6/28/2022
Today from Hiiraan Online:  _
Wararka Maanta- Isniin, Sept 17, 2012
AMISOM oo raalli-gelin ka bixisay shil uu mid ka mid ah gaadiidkeeda ciidamada uu ku dilay wiil dhallinyaro oo ah Soomaaliyeed

Isniin, September 17, 2012 (HOL) — Taliyaha ciidamada Midowga Afria ee AMISOM, Jen. Adrew Gutti ayaa raalli-gelin ka bixiyay shil uu mid ka mid ah gaadiidkooda ku dilay wiil dhallinyaro ah shalay oo Axad ahayd, xilli ay socotay munaasabad lagu caleemo-saarayay madaxweynaha Soomaaliya, Xasan Sheekh Maxamuud.

Jen. Gutti ayaa sheegay in AMISOM ay markii uu shilku dhacayba ay la xiriirtay booliiska Soomaaliya ayna ku wargeliyeen in gaadiidkooda mid ka mid ah uu dilay wiilka oo magaciisa lagu sheegay Cali Maxamuud Goobdoon.

"Waan ka xunnahay shilkan dhacay. Waxaana qoyska uu ka baxay u diraynaa tacsi," ayuu yiri Jen. Gutti, iyadoo goobjoogayaal ku suganaa haka uu shilku ka dhacay ay sheegeen in gaarigu uu wiilka Soomaaliyeed ka maray madaxa iyo dhabarka.

Darawalkii waday gaariga shilka geystay ayaa la sheegay inuu argagaxay markii uu shilku dhacay, waxaana AMISOM ay sheegtay in baaritaan lagu sameynayo sida uu ku dhacay shilkan uu naftiisa ku waayay wiilka Soomaaliga ah.

"Inkastoo ay dhib badan tahay in gaadiidka waaweyn ay dhexmaraan Muqdisho, haddana aad u yar shilalka dhaca," ayuu yiri Jen. Gutti oo hadalkiisa inay dadka jidadka waaweyn goynaya ay kula talinayaan inay si taxadar badan muujiyaan.

Ma ahan markii ugu horreysay oo gaadiidka AMISOM ay dad shacab ah ku jiiraan Muqdisho, sidoo kalena ay askartoodu toogasho ku dilaan dad shacab ah, balse inta badan saraakiisha AMISOM way ka hadlaan shilalkan oo kale, iyagoo sheega in baaris lagu sameynayo sidii ay u dhaceen.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/17/2012 11:53 AM EST
Isniin, September , 17, 2012 (HOL)- Madaxweynaha Somaliland Axmed Maxamed Maxamuud (Siilaanyo) ayaa dhagax dhigay mashruuc balaadhan oo loo dhisayo xarun lagu daryeelayo Caruurta agoomaha ee Somaliland.

9/17/2012 11:52 AM EST
Isniin, September , 17, 2012 (HOL)- Xarunta madaxtooyada ee magaalada Garoowe waxaa maanta lagu dhaariyey xubno cusub oo dhowaan uu madaxweyne Cabdiraxmaan Maxamed Faroole kusoo daray golaha wasiirada. Mas’uuliyiintan oo ay tiradoodu 6 tahay ayaa isugu jira 2 wasiir iyo 4 wasiir ku-xigeen.

9/17/2012 11:51 AM EST
Isniin, September , 17, 2012 (HOL)- Taliska ciidamada Booliska ee Puntland ayaa ka warbixiyey sida uu xiligan yahay ammaanka magaalada Gaalkacayo ee xarunta gobolka Mudug.

9/17/2012 4:55 AM EST
Isniin, September 17, 2012 (HOL) — Ciidamada dowladda Soomaaliya oo garab ka helaya kuwa Kenya ayaa shalay gelinkii danbe la wareegay deegaanka Birta Dheer oo qiyaastii 60-km u jira magaalada Kismaayo kadib dagaallo faraha looga gubtay oo ay Al-shabaab kula galeen inta u dhexeysa deegaanada Birta Dheer Qalaawile ee gobolka Jubbada Hoose.

9/17/2012 3:33 AM EST
Isniin, September 17, 2012 (HOL) — Gabar Soomaali ah oo lahayd uur sagaal bilood ah ayaa lagu dilay magaalada Port Elezaberth ee dalka Koonfur Africa kaddib markii kooxo huubeysan ay u galeen guriga ay ka degenayd magaaladaas.

9/17/2012 3:31 AM EST
Isniin, September 17, 2012 (HOL) — Kooxo bastoolado ku hubeysan ayaa xalay ku dilay degmada Shibbis ee gobolka Banaadir wiil dhalinyaro ah oo lagu magacaabi jiray, Zakariye Maxamed Maxamuud kaddib markii ay ku weerareen maqaayad uu ka casheynayay.

9/17/2012 2:51 AM EST
Isniin, September 17, 2012 (HOL) — Ugu yaraan 40-qof oo dhinacyadii dagaalamay ah ayaa ku dhintay dagaallo culus oo ka dhacay deegaanno u dhexeeya magaalada Kismaayo iyo degmada Afmadow ee gobolka Jubbada Hoose, tiro intaas ka badanna ay ku dhaawacmeen.