3/29/2024
Today from Hiiraan Online:  _
Wararka Maanta- Sabti, Dec 15, 2012
Nin hubeysan oo Gobol ku yaalla Waqooyi-bari Mareykanka ku toogtay Caruur Iskuul dhiganayay iyo Hooyadiis


Sabti, December 15, 2012 (HOL) — Nin hubeysan ayaa ku toogtay 26-qof oo ay ku jireen 20 cunug oo arday ahaa iyo lix macallimiintii iskuulka ahaa kaddib markii uu weerar ku qaaday iskuulka hoose ee Sandy Hook oo ku yaalla magaalada Newtown ee gobolka Connecticut Jimcihii shalay.

Adam Lanza oo ah ninka xasuuqa geystay oo 20-jir ahaa ayaa soo dilay hooyadiis ka hor intii uusan imaan iskuulka uu xasuuqa ka geystay, isagoo toogashada ka billaabay laba galaas oo ku dhow xafiiska iskuulka laga maamulo, waxaana caruurta la toogtay ay da'doodu u dhexeysay shan sano illaa toban sano.

"Shaydaan ayaa maanta soo booqday bulshada ku nool magaaladan," ayuu yiri guddoomiyaha gobolka Connecticut, Dannel Malloy oo la hadlayay wariyeyaasha, waxanaa sidoo kale dhacdadan ka hadlay madaxweynaha Mareykanka isagoo ku tilmaamay musiibo ku dhacday dadka ku nool magaaladaas.

Ruuxa toogashada geystay ayaa isaguna u dhintay mid ka mid ah xabbadihii uu ku furayay caruurta oo dhaawacday, waxaana la sheegay inuu xirnaa dharka ciidanka markii uu iskuulka galayay, inkastoo ay qadar murmeen maamulka iskuulka haddana waxaa u suurogashay inuu toogto caruurta.

Ciidamada ammaanka magaalada Newtown ayaa waxaa u suurogashay inay goobta soo gaaraan oo ay ardaydii ka badbaaday dhacdada ka saaraan halkaas iyagoo nabad-qaba, waxaana dhacdadan ay ka mid noqonaysaa kuwii ugu xanuunka badnaa ee ka dhaca dalka Mareykanka.

Madaxweynaha Mareykanka, Barack Obama ayaa xasuuqan ku tilmaamay mid naxdin badan, isagoo sheegay inuu murugada la qaybsanayo qoysaska ay caruurtooda ku dhinteen xasuuqa.

"Anigoo u hadlaya sidii waalid waxaan sheegayaa in maanta niyaddeennu jabtay," ayuu yiri Obama oo intaas ku daray: "Waxaan murugada la wadaagaynaa waalidkii caruurtooda ku waayay dhacadaas foosha xun."

Dhacdadan ayaa ka mid noqonaysaa dhacdooyin dhowr ah ah oo ka dhacay dalka Mareykanka tan iyo markii uu Obama xilka la wareegay sannadkii 2009-kii, wuxuuna madaxweynaha Mareyanka ku tilmaamay dhacdadan middii ugu xanuunka badnayd ee soo marta shacabka Mareykanka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/15/2012 1:32 PM EST
Sabti, December 15, 2012 (HOL)- Labo kamid ah shaqaalaha markabka MV Iceberg-1 oo lagu haysto xeebaha degmada Garacad ee gobolka Mudug ayaa lagu soo waramayaa in ay geeriyoodeen, islamarkaana ay sadex kale dhaawacmeen, kaddib markii ay israsaaseeyeen kooxda burcad-badeeda ah ee markabka haysata iyo ciidamada badda Puntland oo iyagu maalmihii u danbeeyey markabka ku hareereysnaa, dhowr mar oo ay isku dayeen inay soo furtaanna ay u suurta geli weyday.

12/15/2012 8:15 AM EST
Sabti, December 15, 2012 (HOL) — Wafdi ka socda hay’addaha samafalka QM ayaa maanta gaaray magaalada Baladweyne ee xarunta gobolka Hiiraan halkaasoo ay kulamo kula qaateen mas’uuliyiinta maamulka gobolka Hiiraan iyo saraakiisha AMISOM.

