3/29/2024
Today from Hiiraan Online:  _
Wararka Maanta- Talaado, Sept 4 , 2012
Murashaxiin Doorashada Madaxweynenimo ee Soomaaliya uga Tanaasulay Musharax ay Isbahaysi wadaag yihiin
Talaado, September 04, 2012 (HOL) — Murashaxiin ka badan toban ayaa waxay u tanaasuleen murashax ay isbahaysi qura kuwada jiraan, kaddib kulan ay Muqdisho ku yeesheen, waxaana murashaxiintan ay sheegeen inay taageerayaan murashaxa ay u tanaasuleen.

Murashaxiintan oo ku mideysan isbahaysi ay ugu magacdareen - Bah-wadaagta Qaran ee isbedel-doonka ah -  ayaa waxay u doorteen inuu doorashada madaxnimo ee dalka uga qaybgalo Xaaji Maxamed Yaasiin oo ka mid ah xubnaha u tagaan ka qaybgalka doorashada madaxnimo ee dalka oo dhacaysa toddobaadka soo socda.

"Waxaan uga mahadcelinayaa xubnihii ii doortay inaan doorashada uga qaybgalo," ayuu Sheekh Maxamed Yaasiin ka sheegay kulankii loogu doortay inuu doorashada ka qaygalo, isagoo sheegay in howsha uu u tartamayo ay tahay mid aad u culus.

Xubnaha u tanaasulay ayaa waxaa ka mid ah: Maxamed Maxamuud Guuleed (Gacma-dheere), Jen. Maxamed Nuur Galaal, Caasho Axmed Cabdalla, Ismaaciil Maxamuud Hurre (Buubaa), Yaasiin Axmed Ciise, Cabdulqaadir Fiish, Prof. Axmed Muumin Wafaa iyo xubno kale.

Codeynta uu kusoo baxay murashax ayaa waxay ahayd saddex wareeg, waxanaa wareeggii ugu dambeeyay ku tartamay xubno ay ka mid yihiin Prof. Axmed Muumin Wafaa, Gacma-dheere iyo murashaxa soo baxay ee Xaaji Maxamed Yaasiin.

Tanaasulka ay sameeyeen murashaxiinta u taagnaa xilka doorashada madaxnimo ee dalka ayaa imaanaya iyadoo ay socoto qabashada araajida murashaxiinta tartanka doorashada ka qaybgalaya, waxaana ka maqnaa kulanka, Prof. Axmed Ismaaciil Samatar, C/raxmaan C/shakuur iyo Xasan Sheekh Maxamuud oo ka mid ahaa xubnaha isbahaysiga balse si gooni ah u tartamaya.

Maxamed Xaaji Xuseen, Hiiraan Onilne
[email protected]
Muqdisho, Soomaaliya












Click here
9/4/2012 10:22 AM EST
Talaado, September 04, 2012 (HOL) — Shaqaalaha Cusbitaalka guud ee magaaladda Hargeysa, ayaa sheegay inay shaqooyinkii ay hayeen Cisbitaalka ay joojiyeen, isla markaana si weyn uga cawday mushahar loo balanqaaday oo laga musuqmaasuqay.

9/4/2012 10:21 AM EST
Talaado, September 04, 2012 (HOL) — Munaasabad si heer sare loosoo agaasimay oo dib loogu furayay iskoolka indhoolayaasha ee Al-nuur ayaa maanta waxa lagu qabtay xarunta iskoolkaas oo ku taalla degmada Hodan, gaar ahaan xaafadda KPP ee magaalada Muqdisho.

9/4/2012 9:02 AM EST
Talaado, September 04, 2012 (HOL) — Xaaladda gobolka jubada hoose ayaa mudooyinkii u danbeeyayba ahayd mid aad u kacsan kadib markii ciidamada dowladda KMG oo kaashanaya kuwa AMISOM ay u dhaqaaqeen sidii ay gacanta ugu dhigi lahaayeen magaalada Kismaayo ee xarunta gobolka Jubada hoose.

9/4/2012 8:50 AM EST
Talaado, September 04, 2012 (HOL) — Xafiiska Itoobiya ku leedahay magaaladda Hargeysa, ayaa war-murtiyeed ay soo saareen ku sheegay geeridii dhowaanta ku Timid Ra’isal wasaarahoodii Meles Zanawi, waxaanay dadweynaha reer Somaliland uga mahadceliyeen sida ay uga xumaadeen geeridii ku timid Ra’isal wasaarahooddii hore ee Meles Zanawi.

9/4/2012 8:34 AM EST
Talaado, September 04, 2012 (HOL) — Murashaxiinta madaxweyne ee gudbiyay araajidooda ayaa waxay tiradoodu maraysaa 31 xubnood, iyadoo aysan ku jirin xubnahaas madaxda dowladda Soomaaliya ee uu waqtigeedu dhammaanayo.

9/4/2012 6:29 AM EST
Talaado, September 04, 2012 (HOL) — Warar dheeraad ah ayaa kasoo baxaya dab khasaare xooggan geystay oo xalay ka kacay dhul howd ah oo ku yaala deegaanno hoos taga degmada Moqokori ee gobolka Hiiraan.

9/4/2012 4:31 AM EST
Talaado, September 04, 2012 (HOL) — Xarakada Al-shabaab ayaa laba ruux oo ay ku sheegeen inay basaasiin u ahaayeen dowladda Soomaaliya iyo AMISOM ku toogtay degmada Baraawe ee gobolka Shabeellada hoose, halkaasoo haatan u ah saldhig weyn kaddib markii ay isaga baxeen degmada Marko toddobaadkii hore.

9/4/2012 4:20 AM EST
Talaado, September 04, 2012 (HOL) — Abaanduulaha ciidamada xoogga dalka, Jen. C/kariin Yuusuf Aadan (Dhego-badan) oo warbaahinta la hadlay ayaa sheegay in ciidamada milateriga iyo saraakiisha hoggaaminayaba aysan wax lug ah ku lahayn siyaasadda socota, ayna la shaqeyn doonaan xukuumaddii timaadda.

9/4/2012 3:50 AM EST
Talaado, September 04, 2012 (HOL) — Wararka laga hellayo deegaannka Moqokori ee gobollka Hiiraan ayaa sheegaya in xalay uu dab xoog leh ka kacay dhul keymo oo ku dhirirsan deegaanno hoos taga Moqokori, kaasoo inta la og-yahay geystay khasaare naf iyo maalba leh.