4/13/2021
Today from Hiiraan Online:  _
Wararka Maanta- Axad, Dec 23, 2012
Wafdi ka socda hay'adaha samafalka oo booqday Baladweyne iyo askar dhaawac ah oo loo qaaday magaalada Muqdisho


Axad, December, 23, 2012 (HOL) --  Wafdi ka socday hay’adaha samafalka caalamiga ah ee QM ayaa maanta booqday magaalada Baladweyne, iyaga oo sheegay in ay siweyn u daneynayaan sidii ay xafiisyo uga furan lahaayeen magaalada.

Wafdiga oo ka kala socday hay’adda miino baarista ee Mine Action waaxda u qaabilsan QM arrimaha amniga iyo badbaadada ee UNDSS ayaa waxaa garoonka diyaaradaha magaalada Baladweyne ku soo dhaweeyay mas’uuliyiinta maamulka gobollka uu horkacayo guddoomiyaha gobollka C/fitaax Xassan Afrax.

Xubnaha wafdiga oo kulan la yeeshay mas’uuliyiinta gobollka ayaa sheegay in ay siweyn ula dhacsan yihiin nabad-galyada buuxda ee xiligan ka jirta magaalada, iyaga oo meelaha qaarna socod lugta ah ku maray.

Guddoomiyaha gobollka Hiiraan C/fitaax Xassan Afrax ayaa sheegay in mar walba soo dhaweynayaan hay’addaha samafalka, madaama ay jiraan kumanaan qoysas ah oo waqtigan u baahan in la gargaaro, isaga oo intaa raaciyay in ay kala shaqeyn doonaan hay’addaha sidii ay xafiisyadooda u furan lahaayeen magaalada.

Xubnaha wafdiga ayaa balan-qaaday in ay si rasmi ah howlahoodii shaqo ugu bilaabi doonaan gobollka bisha January ee sanadka soo socda, si markaa ay u fuliyaan adeeg la taaban karo.

Dhinaca kale, waxaa maanta garoonka diyaaradaha magaalada Baladweyne laga qaaday ilaa sadax askari oo ka tirsanaa ciidamada maamulka gobollka Hiiraan oo Jimcihii aynu soo dhaafnay ku dhaawacmay qarax ka dhacay magaalada, iyadoo daaweyn caafimaad loogu qaaday magaalada Muqdisho.

Guddoomiyaha gobollka C/fitaax Xassan Afrax oo warbaahinta la hadllay ayaa sheegay in maamulka uu hogaamiyo muhiimada koowaad siinayo daryeelka ciidamada, madaama ay yihiin sida uu hadalka u dhigay kuwa u taagan heeb iyo maalin ka shaqeynta nabad-galyada, isaga oo mahad celin u jeediyay dowladda Soomaaliya oo balan-qaaday daweynta dhaawaca askari.

Waa markii ugu horeysay oo askar dhaawac ah laga qaaday garoonka diyaaradaha magalada Baladweyne, iyadoo marka dhinac laga eego arintan la oran karo waa mid sare u qaadeysa mooralka ciidamada.

 

 

 

C/raxmaan Diini, Hiiraan Online
[email protected] 
Baladweyne, Soomaaliya.












Click here
12/23/2012 1:33 PM EST
Axad, December 23, 2012 (HOL) — Maamulka Puntland ayaa dhowr nabaddoon xabsiga dhigay, kuwaasoo qorsheynaya inay magaalada Garoowe ee xarunta Puntland ku qabtaan shir ay uga arrinsanayaan xaaladda ay Puntland marayso.

12/23/2012 12:54 PM EST
Axad, December 23, 2012 (HOL) — Isbaheysiga Nabadda Soomaaliya ayaa warsaxaafadeed uu soo saaray maanta eedeyn ugu jeediyay madaxweynaha Soomaaliya, isagoo ku eedeeyay inuusan dowladda Kenya kala hadlin arrimaha gobollada Jubbooyinka.

12/23/2012 12:54 PM EST
Axad, December 23, 2012 (HOL) — Golaha Wasiiradda Somaliland ayaa shalay ansixiyey Miisaaniyadda sanadka soo socda oo ay sheegeen inay ka badan tahay miisaaniyadii sanadkii hore.

12/23/2012 12:13 PM EST
Axad, December 23, 2012 (HOL) — Markabka MV-iceberg oo muddo 3 sano ku dhow ku jirey gacanta burcad-badeedka Soomaalida, islamarkaana ay labadii todobaad ee ugu danbeeyey ciidamada badda ee Puntland ku hareeraysnaayeen, ayaa maanta lagu guuleystey in lasoo furto.

12/23/2012 12:05 PM EST
Axad, December 23, 2012 (HOL) —Golaha Deegaanka ee magaalada Hargeysa oo maanta yeeshay kalfadhigoodii u horreeyay ayaa ku doortay maayarkii guddoomiyihii iyo guddoomiye ku xigeenkii Hargeysa.

12/23/2012 10:30 AM EST
Axad, December 23, 2012 (HOL) — Shirkan oo ka dhacay magaalada Kampala ee dalka Uganda islamarkaasina ahaa mid xildhibaanada haweenka baarlamanka Soomaaliya ay ku doonayeen in ay ku sameystaan isbaheysi gaar ah oo ka shaqeeya danahooda ayaa waxa lagu soo gabagabeeyay magaalada Kampala ee dalka Uganda.

12/23/2012 6:04 AM EST
Axad, December 23, 2012 (HOL) —Kulan looga hadlayay sidii wax looga qaban lahaa xaaladda ammaan ee degmada Dayniile ayaa gudaha degmadaasi maanta ku dhexmaray masuuliyiinta maamulka degmada iyo weliba saraakiisha dhanka ammaanka ee gobolka Banaadir.

12/23/2012 5:09 AM EST
Axad, December 23, 2012 (HOL) — Wasiirka gaashaandhigga Soomaaliya, C/xakiim Maxamuud Xaaji Fiqi oo ay wehliyaan saraakiil ka tirsan ciidamada xoogga dalka ayaa maanta oo Axad safar shaqo ugu ambabaxay dalalka Kenya iyo Uganada oo ay ciidammo ka joogaan Soomaaliya si uu ula kulmo wasiirrada difaaca dalalkaas.

12/23/2012 3:37 AM EST
Axad, December 23, 2012 (HOL) — Wararka aynu ka heleyno deegaanka Buulogaduud oo qiyaastii 30KM dhanka waqooyi uga began magaalada Kismaayo ayaa sheegaya in saaka xaaladda deegaankaasi ay tahay mid dagan, wallow ay xalay ka dhaceen duqeymo culus oo ay is weeydaarsanayeen ciidamada huwanta ah iyo Al-shabaab.

12/23/2012 1:57 AM EST
Axad, December 23, 2012 (HOL) — Madaxweynaha Soomaaliya, Xasan Sheekh Maxamuud oo booqasho ku tagay dalka Kenya ayaa shalay gallinkii dambe kulan la yeeshay jaaliyadda Soomaaliyeed ee ku nool Nairobi, isagoo ku boorriyay inay la shaqeeyaan laamaha ammaanka ee Kenya si loo sugo ammaanka.

12/23/2012 1:57 AM EST
Axad, December 23, 2012 (HOL) — Ra'iisul wasaaraha dalka Kenya, Raila Odinga ayaa magacaabay Ibraahim Axmed Rashiid la-taliyihiisa dhinaca siyaasadda ee arrimaha Soomaaliya, isagoo sheegay in xaaladda Soomaaliya ay tahay midda ugu adag xilligan gobolka.