12/15/2012 7:46 AM EST
Sabti, December 15, 2012 (HOL) — Prof. Axmed Ismaaciil Samatar oo ka mid ahaa murashaxiintii u tartamay xilka madaxnimo ee Soomaaliya, haatanna ah mudane ka tirsan baarlamaanka Soomaaliya ayaa sheegay in Soomaaliya uu u billowday xilli cusub oo ay kaga baxayso fowdada.

12/15/2012 7:03 AM EST
Sabti, December 15, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay 15 guddi-hoosaad ee baarlamaanka kuwaasoo howshoodu noqon doonto la xisaabtanka hay'adaha kala duwan ee dowladda Soomaaliya ay ka kooban tahay.

12/15/2012 6:39 AM EST
Sabti, December 15, 2012 (HOL) — Iskahorimaad ay saraakiisha dowladda ee ku sugan gobolka Gedo guulo ka sheegteen ayaa maanta ka dhacay duleedka degmada Garbahaare ee xarunta gobolka Gedo, iyadoo halkaas uu booqasho ku joogo wasiirka gaashaandhigga Soomaaiya iyo saraakiil uu hoggaaminayo.

12/15/2012 6:18 AM EST
Sabti, December 15, 2012 (HOL) — Xarakada Al-shabaab oo dagaal kula jirta dowladda Soomaaliya iyo ciidamada gacanta siinaya ayaa sheegatay mas'uuliyadda weerar loo adeegsaday baabuur waxyaabaha qarxa laga soo buuxiyay oo shalay ka dhacday waddada Maka Al-Mukarama ee magaalada Muqdisho.

12/15/2012 5:58 AM EST
Sabti, December 15, 2012 (HOL) — Dadweynaha dalka Masar ayaa saakay oo Sabti ah billaabay inay u codeeyaan dastuurka cusub ee uu dalkaas yeelanayo, iyadoo ay muuqato kala qaybsanaa dhinaca siyaasadda ah oo weli taagan.

12/15/2012 4:18 AM EST
Sabti, December 15, 2012 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi iyo wafdi uu hoggaaminayo ayaa gaaray degmada Gabahaarey ee xarunta gobolka Gedo, halkaasoo si weyn loogu soo dhaweeyay

12/15/2012 2:47 AM EST
Sabti, December 15, 2012 (HOL) — Dowladda Kenya ayaa shaaca ka qaadday inay joojinayso diiwaan-gelinta qoxootiga Soomaalida, iyadoo sidoo kale sheegtay inay dib ugu celinayso Soomaaliya qoxootiga fara badan ee dalkeeda ku nool.

12/15/2012 2:44 AM EST
Sabti, December 15, 2012 (HOL) — Kooxo Baastoolado ku hubeysan oo aan la aqoon ayaa xalay toogasho ku dilay ganacsade caan ah oo siweyn looga yaqaannay magaalada Kismaayo ee xarunta gobolka Jubada Hoose.

12/15/2012 1:51 AM EST
Sabti, December 15, 2012 (HOL) — Ciidamada dowladda Soomaaliya ee ku sugan gobolka Bay oo gacan ka helaya kuwa Itoobiya ayaa si nabadgalyo ah kula wareegay degmada Ufuroow, taasoo noqonaysa degmadii afaraad oo ciidamada dowladda iyo kuwa Itoobiya ay kaga sugan yihiin gobolkaas.

12/15/2012 1:49 AM EST
Sabti, December 15, 2012 (HOL) — Gudoomiyaha maxkamada Gobolka Awdal, Cabdiraxmaan Geeddi Barre ayaa si rasmiya xilkii xildhibaanimo ugu dhaariyay 20 xildhibaan ee cusub ee degmada Boorama ee caasimada Gobolka Awdal, waxaana ka maqnaa hal xildhibaan oo hawl magaalada kaga maqan.

12/15/2012 1:44 AM EST
Sabti, December 15, 2012 (HOL) — Shirkii 7aad ee waddamada ku bahoobay badbaadada deegaanka Badda, maamulidda iyo horumarinta badda iyo degaanka xeebaha ee Galbeedka Badweynta Hindia ama loo yaqaano Nairobi convention for the protection, Management and development of the marine and coastal environment of the Western Indian Ocean, ayaa 14 December 2012 ku soo gabagaboobay Magaalada Moputa ee dalka Mozambique.