6/28/2022
Today from Hiiraan Online:  _
Wararka Maanta- Isniin, Sept 24, 2012
Dowladda Soomaaliya oo lagu wareejiyay gargaar bani'aadamnimo oo Dadweynaha Ciraaq ay ugu deeqeen Shacabka Soomaaliyeed
Isniin, September 24, 2012 (HOL) — Dowladda Soomaaliya ayaa la wareejiyay deeq bani'aadamnimo oo shacabka dalka Ciraaq ay ugu deeqeen shacabka Soomaaliyeed, iyadoo markabka waday deeqdan oo culeyskeedu yahay 13,500 tan uu shalay oo Axad ahayd kusoo xirtay dekedda Muqdisho.

Gargaarkan ayaa waxaa la wareegay wasiirka beeraha iyo xannaanada xoolaha, Xuseen Maxamuud Sheekh Xuseen iyadoo ay la socdeen mas'uuliyiin ka tirsan xukuumadda Soomaaliya ee uu warqtigeedu dhammaadka yahay.

"Deeqdan waxaa soo dhiibay shacabka dalka Ciraaq waxayna ugu talogaleen inay ku caawiyaan walaalahooda Soomaaliyeed oo ay doonayaan inay xilli walba garab taagnaadaan," ayuu yiri Qaasmin oo ah kabtanka markabka deeqdan keenay oo laga leeyahay dalka Ciraaq.

Raashinkan gargaarka ah ayaa isugu jira qaybaha kala duwan ee cunnada, waaana markii ugu horreysay oo Ciraaq gargaar noocan oo kale ah soo gaarsiiso Soomaaliya iyadoo la xusuusto in dalkaas ay ka dhaceen dagaallo xilka xukuumaddii dalkaas ka jirtay ee uu horkacayay Sadaam Xuseen oo ugu dambeyn lagu daldalay Baqdaad.

Sidoo kale, wasiirka beeraha ayaa kormeer ku tagay qaybaha ay ka kooban tahay dekedda Muqdisho, isagoo warbixinno ka dhageystay maamulka dekedda iyo xubno ka tirsan wasaaradda gaadiidka gaadiidka, cirka dhulka iyo dekedaha Soomaaliya.

“Mudane dekedda wax badan ayaa iska bedelay sidii ay ahayd, maanta waa mid ka wanaagsan sidii hore, inkastoo bad xiranka hadda laga baxayo dhaqaalahana uu soo wanaagsanaan doono, iyadoo dekeddu ay tahay isha ugu weyn ee ay dowladda Soomaaliya ka hesho dhaqaalaha,” ayuu yiri maareeyaha dekedda Muqdisho.

Wasiirka Maaliyadda oo isaguna meesha ka hadlay ayaa sheegay in wax laga bedeli doono qaabka canshuuraha looga qaado ganacsatada Soomaaliyeed, iyadoona lagu qaadi jiray canshuura qaab macmiil ah, balse ay hadda kaddib wasaaraddu sameyn doonto qaab canshuuraha lagu qaado.

Ugu dambeyn, wasiirka beeraha ayaa ugu baaqay ganacsatada inay canshuuraha bixiyaan si amaanka dalka loo adkeeyo isla markaana ay ka qeyb-qaataan dhisidda dalka. Isagoo xusay in canshuurta oo la bixiyo ay muhiimad gaar ah u leedahay sidii ay ciidamada dowladdu u heli lahaayeen mushaaraadkooda.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/24/2012 11:20 AM EST
Isniin, September 24, 2012(HOL): 20-kii bishan waxaa Muqdisho ka dhacay labo qorax oo geystay khasaare aad u faro badan, waxaana qaraxyadaas ku dhintay dad badan oo ay ku jireen wariyayaal caan ah oo ka howl-gelayay TV-ga Qaranka iyo Idaacado Muqdisho ka howlagala, sidoo kalena waxaa ku dhaawacmay dad aad u badan oo sidoo kalena ay wariyayaal ka mid ahaayeen.

9/24/2012 7:03 AM EST
Isniin, September 24, 2012 (HOL) — Golaha Wakiiladda Somaliland,ayaa dood adag ka yeeshay xeerka guddida maamul-wanaagga iyo la dagaalanka musuqmaasuqu ay ku shaqayn lahaayeen.

9/24/2012 6:55 AM EST
Isniin, September 24, 2012 (HOL) — Xildhibaannada baarlamaanka Soomaaliya oo maanta kulan ku yeeshay Muqdisho ayaa waxay kaga hadleen waxyaabihii tan iyo markii la dhisay u qabsoomay, iyadoo sidoo kale la dhaariyay maanta labadii mudane ee ugu dambeeyay baarlamaanka, kuwaasoo buuxiyay kuraasta baarlamaanka.

9/24/2012 6:54 AM EST
Isniin, September 24, 2012 (HOL) — Kulan looga hadlayay qaabka lagu badbaadin karo amaba looga hortegi karo boobka kooxda loo geysto raashinka gargaarka ah ee loogu talogalay dadka dhibaateysan ayaa ka dhacay Magaalada Muqdisho, kaasoo ay soo agaasiintay hay'adda CCD.

9/24/2012 6:30 AM EST
Isniin, September 24, 2012 (HOL) — Ugu yaraan laba askari oo ka tirsan ciidamada dowladda Soomaaliya ayaa ku dhintay iskahorimaad ka dhacay deegaanka Lafoole ee gobolka Shabeellada hoose, kaasoo u dhexeeyay ciidammo dowladda kawada tirsan.

9/24/2012 3:05 AM EST
Isniin, September 24, 2012 (HOL) — Xildhibaannada baarlamaanka Soomaaliya ayaa kulan ku yeelanaya maanta xarunta golaha shacabka ee Muqdisho, kaasoo aan la ogeyn ajandayaasha ay uga hadli doonaan.

9/24/2012 2:42 AM EST
Isniin, September 24, 2012 (HOL) — Dowladda Itoobiya ayaa qorsheysanaysa inay dalka Soomaaliya u soo dirto kumannaan askari oo ay ku xoojinayso ciidamadii kaga sugnaa Soomaaliya si ay gacan uga siiyaan dowladda Soomaaliya dadaalka ay nabadda dalka kusoo celinayso.

9/24/2012 2:31 AM EST
Isniin, September 24, 2012 (HOL) — Ra'iisul wasaaraha Soomaaliya ee waqtigiisu dhammaadka yahay, C/weli Maxamed Cali ayaa xarunta Qaramada Midoobay ay ku leedahay magaalada New York ee dalka Mareykanka, isagoo Soomaaliya ku matalaya shirkaas.

9/24/2012 2:19 AM EST
Isniin, September 24, 2012 (HOL) — Ciidamada Kenya ee qaybta ka ah howgalka Midowga Afrika ee AMISOM ayaa shacab Soomaaliyeed oo xoolo dhaqato ah ku laayay deegaanka Janaay-Cabdala oo ka tirsan gobolka Jubbada Hoose, sida uu saxaafadda u xaqiijiyay afhayeenka ciidamada dowladda ee Jubbooyinka, Col. Aadan Axmed Xirsi (Rufle).