOL) — Siminnaar ku saabsan sidii dhaqamada xunxun iyo colaadaha loogu bedeli lahaa dhaqanka nabadda iyo tubta toosan ayna ka qayb-qaadanayeen dhallinyaro isugu jirtay wiilal iyo gabdho ayaa lagu qabtay hoteelka Oriental ee magaalada Muqdisho.

12/27/2012 6:55 AM EST
Khamiis, December 27, 2012 (HOL) — Hay'adahan oo ka kooban 45 hay'adood oo maxalli ah ayaa 35 ka mid ah waxay kulan ballaaran ku yeeshay shalay oo Arbaco ahayd magaalada Muqdisho, kaasoo ay kaga hadleen arrimo quseeyay gargaarka bani'aadamnimo ee Soomaaliya.

12/27/2012 6:21 AM EST
Khamiis, December 27, 2012 (HOL) — Haweeney rayid ah ayaa ku dhaawacantay qarax xalay lala beegsaday goob lagu caweeyo oo ku taalla agagaarka saldhigga booliiska magaalada Mandheera ee gobolka Waqooyi-bari ee Kenya, iyadoo sidoo kale uu dab khasaare hantiyeed geystay uu xalay ka kacay xerada qoxootiga IFO ee dalka Kenya.

12/27/2012 2:22 AM EST
Khamiis, December 27, 2012 (HOL) — Saraakiisha hay'adaha ammaanka dowladda Soomaaliya ayaa ka warbixinayay howgallo xalay laga sameeyay degmooyin ka tirsan Muqdisho oo lagu soo qabqabtay kooxo falal ammaan-darro ka waday degmooyinkaas iyo hub kala duwan.

12/27/2012 2:02 AM EST
Khamiis, December 27, 2012 (HOL) — Wafdi ka socda dowladd Soomaaliya oo heer wasiir ah ayaa saakay u ambabaxay magaalada Kismaayo ee xarunta gobolka Jubbada Hoose, kaddib muran ku saabsan maamul u sameynta Kismaayo oo u dhexeeyay xoogagga Raaskambooni iyo dowladda Soomaaliya.

12/27/2012 1:54 AM EST
Khamiis, December 27, 2012 (HOL) — Xarakada Al-shabaab oo bishii Ogoosto ee sannadkii hore isaga baxday degmooyinka gobolka Banaadir ayaa ku goodisay inay sii wadi doonto weerarrada duqeymaha ah ee ay la beegsanayso madaxtooyada Soomaaliya, halkaasoo ah goobta ugu weyn ee ay dowladda Soomaaliya ku shaqeyso.