6/25/2022
Today from Hiiraan Online:  _
Wararka Maanta- Khamiis, Sept 6 , 2012
Dagaal Beeleed Khasaare geystay oo ka dhacay deegaan ka tirsan Gobolka Galguduud ee bartamaha dalka Soomaaliya
Khamiis, September 06, 2012 (HOL) — In ka badan 10 ruux ayaa ku dhimatay tiro kale oo intaa ka sii badanna dhaawac ayaa ka soo gaaray dagaalo culus oo labo maleeshiyo beelleed ku dhaxmaray deegaannka lagu magacaabo Bangala oo ka tirsan gobollka Galguduud

Dagaallka oo bilaawday galinkii danbe ee maalintii shalay soona gaaray ilaa xalay fiidkii waxaa uu dhaxmaray labo maleeshiyo oo ka soo kala jeeda degmooyinka Caabud-waaq iyo Cadaado ee gobollka Galguduud, sida warbaahinta ay u sheegeen odayaasha iyo waxgaradka dhinacyada dagaallku dhaxmaray.

Nabadoon C/qaadir Cabdi Barre ayaa sheegay in ay aad uga xun yihiin dagaallka mar kale soo cusboonaaday, waxaana uu sheegay in waqtiga uu dagaallkani dhacayo ay u fadhiyeen odayaasha waxgaradka beellaha  sidii loo xalin lahaa colaada u dhaxeysa labada dhinac.

"Hadda intii dhimatay  waa ay dhimatay, waqtigoodii ayaana galay, waxaa loo baahan yahay in laga wada shaqeeyo sidii looga hor tagi lahaa dagaal kale oo ay dad ku dhintaan," ayuu yiri C/qaadir Cabdi Bare.

Dhinaca kale, Suldaan Xassan Xaanshi oo ka mid ah odayaasha gobollka ayaa sheegay in ay ku howlanayeen sidii colaada loo joojin lahaa, islamarkaana ka xun yihiin waxgaradka dagaallka dhaxmaray labada beellood galinkii danbe ee shalay, waxaana uu ugu baaqay waxgaradka in ay u is tagaan joojinta colaada.

Marka la eego bartamaha dalka Soomaaliya gaar ahaan gobollka Galguduud waxaa inta badan ku soo noq noqda dagaallada beellaha oo ah kuwo marka aad dib u eegto salka ku haya muran la xiriira sidii loo wadaagi lahaa daaqa iyo biyaha, taasoo marka danbe keentay in beelluhu isku laayaan.

Waxgaradka iyo odayaasha inta badan isku howla sidii loo joojin lahaa colaada, laakiin haddana inta badan laguma guuleysto oo mar walba waxaa dib u soo noqda dagaallo sababa dhimasho iyo dhaawac.

C/raxmaan Diiini, Hiiraan Online
[email protected]
Baladweyne, Soomaaliya












Click here
9/6/2012 8:15 PM EST
Khamiis, September, 06, 2012 (HOL) – Jaamacada Baladweyne University oo ka mid ah Jaamacadaha ku yaala magaalada Baladweyne ee xarunta gobollka Hiiraan ayaa ardayda wax ka barata waxaa ay maanta sanadkii afraad dib u bilaabeen waxbarashada Jaamacada.

9/6/2012 1:32 PM EST
Talaado 6-da September 2012(HOL): Guddiga doorashada madaxweynenimada Soomaaliya ayaa galabta ku dhawaaqay tirada musharraxiinta isu soo taagay madaxweynenimada Soomaaliya ee buuxiyay shuruudihii lagu xiray, waxayna tiradaha musharraxiintaas gaareysaa 25 musharrax.

9/6/2012 8:48 AM EST
Khamiis, September 06, 2012 (HOL) — Wasiirrada xukuumadda Soomaaliya ee uu waqtigeedu dhammaaday ayaa maanta kulankoodii ugu dambeeyay ku yeeshay magaalada Muqdisho, kaasoo ay uga hadleen waxqabadkoodii iyo ammaanka guud ee dalka.

9/6/2012 8:25 AM EST
Khamiis, September 06, 2012 (HOL) — Booliiska dowladda Soomaaliya iyo booliiska AMISOM ayaa maanta howlgallo wadajir ah oo lagu soo qabqabtay boqolaal ruux oo dhallinyaro ah ka sameeyay degmada Xamarjajab ee gobolka Banaadir.

9/6/2012 6:58 AM EST
Khamiis, September 06, 2012 (HOL) — Xoogagga Al-shabaab ayaa maanta kusoo bandhigay magaalada Kismaayo hub iyo gaadiid dagaal oo ay sheegeen in ay kusoo qabsadeen dagaallo mudooyinkii ugu danbeeyay ka socday duleedka degmada Afmadow ee gobolka jubada Hoose.

9/6/2012 3:32 AM EST
Khamiis, September 06, 2012 (HOL) — Iskahorimaadyo u dhexeeya ciidamada dowladda Soomaaliya iyo kooxo hubeysan ayaa xalay ka dhacay isgoyska Ex-koontarool Afgooye iyo degmada Dharkeynley oo dhinaca koonfeed kaga yaalla Muqdisho.

9/6/2012 3:12 AM EST
Khamiis, September 06, 2012 (HOL) — Madaxweynaha Soomaaliyaiyo xubno kale oo ka tirsan murashaxiinta u taagan doorashada madaxnimo ee dalka ayaa ku biiray xubnihii horay u buuxiyay shuruudihii uu ku xiray guddiga doorashada madaxweyne ee Soomaaliya.

9/6/2012 3:11 AM EST
Khamiis, September 06, 2012 (HOL) — Ugu yaraan afar qof ayaa ku dhintay 13 qof oo kalena way ku dhaawacmeen bam xalay lagu weeraray guri ku yaalla degmada Afgooye iyo weerar ay kooxo hubeysan ku qaadeen gaari rakaab siday oo kasoo ambabaxay magaalada Baydhabo kuna soo jeedyay Muqdisho.