3/28/2024
Today from Hiiraan Online:  _
Wararka Maanta- Khamiis, Sept 6 , 2012
Ardayda Jaamacada Baladweyne University oo sanadkii Afraad dib u bilaabay waxbarashada Jaamacada

Khamiis, September, 06, 2012 (HOL) – Jaamacada Baladweyne University oo ka mid ah Jaamacadaha ku yaala magaalada Baladweyne ee xarunta gobollka Hiiraan ayaa ardayda wax ka barata waxaa ay maanta sanadkii afraad dib u bilaabeen waxbarashada Jaamacada.

Munaasabad lagu qabtay xarunta Jaamacada ee  ayeey ardayda ku soo bandhigeen dareenkooda la xiriira mudo labo bilood ah oo ay fasax ku maqnaayeen kadib in sanadkii afraad ay dib u bilaabeen waxbarashada Jaamacada Baladweyen University.

Gaar ahaan munaasabada waxaa soo qaban qaabiyay ardayda sanadkan ay ugu eg tahay waxbarashada, kuwaasoo sheegay in wax lagu farxo tahay waxbarasho heer Jaamacadeed ah in ay ku dhameystaan magaalada Baladweyne

Sidoo kale, waxaa iyagana qeyb ka ahaa ardayda munaasabada maanta ka qeyb-qaatay kuwa cusub oo sanadkan uun ku biirtay Jaamacada Baladweyne University oo sida ay sheegeen soo dhameystay waxbarashada dugsiga sare

Dhinaca kale, kulan gaar ah oo ay ardayda ku yeesheen gudaha Library-ga Jaamacada ayeey ku bogaadeeyeen kulan ka dhacay magaalada Muqdisho oo ardayda wax ka barata Jaamacada Baladweyne kuwooda ku soo baxa kaalimaha hore loogu balanqaaday waxbarasho sare iyo in la sii balaariyo dhismaha Jaamacada Baladweyne University.

Jaamacada waxaa lagu bartaa ilaa shan Kuliyadood oo kala ah  Shareecada, Waxbarashada, Dhaqaallaha, Cilmiga Computerka, iyo waliba kuliyada caafimaadka,oo dhamaatood ay wax ka bartaan tiro arday ah.

Magaalada Baladweyne ee xarunta gobollka Hiiraan sanadihii ugu danbeeyay waxaa la oran karaa waxaa ay sameysay hormar dhinaca waxbarashada ah, waxaana magaalada ilaa iyo hadda ka furan sadax Jaamacadood oo kala ah Jaamacada Baladweyne University, Hiiraan University, iyo Palasma University, kuwaasoo meesha ka saaray tiro arday ah oo marka ay soo dhameystaan waxbarasahada dugsiga sare u safri jiray meelo kale si ay u heleen waxbarasho heer Jaamacadeed ah.

C/raxmaan Diini, Hiiraan Online
[email protected]
Baladweyne, Soomaaliya













Click here
9/6/2012 1:32 PM EST
Talaado 6-da September 2012(HOL): Guddiga doorashada madaxweynenimada Soomaaliya ayaa galabta ku dhawaaqay tirada musharraxiinta isu soo taagay madaxweynenimada Soomaaliya ee buuxiyay shuruudihii lagu xiray, waxayna tiradaha musharraxiintaas gaareysaa 25 musharrax.

9/6/2012 8:48 AM EST
Khamiis, September 06, 2012 (HOL) — Wasiirrada xukuumadda Soomaaliya ee uu waqtigeedu dhammaaday ayaa maanta kulankoodii ugu dambeeyay ku yeeshay magaalada Muqdisho, kaasoo ay uga hadleen waxqabadkoodii iyo ammaanka guud ee dalka.

9/6/2012 8:25 AM EST
Khamiis, September 06, 2012 (HOL) — Booliiska dowladda Soomaaliya iyo booliiska AMISOM ayaa maanta howlgallo wadajir ah oo lagu soo qabqabtay boqolaal ruux oo dhallinyaro ah ka sameeyay degmada Xamarjajab ee gobolka Banaadir.

9/6/2012 6:58 AM EST
Khamiis, September 06, 2012 (HOL) — Xoogagga Al-shabaab ayaa maanta kusoo bandhigay magaalada Kismaayo hub iyo gaadiid dagaal oo ay sheegeen in ay kusoo qabsadeen dagaallo mudooyinkii ugu danbeeyay ka socday duleedka degmada Afmadow ee gobolka jubada Hoose.

9/6/2012 3:40 AM EST
Khamiis, September 06, 2012 (HOL) — In ka badan 10 ruux ayaa ku dhimatay tiro kale oo intaa ka sii badanna dhaawac ayaa ka soo gaaray dagaalo culus oo labo maleeshiyo beelleed ku dhaxmaray deegaannka lagu magacaabo Bangala oo ka tirsan gobollka Galguduud

9/6/2012 3:32 AM EST
Khamiis, September 06, 2012 (HOL) — Iskahorimaadyo u dhexeeya ciidamada dowladda Soomaaliya iyo kooxo hubeysan ayaa xalay ka dhacay isgoyska Ex-koontarool Afgooye iyo degmada Dharkeynley oo dhinaca koonfeed kaga yaalla Muqdisho.

9/6/2012 3:12 AM EST
Khamiis, September 06, 2012 (HOL) — Madaxweynaha Soomaaliyaiyo xubno kale oo ka tirsan murashaxiinta u taagan doorashada madaxnimo ee dalka ayaa ku biiray xubnihii horay u buuxiyay shuruudihii uu ku xiray guddiga doorashada madaxweyne ee Soomaaliya.

9/6/2012 3:11 AM EST
Khamiis, September 06, 2012 (HOL) — Ugu yaraan afar qof ayaa ku dhintay 13 qof oo kalena way ku dhaawacmeen bam xalay lagu weeraray guri ku yaalla degmada Afgooye iyo weerar ay kooxo hubeysan ku qaadeen gaari rakaab siday oo kasoo ambabaxay magaalada Baydhabo kuna soo jeedyay Muqdisho.