4/13/2021
Today from Hiiraan Online:  _
Wararka Maanta- Axad, Dec 23, 2012
Xaalad Daganaansho oo laga Dareemayo Deegaanka Buulogaduud kadib duqeymo culus oo xalay ka dhacay


Axad, December 23, 2012 (HOL) — Wararka aynu ka heleyno deegaanka Buulogaduud oo qiyaastii 30KM dhanka waqooyi uga began magaalada Kismaayo ayaa sheegaya in saaka xaaladda deegaankaasi ay tahay mid dagan, wallow ay xalay ka dhaceen duqeymo culus oo ay is weeydaarsanayeen ciidamada huwanta ah iyo Al-shabaab.

Xoogagga Al-shabaab ayaa lagu soo waramayaa in xalay saqdii dhexe ay weerar madaafiic ah kusoo qaadeen deegaanka Buulogaduud oo ay shalay la wareegeen ciidamada dowladda, kuwa Raaskaambooni iyo Militariga Kenya ee qeybta ka ah AMISOM.

Goobjoogeyaal ku sugan deegaanka Buulogaduud oo aan qadka telefonka kula xiriirnay ayaa inoo sheegay in ciidamada dowladda, kuwa Raaskaambooni iyo militariga Kenya ay ku suganyihiin meel 5 km ka baxsan deegaankaasi.

Ilaa imika ma jiraan warar madax bannaan oo qeexaya khasaaraha ka dhashay duqeymihii xalay deegaankaasi ku dhexmaray ciidamada huwanta ah iyo Al-shabaab.

Saraakiil katirsan ciidamada dowladda oo warbaahinta la hadlay ayaa sheegay in xaaladda ay saaka tahay mid dagan islamarkaasina ciidamada huwanta ah ay imika ku suganyihiin deegaanka Baar Zanguuni oo ku dhow tuulada buulogaduud, waxayna sheegeen in aysan jirin wax khasaarooyin ah oo ka dhashay duqeymihii xalay ka dhacay deegaanka Buulogaduud.

Yaasiin Nuur Gaas (Raadeer)  oo kamid ah saraakiisha hogaamineysa ciidamada dowladda ee gobollada Jubooyinka oo warbaahinta la hadlay ayaa sheegay in ay soo afjareen howlgalladii ay ka wadeen gobolka Jubada Hoose, wuxuuna xusay in ay u gudbi doonaan degmooyinka iyo deegaannada ay xoogagga Al-shabaab uga suganyihiin gobolka jubada dhexe.

Masuuliyiinta Al-shabaab ilaa imika kama hadlin ka bixitaankooda deegaanka Buulogaduud iyo weliba duqeymihii xalay ka dhacay halkaasi.

Ciidamada dowladda Soomaaliya, kuwa Raaskaambooni iyo Militariga Kenya ayaa wada howlgallo ballaaran oo ay ku doonayaan in ay kula wareegaan degmooyin iyo deegaanno hor leh oo ka tirsan gobollada Jubooyinka.

Xasan Nuur, Hiiraan Online
[email protected]
Muqdisho, Soomaaliya












Click here
12/23/2012 1:33 PM EST
Axad, December 23, 2012 (HOL) — Maamulka Puntland ayaa dhowr nabaddoon xabsiga dhigay, kuwaasoo qorsheynaya inay magaalada Garoowe ee xarunta Puntland ku qabtaan shir ay uga arrinsanayaan xaaladda ay Puntland marayso.

12/23/2012 12:54 PM EST
Axad, December 23, 2012 (HOL) — Isbaheysiga Nabadda Soomaaliya ayaa warsaxaafadeed uu soo saaray maanta eedeyn ugu jeediyay madaxweynaha Soomaaliya, isagoo ku eedeeyay inuusan dowladda Kenya kala hadlin arrimaha gobollada Jubbooyinka.

12/23/2012 12:54 PM EST
Axad, December 23, 2012 (HOL) — Golaha Wasiiradda Somaliland ayaa shalay ansixiyey Miisaaniyadda sanadka soo socda oo ay sheegeen inay ka badan tahay miisaaniyadii sanadkii hore.

12/23/2012 12:13 PM EST
Axad, December 23, 2012 (HOL) — Markabka MV-iceberg oo muddo 3 sano ku dhow ku jirey gacanta burcad-badeedka Soomaalida, islamarkaana ay labadii todobaad ee ugu danbeeyey ciidamada badda ee Puntland ku hareeraysnaayeen, ayaa maanta lagu guuleystey in lasoo furto.

12/23/2012 12:05 PM EST
Axad, December 23, 2012 (HOL) —Golaha Deegaanka ee magaalada Hargeysa oo maanta yeeshay kalfadhigoodii u horreeyay ayaa ku doortay maayarkii guddoomiyihii iyo guddoomiye ku xigeenkii Hargeysa.

12/23/2012 10:30 AM EST
Axad, December 23, 2012 (HOL) — Shirkan oo ka dhacay magaalada Kampala ee dalka Uganda islamarkaasina ahaa mid xildhibaanada haweenka baarlamanka Soomaaliya ay ku doonayeen in ay ku sameystaan isbaheysi gaar ah oo ka shaqeeya danahooda ayaa waxa lagu soo gabagabeeyay magaalada Kampala ee dalka Uganda.

12/23/2012 8:23 AM EST
Axad, December, 23, 2012 (HOL) -- Wafdi ka socday hay’adaha samafalka caalamiga ah ee QM ayaa maanta booqday magaalada Baladweyne, iyaga oo sheegay in ay siweyn u daneynayaan sidii ay xafiisyo uga furan lahaayeen magaalada.

12/23/2012 6:04 AM EST
Axad, December 23, 2012 (HOL) —Kulan looga hadlayay sidii wax looga qaban lahaa xaaladda ammaan ee degmada Dayniile ayaa gudaha degmadaasi maanta ku dhexmaray masuuliyiinta maamulka degmada iyo weliba saraakiisha dhanka ammaanka ee gobolka Banaadir.

12/23/2012 5:09 AM EST
Axad, December 23, 2012 (HOL) — Wasiirka gaashaandhigga Soomaaliya, C/xakiim Maxamuud Xaaji Fiqi oo ay wehliyaan saraakiil ka tirsan ciidamada xoogga dalka ayaa maanta oo Axad safar shaqo ugu ambabaxay dalalka Kenya iyo Uganada oo ay ciidammo ka joogaan Soomaaliya si uu ula kulmo wasiirrada difaaca dalalkaas.

12/23/2012 1:57 AM EST
Axad, December 23, 2012 (HOL) — Madaxweynaha Soomaaliya, Xasan Sheekh Maxamuud oo booqasho ku tagay dalka Kenya ayaa shalay gallinkii dambe kulan la yeeshay jaaliyadda Soomaaliyeed ee ku nool Nairobi, isagoo ku boorriyay inay la shaqeeyaan laamaha ammaanka ee Kenya si loo sugo ammaanka.

12/23/2012 1:57 AM EST
Axad, December 23, 2012 (HOL) — Ra'iisul wasaaraha dalka Kenya, Raila Odinga ayaa magacaabay Ibraahim Axmed Rashiid la-taliyihiisa dhinaca siyaasadda ee arrimaha Soomaaliya, isagoo sheegay in xaaladda Soomaaliya ay tahay midda ugu adag xilligan gobolka.