3/28/2024
Today from Hiiraan Online:  _
Wararka Maanta- Khamiis, Dec 27, 2012
Saraakiisha Hay'adaha Amniga Dowladda oo ka warbixiyay howgallo ay kusoo Qab-qabteen dad iyo hub kala duwan

Khamiis, December 27, 2012 (HOL) — Saraakiisha hay'adaha ammaanka dowladda Soomaaliya ayaa ka warbixinayay howgallo xalay laga sameeyay degmooyin ka tirsan Muqdisho oo lagu soo qabqabtay kooxo falal ammaan-darro ka waday degmooyinkaas iyo hub kala duwan.

Taliyaha hay'adda nabadsugidda gobolka Banaadir, Col. Khaliif Axmed Ereg ayaa oo saakay la hadlya warbaahinta ayaa sheegay in howgallada ay ka fuliyeen dhowr degmo oo ay ka mid yihiin, Hodan, Waaberi, Xamarweyne iyo Dharkeynleey.

"Ciidamada ammaanka oo isugu jiray booliis iyo nabadsugid waxay xalay howgallo ka sameeyeen degmooyinka Xamarweyne, Dharkeynely, Hodan iyo Weeberi waxaana lagu soo qabqabtay howgalladaas 15-ruux oo dhibaatooyin ku hayay dadka u nool degmooyinkaas iyo hub isugu jiray lix qoryaha AK-47 ah, laba bastoolado iyo laba baabuur oo ay wateen kooxo falal ammaan-darro ka geysata," ayuu Taliyuhu ku yiri warbixin uu saaxafadda ku siiyay Muqdisho.

Col Ereg wuxuu intaas ku daray in dadka ay soo qabqabteen ay isugu jiraan kuwo dambiilayaal ah oo dilal ka geysata Muqdisho iyo kooxo ku labisnaa dharka ciidanka oo isbaarooyin dhigan jiray xaafadaha kala duwan ee Muqdisho.

Taliyuhu wuxuu hadalkiisa ku daray in dadka ay xalay qabteen lagu sameyn doono baaritaanno kala duwan, isagoo xusay in howgalkii xalay uu qayb ka yahay qorshe la doonayo in lagu adkeeyo ammaanka caasimadda Soomaaliya oo dhawaanahan ay ka dhacayeen falal ammaanka kasoo horjeeda.

Howgalkan ayaa wuxuu kusoo beegmayaa iyadoo ciidamada booliiska Soomaaliya iyo kuwa AMISOM oo iskaashanaya ay shalay gallinkii hore howgallo lagu qabqabtay kooxo hubeysan oo isbaarooyin dhiganaya ay ka fuliyeen degmada Xamarweyne ee gobolka Banaadir.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/27/2012 4:02 PM EST
Khamiis, December 27, 2012 (HOL)- Madaxweynaha Puntland Cabdiraxmaan Maxamed (Faroole) iyo xubno ka tirsan golihiisa wasiirrada ayaa maanta booqday qaar kamid ah jaamacadaha ku yaalla magaalada Boosaaso.

12/27/2012 3:57 PM EST
Khamiis, December 27, 2012 (HOL)- Gudoomiyaha gobolka Nugaal Cabdi Xirsi Cali (Qarjab) ayaa ka hadlay xarigga nabadoon Yaasiin Cabdisamed oo ay dhowaan ciidamada Boolisku xabsiga u taxaabeen.

12/27/2012 12:37 PM EST
Khamiis, December 27, 2012 (HOL) —Wafdi ka socday dowladda federaalka Soomaaliya ayaa maanta gaaray magaalada Kismaayo ee xarunta gobolka jubada hoose, iyadoona wafdiga ay si diiran degmadaasi ugu soo dhaweeyeen masuuliyiin katirsan maamulka KMG ee degmada Kismaayo.

12/27/2012 7:48 AM EST
Khamiis, December 27, 2012 (HOL) — Ciidamada ammaanka Soomaaliya oo gacan ka helaya kuwa AMISOM ayaa maalintii labaad maanta howgallo lagu qabqabanayay kooxaha hubeysan ee dhibaatooyinka ka geysta caasimada ka fuliyay Muqdisho.

12/27/2012 7:33 AM EST
Khamiis, December 27, 2012 (HOL) — Siminnaar ku saabsan sidii dhaqamada xunxun iyo colaadaha loogu bedeli lahaa dhaqanka nabadda iyo tubta toosan ayna ka qayb-qaadanayeen dhallinyaro isugu jirtay wiilal iyo gabdho ayaa lagu qabtay hoteelka Oriental ee magaalada Muqdisho.

12/27/2012 7:22 AM EST
Khamiis, December 27, 2012 (HOL) — Madaxweynihii hore ee dalka Koonfur Afrika, Nelson Mandela ayaa laga saaray xalay isbitaal ku yaalla magaalada Pretoria oo looga daweynayay xanuun kaga dhacay sambabada loogana saaray dhagaxaan kilyaha kaga jiray, isagoo la geeyay gurigiisa si uu ugu nasto.

12/27/2012 6:55 AM EST
Khamiis, December 27, 2012 (HOL) — Hay'adahan oo ka kooban 45 hay'adood oo maxalli ah ayaa 35 ka mid ah waxay kulan ballaaran ku yeeshay shalay oo Arbaco ahayd magaalada Muqdisho, kaasoo ay kaga hadleen arrimo quseeyay gargaarka bani'aadamnimo ee Soomaaliya.

12/27/2012 6:21 AM EST
Khamiis, December 27, 2012 (HOL) — Haweeney rayid ah ayaa ku dhaawacantay qarax xalay lala beegsaday goob lagu caweeyo oo ku taalla agagaarka saldhigga booliiska magaalada Mandheera ee gobolka Waqooyi-bari ee Kenya, iyadoo sidoo kale uu dab khasaare hantiyeed geystay uu xalay ka kacay xerada qoxootiga IFO ee dalka Kenya.

12/27/2012 2:02 AM EST
Khamiis, December 27, 2012 (HOL) — Wafdi ka socda dowladd Soomaaliya oo heer wasiir ah ayaa saakay u ambabaxay magaalada Kismaayo ee xarunta gobolka Jubbada Hoose, kaddib muran ku saabsan maamul u sameynta Kismaayo oo u dhexeeyay xoogagga Raaskambooni iyo dowladda Soomaaliya.

12/27/2012 1:54 AM EST
Khamiis, December 27, 2012 (HOL) — Xarakada Al-shabaab oo bishii Ogoosto ee sannadkii hore isaga baxday degmooyinka gobolka Banaadir ayaa ku goodisay inay sii wadi doonto weerarrada duqeymaha ah ee ay la beegsanayso madaxtooyada Soomaaliya, halkaasoo ah goobta ugu weyn ee ay dowladda Soomaaliya ku shaqeyso.