6/28/2022
Today from Hiiraan Online:  _
Wararka Maanta- Arbaco, Sept 19, 2012
Madaxweynaha Soomaaliya oo kulan la qaatay Xildhibaannada Baarlamaanka Somalia iyo Murashaxiintii xilka kula Tartamay
Arbaco, September 19, 2012 (HOL) — Madaxweynaha Soomaaliya, Xasan Sheekh Maxamuud ayaa xalay kulan kula yeeshay xarunta madaxtooyada xildhibaannada baarlamanka federalka Soomaaliya iyo murashaxiintii xilka madaxweynenimo kula tartamay.

Kulankan ayuu madaxweynuhu ugu mahad-celiyay xildhibaannada baarlamaanka, gaar ahaan kaalintii ay ka qaateen doorashooyinkii madaxtinimada dalka, waxaana kulanka goobjoog ka ahaa guddoonka sare ee baarlamaanka oo uu ugu horreeyo afhayeenka baarlamaanka, Maxamed Sheekh Cismaan Jawaari.

"Xildhibaannadu waxay diyaar u yihiin shaqo-wanaag iyo inay dalka u horseedaan isticmaalka awoodaha sharciga oo aan xad-gudub lahayn, waxaan sidoo kale diyaar u nahay inaan wadashaqeyn buuxda iyo xasillooni siyaasadeed abuurno, si afarta sano ee soo socota aan dalka ugu wareejinno gacanta mas’uuliyiin ay shacabku soo doorteen, waana mid naga go'an inaan arrintaas ka dhabeyno,’’ ayuu yiri Jawaari.

Kulankan ayaa noqonaya kii ugu horreeyay oo ay yeeshaan xubnaha baarlamaanka iyo madaxweynaha cusub ee Soomaaliya oo xilkan loo doortay 10-kii bishan, lana caleemo saaray isla 16-kii bishan.

"Waxaan doonayaa inaan caawa baarlamaanka ugu hamblayeeyo waxqabadkoodii wanagsanaa iyo dulqaadka ay muujiyeen intii doorashooyinku socdeen, waxaana leeyahay mudanayaal aad iyo aad ayaad ugu mahadsan tihiin dadaalkiinii; mirihiisiina waa lahayaa," ayuu madaxweynuhu ku yiri mudanayaashii uu la kulmay.

Isagoo hadalkiisa sii wata ayuu yiri: "Sidoo kale u mahadcelinayaa walaalaheygii tartanka igala qaybgalay oo iyaguna si weyn iigu hambalyeeyay isla markaana ii ballan-qaaday inay ila shaqeyn doonaan; iyagoo aan wax gooni ah iga rabin,.’

Ugu dambeyn, madaxweynaha Soomaaliya wuxuu sheegay in mudnaanta koowaad uu siin doono sugidda ammaanka, iyadoo ay ku dhinac socoto dhismaha dowladda oo hadda uu ku howlan yahay wadatashi ku aadan sidii uu u soo magaacaabi lahaa ra'iisul wasaare cusub oo soo dhisa dowlad tayo leh oo shacabka u horseedda horumar iyo barwaaqo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/19/2012 12:40 PM EST
Arbaco, September 19, 2012(HOL):Waxaa magaalada Xaafuun ee dalka Gobolka Bari lagu xiray Fannaanka Khaalid Abuukar Cadaani (Super Khaalid) iyo Bashiir Mursal Ciise oo la dhashay Fannaanadda Maryan Mursal Ciise, iyagoo haatanna ku jira xabsi ku yaallada degmadaas.

9/19/2012 9:20 AM EST
Arbaco, September 19, 2012 (HOL) — Golaha ammaanka ee Qaramada Midoobay ayaa sheegay inay si dhow ula shaqeynayaan hay'adaha cusub ee dowladda Soomaaliya iyo xafiisyada xukuumadda, waxayna ku dhiirrigeliyeen madaxweynaha cusub, Xasan Sheekh Maxamuud inuu soo dhiso xukuumad loo dhan yahay lalana xisaabtami karo.

