3/28/2024
Today from Hiiraan Online:  _
Wararka Maanta- Sabti, Dec 15, 2012
Dadweynaha Masar oo u Codeynaya Dastuur Cusub oo uu dalkaas yeesho iyo kala qaybsanaan Siyaasadeed oo jirta (SAWIRRO)

Sabti, December 15, 2012 (HOL) — Dadweynaha dalka Masar ayaa saakay oo Sabti ah billaabay inay u codeeyaan dastuurka cusub ee uu dalkaas yeelanayo, iyadoo ay muuqato kala qaybsanaa dhinaca siyaasadda ah oo weli taagan.

Cod-bixiyeyaasha ayaa waxay ku kala qaybsan yihiin in codka la siiyo dastuurka iyo inaan la siin, iyadoo ururka Akhwaanul Muslimiin oo taageersan madaxweyne Mursi uu qabo in dastuurka la ogolaado, halka mucaaradka ah oo isugu jira kooxo isbedel-doon ah iyo masiixi ay diidan yihiin dastuurka iyagoo u arka inuu yahay mid uu madaxweynuhu dabada ka riixayo.

"Waqtiyadii aamusnaanta way dhammaadeen," ayuu yiri Essam Al-Guindy oo ah nin u shaqeeya banki, kaasoo ka codeyanyay degmada Zamalik, isagoo hadalkiisa ku daray: "Anigu codkeyga ma siinayo dastuurka. Maxamed Morsina dalkan kuma hoggaamin karo kala qaybsanaanta."

Al-Gunidy wuxuu ka mid ahaa 20 rag ah oo safar ugu jirtay inay codkooda dhiibtaan, sidoo kale waxaa dhinacooda taagnaa haween iyaguna doonayay inay codkooda dhiibtaan, kuwaasoo isugu jiray kuwo ogol dastuurka iyo kuwo kasoo horjeeda.



Boqolaal mudaaharaadayaal ah ayaa aroornimadii hore ee saakay isugu soo baxay barxad weyn oo ku taalla magaalada Qaahira, iyagoo aan rabshado ah sameyn, iyadoo doorashadu ay billaabatay 8:00 aroornimo ee saakay oo Sabti ah.

"Qaybo dastuurka ka mid ah ayaan akhriyay iimana muuqan wax lagu diido," ayay tiri Raniya Wafiiq oo safar ugu jirtay inay codkeeda dhiibato xilli ay xambaarsanayd cunug yar oo ay dhawaan dhashay. "Waxaanu doonaynaa inaan horay u soconno, anigana iima muuqato wax codka loogu diido dastuurka."

Ciidammo gaaraya 120,000 oo askari ayaa sugaya ammaanka guud ee dalka Masar oo ay dhammaantiis doorashooyinku ka socdaan, iyadoo sidoo kale la arkayo ciidan booliis ah oo ilaalinaya goobaha sanaadiiqdu taallo iyo safafka cod-bixiyeyaasha.

Isku-dhacyo dhexmaray saddexdii toddobaad ee lasoo dhaafay dadweyne taageersan iyo kuwo kasoo horjeeda dastuurka cusub ayaa ka dhacay Qaahira iyadoo ay ku dhinteen isku dhacyadaas 10 qof waxaana ku dhaawacmay 1,000 qof oo kale.

Dadweynaha Masar ee codeynaya ayaa waxay tiradoodu gaaraysaa 51 milyan waxaana dastuurku uu ansax noqonayaa haddii 26 milyan oo ka mid ah ay codka siiyaan, waxaana natiijada codeyntu ay soo bixi doontaa toddobaadka soo socda.








Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/15/2012 1:32 PM EST
Sabti, December 15, 2012 (HOL)- Labo kamid ah shaqaalaha markabka MV Iceberg-1 oo lagu haysto xeebaha degmada Garacad ee gobolka Mudug ayaa lagu soo waramayaa in ay geeriyoodeen, islamarkaana ay sadex kale dhaawacmeen, kaddib markii ay israsaaseeyeen kooxda burcad-badeeda ah ee markabka haysata iyo ciidamada badda Puntland oo iyagu maalmihii u danbeeyey markabka ku hareereysnaa, dhowr mar oo ay isku dayeen inay soo furtaanna ay u suurta geli weyday.

12/15/2012 8:15 AM EST
Sabti, December 15, 2012 (HOL) — Wafdi ka socda hay’addaha samafalka QM ayaa maanta gaaray magaalada Baladweyne ee xarunta gobolka Hiiraan halkaasoo ay kulamo kula qaateen mas’uuliyiinta maamulka gobolka Hiiraan iyo saraakiisha AMISOM.

