6/27/2022
Today from Hiiraan Online:  _
Wararka Maanta- Isniin, Sept 24, 2012
Itoobiya oo Qorsheynaysa inay kordhiso Ciidamadeeda ku sugan si taageero u siiyaan dowladda Federaalka Soomaaliya
Isniin, September 24, 2012 (HOL) — Dowladda Itoobiya ayaa qorsheysanaysa inay dalka Soomaaliya u soo dirto kumannaan askari oo ay ku xoojinayso ciidamadii kaga sugnaa Soomaaliya si ay gacan uga siiyaan dowladda Soomaaliya dadaalka ay nabadda dalka kusoo celinayso.

Ilo wareedyo hoose oo ay heshay HOL ayaa sheegaya in xukuumadda Itoobiya ay waddo qorshe ay ku doonayso inay ciidamadeedu ku dhaqaaqaan deegaanno kale oo ka tirsan Soomaaliya, iyagoo horay ugu sugnaa degmooyin iyo deegaanno ay kala wareegeen xoogagga Al-shabaab.

Ciidamada Itoobiya ayaa waxay ku sugan yihiin gobollada ku yaala xuduudda ay labada dal wadaagaan, kuwaasoo ay ka mid yihiin: Galguduud, Hiiraan, Bay, Bakool iyo Gedo, iyagoo deegaannada kula dagaalamayay Al-shabaab tan iyo dhammaadkii sannadkii hore.

Ra'iisul wasaaraha cusub ee Itoobiya, Haile Mariam Desaleng oo xilka loo dhaariyay toddobadkii hore ayaa sheegay inay ka go'an tahay inay caawiyaan Soomaaliya tan iyo inta ay dalkooda uga soo celinayaan ammaanka iyo kala dambeynta.

Desaleng ayaa kulan uu Muqdisho kula yeeshay bartamihii bishan madaxweynaha Soomaaliya, Xasan Sheekh Maxamuud oo la caleemo saaray ayaa u ballanqaaday inay xukuumaddiisu gacan ka geysan doono xasilinta dalka.

Ciidamada Itoobiya ee ku sugan gudaha Soomaaliya ayaa tiradooda lagu sheegay inay ka badan yihiin 20,000 oo askari oo wata qalab dagaal oo ay ka mid yihiin taangiyo, iyadoo aan la ogeyn tirada rasmiga ah ee lagu kordhinayo ciidamadaas horay u joogay.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/24/2012 11:20 AM EST
Isniin, September 24, 2012(HOL): 20-kii bishan waxaa Muqdisho ka dhacay labo qorax oo geystay khasaare aad u faro badan, waxaana qaraxyadaas ku dhintay dad badan oo ay ku jireen wariyayaal caan ah oo ka howl-gelayay TV-ga Qaranka iyo Idaacado Muqdisho ka howlagala, sidoo kalena waxaa ku dhaawacmay dad aad u badan oo sidoo kalena ay wariyayaal ka mid ahaayeen.

9/24/2012 7:03 AM EST
Isniin, September 24, 2012 (HOL) — Golaha Wakiiladda Somaliland,ayaa dood adag ka yeeshay xeerka guddida maamul-wanaagga iyo la dagaalanka musuqmaasuqu ay ku shaqayn lahaayeen.

9/24/2012 6:55 AM EST
Isniin, September 24, 2012 (HOL) — Xildhibaannada baarlamaanka Soomaaliya oo maanta kulan ku yeeshay Muqdisho ayaa waxay kaga hadleen waxyaabihii tan iyo markii la dhisay u qabsoomay, iyadoo sidoo kale la dhaariyay maanta labadii mudane ee ugu dambeeyay baarlamaanka, kuwaasoo buuxiyay kuraasta baarlamaanka.

9/24/2012 6:54 AM EST
Isniin, September 24, 2012 (HOL) — Kulan looga hadlayay qaabka lagu badbaadin karo amaba looga hortegi karo boobka kooxda loo geysto raashinka gargaarka ah ee loogu talogalay dadka dhibaateysan ayaa ka dhacay Magaalada Muqdisho, kaasoo ay soo agaasiintay hay'adda CCD.

9/24/2012 6:30 AM EST
Isniin, September 24, 2012 (HOL) — Ugu yaraan laba askari oo ka tirsan ciidamada dowladda Soomaaliya ayaa ku dhintay iskahorimaad ka dhacay deegaanka Lafoole ee gobolka Shabeellada hoose, kaasoo u dhexeeyay ciidammo dowladda kawada tirsan.

9/24/2012 3:05 AM EST
Isniin, September 24, 2012 (HOL) — Xildhibaannada baarlamaanka Soomaaliya ayaa kulan ku yeelanaya maanta xarunta golaha shacabka ee Muqdisho, kaasoo aan la ogeyn ajandayaasha ay uga hadli doonaan.

9/24/2012 2:59 AM EST
Isniin, September 24, 2012 (HOL) — Dowladda Soomaaliya ayaa la wareejiyay deeq bani'aadamnimo oo shacabka dalka Ciraaq ay ugu deeqeen shacabka Soomaaliyeed, iyadoo markabka waday deeqdan oo culeyskeedu yahay 13,500 tan uu shalay oo Axad ahayd kusoo xirtay dekedda Muqdisho.

9/24/2012 2:31 AM EST
Isniin, September 24, 2012 (HOL) — Ra'iisul wasaaraha Soomaaliya ee waqtigiisu dhammaadka yahay, C/weli Maxamed Cali ayaa xarunta Qaramada Midoobay ay ku leedahay magaalada New York ee dalka Mareykanka, isagoo Soomaaliya ku matalaya shirkaas.

9/24/2012 2:19 AM EST
Isniin, September 24, 2012 (HOL) — Ciidamada Kenya ee qaybta ka ah howgalka Midowga Afrika ee AMISOM ayaa shacab Soomaaliyeed oo xoolo dhaqato ah ku laayay deegaanka Janaay-Cabdala oo ka tirsan gobolka Jubbada Hoose, sida uu saxaafadda u xaqiijiyay afhayeenka ciidamada dowladda ee Jubbooyinka, Col. Aadan Axmed Xirsi (Rufle).