9/19/2012 9:19 AM EST
Arbaco, September 19, 2012 (HOL) — Tartan kubada cagta ah oo lagu maamuusayo wax qabadkii Alle ha u naxariistee Eng Cali Xaaji Shirwac ayaa si rasmi ah uga furmay garoonka kubada cagta Cawaale ee degmada Gaalkacyo.

9/19/2012 9:12 AM EST
Arbaco, September 19, 2012 (HOL) — Qunsulkii safaaradda Soomaaliya ee dalka Kenya, Maxamed Cismaan Adan (Edson) ayaa maanta lagu aasay magaalada Nairobi ee dalka Kenya, kaddib markii uu xalay ku geeriyooday isbitaal ku yaalla magaalada Nairobi.

9/19/2012 8:25 AM EST
Arbaco, September 19, 2012 (HOL) — Magaalada Boosaaso ee xarunta gobolka Bari waxaa maanta ka dhacay kulan balaaran oo ay isugu yimaadeen cuqaasha iyo waxgaradka 4 degmo oo ka kala tirsan gobolada Bari iyo Karkaar, kuwaas oo kala ah: Baargaal, Waaciye, Ufeyn iyo Rako.

9/19/2012 8:17 AM EST
Arbaco, September 19, 2012 (HOL) — Qurbo-joogta beesha Xawaadle ayaa gef ku tilmaamay hadallo ay warbaahinta siiyeen shaqsiyaad beesha ka tirsan, kuwaasoo eedeyn ugu soo jeediyeen Ugaaska beesha, Ugaas C/raxmaan Ugaas Khaliif Ugaas Rooble.

9/19/2012 6:30 AM EST
Arbaco, September 19, 2012 (HOL) — Dadka ku dhaqan magaalada Kismaayo ayaa saaka ku waabariistay ciidamo aad u tiro badan iyo gaadiidka nooca dagaalka oo soo oo gaafwareegaya wadooyinka magaalada, waxaana sidoo kale magaalada soo gaaray masuuliyiin sar sare oo katirsan xarakada Al-shabaab.

9/19/2012 6:28 AM EST
Arbaco, September 19, 2012 (HOL) — Mas’uuliyiin ka tirsan maamulka gobolka Galguduud, odayaal iyo waxgarad ka soo jeeda gobollka ayaa siweyn ugu howlan joojinta colaad u dhaxeeya labo beelood oo wada-dega gobolkaas.

9/19/2012 3:56 AM EST
Arbaco, September 19, 2012 (HOL) — Afhayeenka Xarakada Al-Shabaab, Sheekh Cali Maxamuud Raage (Sheekh Cali Dheere) oo shir jaraa'id qabtay ayaa sheegay in ka bixitaanka magaalada Kismaayo uu ka horreeyo dhiig badan oo daata, xilli ay ka jirto magaaladaas cabsi weyn dadkuna ay ka barakacayaan.

9/19/2012 3:35 AM EST
Arbaco, September 19, 2012 (HOL) — Kooxo hubeysan ayaa xalay degmada Afgooye ee gobolka Shabeellada hoose ku toogtay mid ka mid ah askarta ciidamada dowladda Soomaaliya ee halkaas ku sugan, iyadoo saakayna laga maqlay qaraxyo waaweyn.

9/19/2012 3:11 AM EST
Arbaco, September 19, 2012 (HOL) — Wasiirka arrimaha dibadda ee Kenya, Sam Ongeri ayaa iska diiday in qaraxii ismiidaaminta ahaa ee toddobaadkii hore lagu weeraray hoteel uu deggenaa madaxweynaha cusub ee Soomaaliya uu ku eedeeyay madaxweynihii hore ee Soomaaliya, Shariif Sheekh Axmed.