3/28/2024
Today from Hiiraan Online:  _
Wararka Maanta- Axad, Sept 2 , 2012
Xaflad lagu gunaanadayay Tartankii Xiddigaha Kubadda Koleyga oo Muqdisho lagu qabtay (SAWIRRO)

 
A
xad, September 2, 2012(HOL):-Xaflad heer sare ah oo uu soo agaasimay Xiriirka Soomaaliyeed ee Kubadda Koleyga ayaa lagu gunaanaday Tartankii Xiddigaha Kubadda Koleyga ee 2012, iyadoo ay ka soo qeybgaleen mas`uuliyiin kala duwan oo ka socday dhinacyada Olombikada, Maamulka gobolka banaadir iyo Xawaaladda Juba Express oo dhanka Maalgelinta qeyb weyn ka qaadatay.

 

Xafladda gunaanadka Tartankan  ayaa ugu horreyn waxaa ka hadlay Cabdi Cabdulle Baasaale oo ah Kusimaha Xoghayaha XSKK oo ka warbixiyay qaabka uu tartanka u dhacay iyo qorshaha xigga ee tartamada u qorsheysan xiriirka.

 

Sidoo Guddoomiyaha Xiriirka Soomaaliyeed ee Kubadda Kolayga Ibraahim Xuseen Cali (Roombo) ayaa ku daray inuu si qurux badan ku soo idlaaday tartankan,  isagoo sidoo kale xusay inuu qeyb weyn ka qaatay isdhexgalka bulshada.

 

“Tartankan waxaan ku qabanay labo garoon oo degmooyin kala fog ah, waad aragteen sidoo galab walba loo soo buux-dhaafinayay, waxaan dhihi karnaa wuxuu ahaa Tartan qeyb weyn ka qaatay si dhab ah isdhexgalka bulshada waana taas ujeedada ugu weyn ee Isboortiga laga dhaxlayo” ayuu yiri Guddoomiye Roombo oo ku daray inuu aad ugu mahadcelinayo madaxda degmooyinkii lagu qabtay ciyaaraha iyo Xawaaladda Juba Express oo uu ku tilmaamay dhiirigeliye Isboorti oo Taariikhdu xusi doonto.

 


Dhankooda waxaa hadalo qiimo leh ka soo jeediyay mas`uuliyiinta kala ah Agaasimaha Isboortiga Gobolka Banaadir Aweys Sheekh Maye (Walker), Kusimaha Kaaliyaha Xoghayaha Guud ahna Guddoomiyaha XSKG Maxamed Xuurshe Xasan (Eenoow), Xubin Guddiga fulinta GOS ahna Guddoomiyaha XSF Xaaji Axmed Maxamed Coloow, Guddoomiyaha Degmada Xamar Jajab Maxamed Cali Axmed iyo Barliin Caddaawe oo ka mid ah Guddiga Haweenka K/Koleyga ee Qurbajoogta – waxay dhamaan ka dhawaajiyeen in Isboortiga Soomaaliyeed mudan yahay in loo huro naf iyo maal si jiilka soo koraaya ay u noqdaan kuwo ku faana horumar isboorti oo horukac leh.

 

Madaxa Xawaaladda Juba Express ee Koonfurta Soomaaliya  C/qaadir Cali Siyaad [Joolaal] ayaa muujiyay sida ay ugu faraxsan yahiin ka qeybqaadashada Tartankii Xiddigaha K/Koleyga 2012, wuxuuna tibaaxay inay mar walba garab istaagi doonaan horumarinta Isboortiga Soomaaliyeed.

 


Ugu dambeyn waxaa halkaasi lagu bixiyay abaalmarinadii tartanka, Koobka kaalinta 1aad waxaa lagu guddoonsiiyay Global Hotel, Kaalinta 2aad Jazeera Hotel Plaza Iyo ciyaaryahanada Cali Maxamed Aadan (Baraawiini) oo hantay Gool dhallinta, C/risaaq Axmed Dable [Mandela] tuurashada saddexda (3 Points), Maxamed  Yuusuf Maxamed oo ku guuleystay Ciyaar Wanaag iyo Shahaado sharafyo la guddoonsiiyay qeybihii sida weyn uga qeybqaaday habsami u socodkii tartanka Xiddigaha K/Koleyga 2012.







 

Said Ibrahim Hussein (BUUNA)

Email:[email protected]

Muqdisho, Soomaaliya













Click here
9/3/2012 3:03 AM EST
Axad, September 02, 2012 (HOL) — Hay’adda cilmi-barista iyo wada-tashiga CRD ayaa shalay qalab faneed noocyadiisa kala duwan oo ay ku jiraan qaar casri ah waxay guddoonsiisay kooxda fanaaaniinta Horseed ee ciidamada qalabka sida.

