4/13/2021
Today from Hiiraan Online:  _
Wararka Maanta- Talaado, Dec 25, 2012
Wasiirka Arrimaha Gudaha Dowladda Soomaaliya iyo Saraakiisha Ciidamada oo xalay Kormeer ku maray Muqdisho


Talaado, December 25, 2012 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed, taliyaha ciidanka booliiska, Jen. Shariif Sheekhunaa Maye iyo taliyaha nabadsugidda gobolka Banaadir, Col. Khaliif Axmed Ereg ayaa xalay kormeer ku maray degmooyin ku yaalla Muqdisho.

Mas'uuliyiintan ayaa ku sheegay kormeerkooda inuu qayb ka yahay qorshe lagu adkeynayo ammaanka guud ee caasimadda Soomaaliya, waxayna xuseen in habeen iyo maalin ay socon doonaan qorshayaasha lagu sugayo ammaanka.

"Waxaan joognaa deegaanka Tiida oo ka tirsan degmada Dayniile, waxaana halkaan kula kulannay ciidammo ka tirsan kuwa nabadsugidda oo howshooda ku jira," ayuu yiri Jen. Maye oo intaas ku daray in howshan ay tahay mid amniga Muqdisho lagu adkeynayo.

Taliyaha ciidamada nabadsugidda gobolka Banaadir, Col. Ereg ayaa isaguna xusay in qorshahan uu yahay mid looga shaqeynayo sidii ammaanka caasimadda looga dhigi lahaa mid ka hagaagsan sidii hore, isagoo sheegay in ciidamada ammaanka dowladdu ay diyaar u yihiin inay adkeeyaan ammaanka habeen iyo maalin.

Kormeerkan ayaa noqonaya kii labaad oo ay saraakiishan ku sameeyaan Muqdisho iyadoo xalay tagay saldhigyo iyo isgoysyo ku yaalla degmooyinka C/casiis, Dayniile iyo Yaaqshiid, halkaasoo ay kula kulmeen ciidammo sugaya ammaanka.

"Howshan waa mid socon doonta habeen iyo maalin, waana mid ay ciidamadu ku sugayaan ammaanka caasimadda, iyadoo roondooyinku ay socon doonaan habeen iyo maalin," ayuu yiri wasiirka arrimaha gudaha ee Soomaaliya, C/kariin Guuleed oo shir jaraa'id ku qabtay isgoyska ex-koontarool Balcad.

Kormeerrada ay sameynayaan saraakiisha dowladda ayaa wuxuu kusoo beegmayaa dhowr habeen kaddib markii xoogagga Al-shabaab ay xilli saq dhexe ah ay madaafiic ku weerareen xarunta madaxtooyada, kuwaasoo geystay khasaare nafeed oo kala duwan.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
12/25/2012 7:32 AM EST
Talaado, December 25, 2012 (HOL) — Dadweyne fara badan oo ay ku jireen arday ayaa maanta dibadbax ay uga soo horjeedaan muddo kororsiga madaxweynaha Puntland ka dhigay degmada Gaalkacyo ee xarunta gobolka Mudug, ku qaylinayay erayo ay uga soo horjeedaan muddo kororsiga xukuumadda.

12/25/2012 7:10 AM EST
Talaado, December 25, 2012 (HOL) — Wasaaradda Gaashaandhigga Mareykanka ayaa shaacisay inay sannadka soo socda ee 2013 ay tababarro siinayso ciidamada Kenya ee qaybta ka ah howgalka AMISOM ee ka socda Soomaaliya.

12/25/2012 7:00 AM EST
Talaado, December 25, 2012 (HOL) — Ciidamada Soomaaliya, kuwa Raaskabooni iyo ciidamada Kenya ayaa maanta isaga baxay deegaanka Buulo-guduud ee gobolka Jubbada Hoose oo maalin ka hor ay kala waregeen Al-shabaab, iyado saraakiisha u hadashay dowladda ay ka bixitaankaas ku sheegeen xeelad dagaal.

12/25/2012 6:32 AM EST
Talaado, December 25, 2012 (HOL) — Roobab dabeylo wata ayaa tan iyo xalay ksa da'ayay xeebaha Puntland, gaar ahaan deegaanka Bandar-bayla ee goboka Bari iyo deegaanka Eyl ee gobolka Nugaal, iyadoo dooni u rarnayd ganacsato Soomaaliyeed oo ku socotay Muqdisho ay saakay ku dagtay xeebaha gobolka Bari.

12/25/2012 3:48 AM EST
Talaado, December 25, 2012 (HOL) —Xarakada Al-shabaab ayaa sheegay in ciidamada dowladda Soomaaliya iyo kuwa Amisom ay ku fashilmeen sugidda amniga magaalada Muqdisho ee caasimadda dalka Soomaaliya.

12/25/2012 2:31 AM EST
Talaado, December 25, 2012 (HOL) — Muslimiinta dalka Kenya ayaa sheegay inay taageerayaan xilliga doorashada madaxnimo ee dalka Kenya, Raila Odinga oo uu isbahaysiga CORD u doortay inuu uga qaybgalo doorashada madaxnimo ee Kenya.

12/25/2012 2:05 AM EST
Talaado, December 25, 2012 (HOL) — Madaxweynaha Soomaaliya, Xasan Sheekh Maxamuud ayaa xalay la kulmay Soomaalida ku nool dalka Uganda, isagoo ka dalbaday inay dhaqaale ku taageeraan dowladdiisa si ay dalka uga saarto xilliga adag ee uu ku jiro.