3/28/2024
Today from Hiiraan Online:  _
Wararka Maanta- Arbaco, Apr 4 , 2012
Al-shabaab oo sheegatay mas'uuliyadda Qaraxii ka dhacay tiyaatarka iyo Dowladda KMG ah oo ka hadashay

Arbaco, Abriil 04, 2012 (HOL) — Xarakada Al-shabaab ayaa sheegtay inay iyadu mas'uul ka ahady qarax khasaare badan geystay oo ka dhacay Tiyaatarka Muqdisho maanta, xilli ay ka socotay xaflad lagu maamuusayay furitaankii telefishinkta Qaranka.

Saraakiil u hadlay Al-shabaab ayaa sheegay in weerarkaas lagu dilay saraakiil ka tirsan ciidamada dowladda, xildhibaanno iyo xubno kale oo dowladda ka tirsan, waxayna sheegeen in weerarkan uu ka mid yahay kuwa ay la beegsanayaan goobaha ay dowladdu ku sugan tahay.

Al-shabaab waxay sheegeen in weerarka uusan ahayn mid ismiidaamin ah, balse uu ahaa mid meesha lagu sii diyaariyay, halka la sheegayo in qaraxaas ay fulisay gabar dhallinyaro ah oo ka mid ahayd dadkii ku sugnaa goobta xafladdu ka dhacaysay.

Weerarkan oo ahaa mid si lama filaan ah u dhacay ayaa waxaa ku dhintay dad ka badan lix qof oo ay ku jiraan madaxda isboortiga Soomaalida, kuwaasoo mid ahaa xubnihii lagu casuumay munaasabadda.

Sidoo kale, waxaa weerarka ku dhaawacmay in ka badan 20-qof oo u badan dad shacab ah, waxaana dhaawacyada la dhigay isbitaallada Muqdisho sida isbitaalka Madiina iyo midka Daarul-shifa oo gaar loo leeyahay.

Dowladda Soomaaliy ayaa sheegay in weerarkan uusan wax niyad-jab ah ku keenayn howlaha ay ku doonayaan inay ku sugaan ammaanka Muqdisho, sidoo kalena ay sii wadi doonaan dagaalka ay kula jiraan xoogagga Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/4/2012 9:18 AM EST
Arbaco, April 04, 2012(HOL):Saaka barqadii 11:45 daqiiqo ayaa waxaa uu qarax ka dhacay gudaha tiyaatarka qaranka Soomaaliyeed, kaasi oo geystay dhimasho iyo dhaawac soo gaartay dad muhiim u ah bulshada Soomaaliyeed.

4/4/2012 8:34 AM EST
Arbaco, Abriil 04, 2012 (HOL) — Warsaxaafadeed kasoo baxay taliska ciidamada Midowga Afrika ee AMISOM, ayaa lagu sheegay in weerarkii Tiyaatarka uu ahaa mid ismiidaamin ah oo ay fulisay haweeney, kaasoo ay ku dhinteen dad shacab ah kuwo kalena ay ku dhaawacmeen.

4/4/2012 8:09 AM EST
Arbaco, Abriil 04, 2012 (HOL) — Ra'iisul wasaaraha Soomaaliya, Cabdiweli Maxamed Cali oo ka hadlay qaraxii ka dhacay Tiyaatarka Muqdisho ayaa sheegay inuusan wax khasaare ah kasoo gaarin, isagoo ku tilmaamay qarax fulaynimo ah oo waxyeello ay kasoo gaartay dad shacab ah.

4/4/2012 5:33 AM EST
Arbaco, Abriil 04, 2012 (HOL) — Qarax sababay dhimsho iyo dhaawaca fara badan maanta oo Arbaco ah ayaa ka dhacay golaha murtida iyo madadaaalada ee Muqdisho oo ay ka socotay munaasabad lagu xusayay sannadguuradii koowaad ee kasoo wareegtay markii dib loo howlgeliyay telefishinka dowladda Soomaaliya.

4/4/2012 3:15 AM EST
Arbaco, Abriil 04, 2012 (HOL) — Magaalada Muqdisho oo ah xarunta dalka Soomaaliya oo ay xasillooni-darro ay ka jirtay muddo 21-sano ah ayaa u muuqata xiligan mid xaaladdeeda nololeed ay caadi kusoo laabanayso.

4/4/2012 2:41 AM EST
Arbaco, Abriil 04, 2012 (HOL) — Xarakada Al-shabaab ayaa sheegtay inay saakay la wareegeen gacan ku haynta degmada Ceelbarde ee gobolka Bakool, halkaasoo saldhig u ahayd ciidamada dowladda KMG ah saddexdii sano ee lasoo dhaafay.

4/4/2012 2:39 AM EST
Arbaco, Abriil 04, 2012 (HOL) — Guddoomiyaha guddiga fulinta ee ururka Ahlusunna Waljamaaca, Sheekh Maxamed Yuusuf Xeefow ayaa sheegay in ciidamada Itoobiya ee gacanta ku siinaya dagaallada ay kula jiraan Al-shabaab ay isaga bixi doonaan deegaannada ay ka taliyaan dhammaadka bishan Abriil.