4/14/2021
Today from Hiiraan Online:  _
Wararka Maanta- Isniin, Dec 24, 2012
Sarkaal ka tirsanaa Ciidamada Booliska Puntland oo xalay lagu dilay bartanka Magaalada Garoowe


Isniin, December 24, 2012 (HOL) — Waxaa xalay fiidkii xarunta maamulka Puntland ee Garoowe lagu toogtey sarkaal ka tirsanaa ciidamada Booliska, laguna magacaabi jirey Cabdilaahi Xuseen (Gaal-dile).

Sarkaalkan oo la toogtey xilli uu kasii baxayey masjidka Al-raxma oo ku dhow Suuqa Enji, waxay dad goob joogayaal ahi sheegeen in uu dhowr xabadood madaxa kaga dhuftay nin dhalinyaro ah oo Baaskoolad ku hubeysnaa, kaasoo si dhaqso ah goobta uga baxsaday.

“Waxa uu ag taagnaa gaarigiisa, markuu damcay in uu daaqadda furto ayaa xabadda lagu dhuftay, xabaddu waxay kaga dhacday jeegada, waxayna ka baxday sujuudda, waxaa diley nin dhalinyaro ah, wuxuuna orod ku maray luuqa masaajidka” qof goob jooge ahaa ayaa sidaas warbaahinta u sheegay.

Daqiiqado kadib waxaa goobta soo gaarey ciidamada ammaanka, waxayna ka sameeyeen baaritaan muddo kooban socdey, haseyeeshee uma suurta gelin in ay cidna falkaas u qabtaan.

Dhinaca kale saraakiil ka tirsan Booliska Garoowe oo aan khadka Telefoonka kula xiriirnay ayaa ka gaabsaday in ay arintan faahfaahin ka bixiyaan, waxayse sheegeen in weli baaritaanku uu socdo.

Magaalada Garoowe waxaa sanadkan gudihiisa lagu diley dhowr mas’uul oo ka tirsanaa dowladda Puntland, waxaana kamid ahaa taliye ku-xigeenkii labaad ee Booliska Col. Cabdilaahi Saalax (Nadalo) iyo xildhibaan Cabdiqaadir Maxamuud (Shaybe).

Maxamed Salaad Xaaji Dirir, Hiiraan Online
[email protected]
Puntland, Soomaaliya











Click here
12/24/2012 6:58 AM EST
Isniin, December 24, 2012 (HOL) — Garab ka mid ah jabhadda ONLF ayaa sheegay Axaddii shalay inay raadinayaan sidii ay wadahadallo nabadeed ula furan lahaayeen dowladda Itoobiya oo muddo ka badan 30-sano ay dagaal kula jireen.

12/24/2012 6:11 AM EST
Isniin, December 24, 2012 (HOL) — Xildhibaannada baarlamaanka Soomaaliya ayaa si weyn ugu kala aragti duwanaaday miisaaniyadda ay xukuumaddu ku shaqeynayso sannadka 2013, iyadoo xildhibaannadii hadlay qaarkood ay sheegeen inaan la faah-faahin miisaaniyadda.

12/24/2012 3:03 AM EST
Isniin, December 24, 2012 (HOL) —Dhaqdhaqaaqyo ciidan iyo xiisado dagaal ayaa lagu soo waramayaa in ay maanta ka taaganyihiin deegaano dhowr ah oo hoostaga degmada Kismaayo, halkaasoo ay ku suganyihiin xoogagga Al-shabaab.

12/24/2012 2:06 AM EST
Isniin, December 24, 2012 (HOL) — Shabakadda Accu-Weather oo ka faalloota saadaasha hawada oo saldhiggeedu yahay dalka Mareykanka ayaa shaacisay in gellinka dambe maanta oo Isniin ah ay duufaanno roobab wata ku dhufanayaan deegaanno ku yaalla bariga Soomaaliya.

12/24/2012 1:31 AM EST
Isniin, December 24, 2012 (HOL) — Madaxweynaha Soomaaliya, Xasan Sheekh iyo wafdigii uu hoggaaminayay oo maalmahaan ku sugnaa magaalada Nairobi ee dalka Kenya ayaa saakay aroortii hore u dhoofay dalka Uganda, halkaasoo uu kula kulmi doono madaxweynaha dalka Uganda, Yoweri Museveni.

12/24/2012 1:30 AM EST
Isniin, December 24, 2012 (HOL) — Wasiirka arrimaha gudaha iyo amniga Qaranka, C/kariin Xuseen Guuleed iyo taliyaha booliiska Soomaaliya, Jen. Shariif Sheekhunaa Maye oo ay wehliyaan saraakiil ka tirsan ciidamada ammaanka Soomaaliya ayaa xalay booqday saldhigyo ku yaalla degmooyin ka tirsan gobolka Banaadir.