6/28/2022
Today from Hiiraan Online:  _
Wararka Maanta- Talaado, Sept 18, 2012
Madaxweynihii hore ee Soomaaliya Shariif Sheekh oo iska fogeeyay eedeyn uu u soo jeediyay Wasiirka Arrimaha dibadda Kenya
Talaado, September 18, 2012 (HOL) — Madaxweynihii hore ee Soomaaliya, Shariif Sheekh Axmed ayaa iska fogeeyay hadal kasoo yeeray wasiirka arrimaha dibadda ee dalka Kenya, Sam Ongeri oo ahaa in Shariif uu ku lug lahaa qarax lagu weeraray hoteel uu magaaladaas ka deggenaa madaxweynaha Soomaaliya toddobaadkii hore.

Shariif Sheekh ayaa shir jaraa'id oo uu Muqdisho ku qabtay ku sheegay inuu horay dacwad ku saabsan in Kenya aysan dhexdhexaad ka ahayn arrimaha Soomaaliya u gudbiyay beesha caalamka, taasna ay tahay sababta keentay in eedeyntan loosoo jeediyo.

"Waan ka weynay inaan madaxda Soomaaliyeed dilo ama u qorsheeyo fal lagu dilayo iyo weliba dhibaateynta qof Soomaali ah. Marka fal noocan oo kale ah uu dhaco waajibka is saaran wuxuu ahaa inaan u gurmado oo aan kasoo saaro halkaas taas ayaana sameeyay," ayuu yiri Shariif Sheekh oo intaas raaciyay in weerarkaas ay sheegatay Al-shabaab sabab isaga loogu soo leexiyana aysan jirin.

Madaxweynihii hore wuxuu shirkiisa jaraa'id ku sheegay in dowladda Kenya aysan ka ahayn dhexdhexaad doorashadii madaxnimo ee Soomaaliya, ayna waddeen ololayaal ay isaga kaga soo horjeedaan, dacwad taas la xiriirtana uu u gudbiyay dallaka ka tirsan kuwa calaamka.

"Intii ay doorashooyinku Kenya  waxay wadday dhaqdhaqaaqyo ay aniga iiga soo horjeeddo, dowlado badan ayaana gaarsiinnay arrintaas, markii ay farriintu u tagtay ayuu wasiirka arrimaha dibadda ila soo xiriiray waxaana u sheegay inay meel dhexe ka istaagaan doorashooyinka socda," ayuu Shariif Sheekh, isagoo sheegay inaysan jirin dhaqaale uu weydiistay, sidoo kalena uusan garanayn waxay ku caawin kareen.

Sidoo kale, madaxweynihii hore wuxuu hadalkiisa kasoo baxay wasiirka arrimaha dibadda ee Kenya ku tilmaamay mid ka baxsan dublamaasiyadda isagoo xusay inuu yahay hadal laga xishoodo, in laga jawaabana ay lagama maarmaan tahay.

Hadalkan ayaa wuxuu noqonayaa kii ugu horreeyay oo uu madaxweynihii hore ee Soomaaliya siiyo saxaafadda tan iyo markii uu xilka madaxweynenimo ee Soomaaliya uu si rasmi ah u wareejiyay Axaddii lasoo dhaafay.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/18/2012 11:46 AM EST
Talaado, September 18, 2012(HOL): Madaxweynaha Jamhuuriyadda Federaalka ah ee Soomaaliya mudane Xasan Sheekh Maxamuud ayaa maanta xafiiskiisa ku qaabilay wasiirka horumarinta xiriirka caalamiga ah ee dalka Sweden Gunilla Carlsson iyo xiriiriyaha arrimaha bani’aadamnimada ee Qaramada Midoobay Mark Bowden.

9/18/2012 9:55 AM EST
Talaado, September 18, 2012 (HOL) — Taliska AMISOM ayaa sheegay maanta in ciidammo booliis ah oo ka soda dalka Nayjeeriya oo isugu jira rag iyo dumar ay kusoo biireen howlgalka Midowga Afrika ee ka socda Muqdisho, kuwaasoo ku biiri doona booliis horay ugu sugnaa Muqdisho oo ka socda dalka Uganda.

9/18/2012 8:40 AM EST
Talaado, September 18, 2012 (HOL) — Saraakiisha milateriga Kenya ayaa sheegay maanta oo Talaado ah in ciidamadooda iyo kuwa dowladda Soomaaliya ay qarka u saaran yihiin magaalo xeebeedda Kismaayo ee gobolka Jubbada hoose, hakaasoo ay kumannaan qof oo ku noolaa ka barakacayaan.

9/18/2012 7:54 AM EST
Talaado, September 18, 2012 (HOL) — Ugu yaraan hal qof ayaa ku dhintay saddex kalena way ku dhaawacmeen iska-horimaad ciidammo kawada tirsan dowladda Soomaaliya ku dhexmaray maanta oo Salaaso ah inta u dhexeysa isgoyska KM-4 iyo Tarabuunka.

9/18/2012 7:06 AM EST
Talaado, September 18, 2012 (HOL) — Ururada bulshada rayidka Banaadir ayaa kulan ay maanta ku yeesheen Muqdisho waxay kaga hadleen sidii gargaar bani'aadanimada lagu gaarsiin lahaa deegaannada Al-shabaab laga saaray iyo sidii looga hortegi lahaa in gargaarkaas la leexsado.

9/18/2012 6:39 AM EST
Talaado, September 18, 2012 (HOL) — Xilli maalmihii ugu danbeeyay ay xiisado dagaal ka taagnaayeen qeybo katirsan gobollada Jubooyinka ayaa magaalada Kismaayo laga dareemayaa jawi kacsanaan iyo barakac xooggan.

9/18/2012 3:09 AM EST
Talaado, September 18, 2012 (HOL) — Maamul goboleedka Puntland ayaa ka digay in loo magacaabo ra'iisul wasaaraha cusub ee Soomaaliya mas'uul horay uga soo mid noqday xukuumadihii dalka soo maray, iyagoo ku taliyeen in lasoo magacaabo ruux cusub oo aan kasoo mid noqon xukuumadihii hore.

9/18/2012 3:00 AM EST
Talaado, September 18, 2012 (HOL) — Xukuumadda Somaliland, ayaa soo dhaweysay hadalkii uu ka yidhi Madaxweynaha Cusub ee Somalia wada hadaladda Somaliland iyo Somalia dhexmari doona.