12/15/2012 7:46 AM EST
Sabti, December 15, 2012 (HOL) — Prof. Axmed Ismaaciil Samatar oo ka mid ahaa murashaxiintii u tartamay xilka madaxnimo ee Soomaaliya, haatanna ah mudane ka tirsan baarlamaanka Soomaaliya ayaa sheegay in Soomaaliya uu u billowday xilli cusub oo ay kaga baxayso fowdada.

12/15/2012 7:03 AM EST
Sabti, December 15, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay 15 guddi-hoosaad ee baarlamaanka kuwaasoo howshoodu noqon doonto la xisaabtanka hay'adaha kala duwan ee dowladda Soomaaliya ay ka kooban tahay.

12/15/2012 6:39 AM EST
Sabti, December 15, 2012 (HOL) — Iskahorimaad ay saraakiisha dowladda ee ku sugan gobolka Gedo guulo ka sheegteen ayaa maanta ka dhacay duleedka degmada Garbahaare ee xarunta gobolka Gedo, iyadoo halkaas uu booqasho ku joogo wasiirka gaashaandhigga Soomaaiya iyo saraakiil uu hoggaaminayo.

12/15/2012 6:18 AM EST
Sabti, December 15, 2012 (HOL) — Xarakada Al-shabaab oo dagaal kula jirta dowladda Soomaaliya iyo ciidamada gacanta siinaya ayaa sheegatay mas'uuliyadda weerar loo adeegsaday baabuur waxyaabaha qarxa laga soo buuxiyay oo shalay ka dhacday waddada Maka Al-Mukarama ee magaalada Muqdisho.

12/15/2012 4:18 AM EST
Sabti, December 15, 2012 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi iyo wafdi uu hoggaaminayo ayaa gaaray degmada Gabahaarey ee xarunta gobolka Gedo, halkaasoo si weyn loogu soo dhaweeyay

12/15/2012 2:47 AM EST
Sabti, December 15, 2012 (HOL) — Dowladda Kenya ayaa shaaca ka qaadday inay joojinayso diiwaan-gelinta qoxootiga Soomaalida, iyadoo sidoo kale sheegtay inay dib ugu celinayso Soomaaliya qoxootiga fara badan ee dalkeeda ku nool.

12/15/2012 2:44 AM EST
Sabti, December 15, 2012 (HOL) — Kooxo Baastoolado ku hubeysan oo aan la aqoon ayaa xalay toogasho ku dilay ganacsade caan ah oo siweyn looga yaqaannay magaalada Kismaayo ee xarunta gobolka Jubada Hoose.

12/15/2012 2:28 AM EST
Sabti, December 15, 2012 (HOL) — Nin hubeysan ayaa ku toogtay 26-qof oo ay ku jireen 20 cunug oo arday ahaa iyo lix macallimiintii iskuulka ahaa kaddib markii uu weerar ku qaaday iskuulka hoose ee Sandy Hook oo ku yaalla magaalada Newtown ee gobolka Connecticut Jimcihii shalay.

12/15/2012 1:51 AM EST
Sabti, December 15, 2012 (HOL) — Ciidamada dowladda Soomaaliya ee ku sugan gobolka Bay oo gacan ka helaya kuwa Itoobiya ayaa si nabadgalyo ah kula wareegay degmada Ufuroow, taasoo noqonaysa degmadii afaraad oo ciidamada dowladda iyo kuwa Itoobiya ay kaga sugan yihiin gobolkaas.

12/15/2012 1:49 AM EST
Sabti, December 15, 2012 (HOL) — Gudoomiyaha maxkamada Gobolka Awdal, Cabdiraxmaan Geeddi Barre ayaa si rasmiya xilkii xildhibaanimo ugu dhaariyay 20 xildhibaan ee cusub ee degmada Boorama ee caasimada Gobolka Awdal, waxaana ka maqnaa hal xildhibaan oo hawl magaalada kaga maqan.

12/15/2012 1:44 AM EST
Sabti, December 15, 2012 (HOL) — Shirkii 7aad ee waddamada ku bahoobay badbaadada deegaanka Badda, maamulidda iyo horumarinta badda iyo degaanka xeebaha ee Galbeedka Badweynta Hindia ama loo yaqaano Nairobi convention for the protection, Management and development of the marine and coastal environment of the Western Indian Ocean, ayaa 14 December 2012 ku soo gabagaboobay Magaalada Moputa ee dalka Mozambique.