9/2/2012 10:33 PM EST
Axad, September 02, 2012 (HOL) - Ciyaaraha Xageyga ee sanadwalba lagu qabto dalkan Britain gaar ahaan magalada London ayaa maanta la soo gabagabeeyey, iyadoo ay ka qeybqaateen 16 kooxood oo kakala yimid london, Manchester, Birmigham & Leicster.

9/2/2012 2:20 PM EST
Axad, September 2, 2012(HOL): Golaha wakiilada ee Puntland ayaa maanta waxaa u furmay fadhi aan caadi ahayn, kaas oo ajendihiisa ugu weyni uu yahay sidii dib loogu eegi lahaa xeerka axsaabta siyaasadda oo ay todobaadyo kahor baarlamaanku cod aqlabiyad leh kumeel mariyeen.

9/2/2012 2:19 PM EST
Axad, September 2, 2012(HOL): Maxkamadda ciidamada qalabka sida ee Puntland laanteeda gobolka Nugaal, ayaa maanta xukuntay saraakiil ka tirsanaa Booliska oo lagu soo eedeeyey denbi ah in ay ka dhego adeygeen soo wareejinta hub tira badan oo ay hayaan.

9/2/2012 9:39 AM EST
Axad, September 02, 2012 (HOL) — Xildhibaannada baarlamaanka Soomaaliya ayaa waxay dood adag ka yeesheen maanta qodobka dhigayay in murashaxu uu kalsooni ka haysto laabatan xildhibaan, iyadoo xildhibaanadu ay aad uga doodeen qodobkan.

9/2/2012 8:19 AM EST
Axad, September 02, 2012 (HOL) — Maxkamadda Sare ee Somaliland, ayaa go’aamisay in ururadii qiimeynta ku hadhay aanay buuxin shuruudihii laga rabay ururadda siyaasadda ee ka qaybgalaya tartanka doorashooyinka golaha deegaanka ee la filayo inay dhowaan dalka ka dhacdo.

9/2/2012 7:41 AM EST
Axad, September 02, 2012 (HOL) — Ra'iisul wasaarihii hore ee dalka Itoobiya, Meles Zenawi ayaa maanta oo Axad ah kaniisad ku taalla magaalada Addis Ababa ee dalka Itoobiya, halkaasoo ay ku aasan yihiin xubno uu ka mid yahay boqorkii hore ee Itoobiya, Hayle Salaase.

9/2/2012 7:41 AM EST
Axad, September 02, 2012 (HOL) — Saraakiisha nabad-galyada maamulka gobolllka Hiiraan ayaa wada hadal kadib sheegay in ay ugu danbeytii isku afgarteen in si ku-meel-gaar ah loo joojiyo lacago canshuur ah oo laga qaadi jiray ganacsatada ku dhaqan magaalada Baladweyne.

9/2/2012 7:04 AM EST
Axad, September 02, 2012 (HOL) — Burcadbadeedda Soomaalida ayaa toogasho ku dilay nin u dhashay dalka Siiriya oo ka mid ahaa shaqaale la socday markab ay laba sano afduub u haysteen, waxayna dhaawaceen mid kale oo shaqaalaha markabka ka mid ah.

9/2/2012 5:35 AM EST
Axad, September 02, 2012 (HOL) —Mudanayaasha Golaha Wakiilada Somaliland, ayaa laalay in lagu daro ajandaha kalfadhiga 19aad ee golaha wakiiladda kootadda kuraasta ah ee haweenka iyo beelaha laga tirada badan yahay laga siin lahaa baarlamaanka.

9/2/2012 4:46 AM EST
Axad, September 02, 2012 (HOL) — Tabarkan oo socday muddo afar bilood ah ayaa waxaa soo qaban-qaabiyey shirkadda isgaarsiinta Hormuud oo ka mid ah shirkadaha ka howgala dalka, waxaana tababarkan ka faa'iideystay 12 haween ah oo ka kala yimid gobollada dalka.

9/2/2012 4:05 AM EST
Axad, September 02, 2012 (HOL) — Taliska AMISOM ayaa sheegay inay gacanta ku dhigeen ciidamadooda deegaanka Miido ee gobolka Jubbada hoose oo 25-km u jirta degmada Afmadow halkaasoo ay ka dhaceen dagaallo xooggan labadii maalmood ee lasoo dhaafay, waxaana AMISOM ay sheegtay inay ku waayeen dagaalkaas shan ka mid ah askartooda.

9/2/2012 4:04 AM EST
Axad, September 02, 2012 (HOL) — Maraakiib dagaal ayaa xalay fiidkii duqeymo ka geeystay magaalada Kismaayo ee xarunta gobolka Jubbada hoose, kuwaasoo ku dhacay qayhbo ka tirsan Kismaayo, waxaana mas'uuliyadda duqaeyntan sheegtay ciidamada AMISOM.