3/28/2024
Today from Hiiraan Online:  _
Wararka Maanta- Arbaco, Apr 4 , 2012
Xarakada Al-shabaab oo saakay aroortii hore la wareegtay gacan ku haynta degmada Ceel-barde ee Gobolka Bakool

Arbaco, Abriil 04, 2012 (HOL) — Xarakada Al-shabaab ayaa sheegtay inay xoogaggeedu saakay aroortii la wareegeen gacan ku haynta degmada Ceelbarde ee gobolka Bakool, halkaasoo saldhig u ahayd ciidamada dowladda KMG ah saddexdii sano ee lasoo dhaafay.

War laga sii daayay idaacad ku hadasha afka Al-shabaab oo lagu magacaabo Andulus ayaa lagu sheegtay in in dagaal 5:00 aroornimo ee sakay billowday ay ugu suurogashay xoogagooddu inay qabsadaan degmadaas oo ku dhow soohdinta ay wadaagaan Soomaaliya iyo Itoobiya.

"Mujaahidiinta waxay saakay weerar ku qaadeen degmada Ceelbarde, dagaal hal saac socday kaddibna waxaa u suurogashay inay gacanta ku dhigaan," ayuu yiri sarkaal ka tirsan Al-shabaab sheegay in dagaalkaay ku dhinteen ugu yaraan 20-qof oo dhinacyadii dagaalamay ka tirsan, kuwaasoo ay ku jiraan saraakiil.

Sarkaalka u hadlay Al-shabaab ayaa sheegay in dagaalka ay ku dileen shan mas'uul oo ka tirsan DKMG ah, kuwaasoo ay sheegeen inuu ku jiro guddoomiyihii degmada Ceelbarde ee dowladda KMG ah, Cumar Dheere iyo xubno kale oo maamulka ka tirsanaa.

Inkastoo hadal kasoo baxay dhinaca dowladda uusan jirin, haddana xoogaga Al-shabaab ayaa laba toddobaad ka hor waxay ciidamada Itoobiya iyo kuwa DKMG ah oo isgarabsanaya kala wareegeen gacan ku haynta degmada Xudur oo xarun u ah gobolka Bakool.

Xarakada Al-shabaab ayaa sheegtay inay billaabeen dagaallo dhuumaaleysi ah si ay dib ugu qabsadaan deegaannadii ay isaga baxeen, waxaana sidoo kale saraakiisha u hadlay Al-shabaab ay sheegeen in saakay ay sidoo kale weerareen deegaan lagu magacaabo Hoosingoow oo ka tirsan gobolka Jubbada hoose.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/4/2012 9:18 AM EST
Arbaco, April 04, 2012(HOL):Saaka barqadii 11:45 daqiiqo ayaa waxaa uu qarax ka dhacay gudaha tiyaatarka qaranka Soomaaliyeed, kaasi oo geystay dhimasho iyo dhaawac soo gaartay dad muhiim u ah bulshada Soomaaliyeed.

4/4/2012 8:34 AM EST
Arbaco, Abriil 04, 2012 (HOL) — Warsaxaafadeed kasoo baxay taliska ciidamada Midowga Afrika ee AMISOM, ayaa lagu sheegay in weerarkii Tiyaatarka uu ahaa mid ismiidaamin ah oo ay fulisay haweeney, kaasoo ay ku dhinteen dad shacab ah kuwo kalena ay ku dhaawacmeen.

4/4/2012 8:09 AM EST
Arbaco, Abriil 04, 2012 (HOL) — Ra'iisul wasaaraha Soomaaliya, Cabdiweli Maxamed Cali oo ka hadlay qaraxii ka dhacay Tiyaatarka Muqdisho ayaa sheegay inuusan wax khasaare ah kasoo gaarin, isagoo ku tilmaamay qarax fulaynimo ah oo waxyeello ay kasoo gaartay dad shacab ah.

4/4/2012 7:53 AM EST
Arbaco, Abriil 04, 2012 (HOL) — Xarakada Al-shabaab ayaa sheegtay inay iyadu mas'uul ka ahady qarax khasaare badan geystay oo ka dhacay Tiyaatarka Muqdisho maanta, xilli ay ka socotay xaflad lagu maamuusayay furitaankii telefishinkta Qaranka.

4/4/2012 5:33 AM EST
Arbaco, Abriil 04, 2012 (HOL) — Qarax sababay dhimsho iyo dhaawaca fara badan maanta oo Arbaco ah ayaa ka dhacay golaha murtida iyo madadaaalada ee Muqdisho oo ay ka socotay munaasabad lagu xusayay sannadguuradii koowaad ee kasoo wareegtay markii dib loo howlgeliyay telefishinka dowladda Soomaaliya.

4/4/2012 3:15 AM EST
Arbaco, Abriil 04, 2012 (HOL) — Magaalada Muqdisho oo ah xarunta dalka Soomaaliya oo ay xasillooni-darro ay ka jirtay muddo 21-sano ah ayaa u muuqata xiligan mid xaaladdeeda nololeed ay caadi kusoo laabanayso.

4/4/2012 2:39 AM EST
Arbaco, Abriil 04, 2012 (HOL) — Guddoomiyaha guddiga fulinta ee ururka Ahlusunna Waljamaaca, Sheekh Maxamed Yuusuf Xeefow ayaa sheegay in ciidamada Itoobiya ee gacanta ku siinaya dagaallada ay kula jiraan Al-shabaab ay isaga bixi doonaan deegaannada ay ka taliyaan dhammaadka bishan Abriil.