6/28/2022
Today from Hiiraan Online:  _
Wararka Maanta- Axad, Sept 16, 2012
Madaxweynihii hore ee Soomaaliya, Shariif Sheekh Axmed oo si rasmi ah u wareejiya xilka Madaxweynenimo ee Soomaaliya
Axad, September 16, 2012 (HOL) — Madaxweynihii hore ee Soomaaliya, Shariif Sheekh Axmed oo hadal ka jeediyay munaasabadda xil wareejinta ayaa sheegay in uu aad ugu faraxsan yahay in Soomaaliya ay ka baxday KMG ay u gudubto xilli ay talinayso dowlad joogto ah.


Shariif Sheekh ayaa ku boorriyay shacabka Soomaaliyeed inay si wanaagsan ula shaqeeyaan madaxweynaha cusub ee Soomaaliya, isagoo habalyo gaar ah u diray ciidamada dowladda Soomaaliya iyo kuwa AMISOM oo uu sheegay inaan la'aantood la gaari lahayn in maanta la qabto munaasabadda caleemo-saarka ah.

"Waxaan shacabka Soomaaliyeed ka codsanayaa inay madaxweynaha cusub iyo dowladda uu soo dhisi doono la shaqeeyaan. Waayo waxaa loo baahan yahay in si wadajir ah loo shaqeeyo si howlaha dhiman lagu dhameystiro," ayuu yiri Shariif oo intaas ku daray in haddii aan lawada shaqeyn aan la dhameystiri karin howlaha harsan.

Sidoo kale, Sheekh Shariif wuxuu sheegay inay farxad weyn u tahay inuu xilka si rasmi ah ugu wareejiyo maanta madaxweynaha cusub ee Soomaaliya, isagoo uga digay shacabka inay ka horyimaadaan dowladda la dhisayo.

"Howlaha dowladda waa kuwo marxalad billow ah ku jira oo u baahan dhameystir, waxaana ka codsanayaa shacabka inay dowladda kala shaqeeyaan sidii howlahaas lagu dhameystiri lahaa," ayuu yiri Shariif Sheekh.

Ugu dambeyn, madaxweynihii hore ee Soomaaliya oo dalka soo xukumayay muddo saddex sano iyo bar ah ayaa ku wareejiyay dukumiintiyadii uu ku shaqeynayay madaxweynaha cusub ee Soomaaliya, Xasan Sheekh Maxamuud, isagoo ugu hambalyeeyay howl wanaagsan.

Munaasabaddan ayaa waxay noqonaysaa tii labaad oo lagu qabto Soomaaliya tan iyo markii ay xorowday Soomaaliya sannadkii 1960-kii oo ay laba madaxweyne xilalka ku kala wareegaan, kuwaasoo ku tartamay xilka madaxweynenimo ee Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/16/2012 3:34 PM EST
Xaflad taariikhi ah oo ay kasoo qaybgaleen qaar kamid ah hogaamiyayaasha gobolka iyo wufuud ka socota caalamka oo lagu maamuusayay caleema saarka madaxweynaha cusub ee Soomaaliya Xassan Sheekh Maxamuud ayaa lagu qabtay magaalada Muqdisho ee caasimada Soomaaliya.

9/16/2012 8:58 AM EST
Axad, September 16, 2012 (HOL) — Taliska booliiska maamulka gobolka Hiiraan ayaa warbaahinta uga warbixiyay dilal siyaabo kala duwan uga dhacay galinkii danbe ee maalintii shalay magaalada Baladweyne.

9/16/2012 8:20 AM EST
Axad, September 16, 2012 (HOL) — Madaxweynaha Soomaaliya, Xasan Sheekh Maxamuud oo maanta si rasmi ah ula wareegay xilka madaxweynimo ee dalka ayaa sheegay in dowladda uu dhisayo ay xoogga saari doonto lix qodob oo muhiim ah, kuwaasoo ay ka mid yihiin xasilinta dalka, dib u dhiska dhaqaalaha, soo celinta sharciga iyo adkeynta midnimada Soomaaliya.

9/16/2012 8:14 AM EST
Axad, September 16, 2012(HOL): Magaalada Västerås ee gobolka Västmanland ee dalka Sweden ayaa waxaa lagu qabtay xaflad lagu taageerayay isbedelka ka dhacay dalka Soomaaliya oo hadda helay dowlad buuxda oo aan KMG ahayn.

9/16/2012 7:34 AM EST
Axad, September 16, 2012 (HOL) — Dab xooggan islamarkaasina sababay khasaaro hantiyadeed ayaa maanta duhurkii waxa uu ka kacay suuqa weyn ee shidaalka lagu iibiyo ee loo yaqaan Umbultooriyo, iyadoona dabku sababay burbur soo gaaray qaar kamid ah goobo ganacsi oo ku yaalla halka uu dabka ka kacay.

9/16/2012 5:28 AM EST
Axad, September 16, 2012 (HOL) — Xiisado dagaal ayaa lagu soo waramayaa inay ka taaganyihiin nawaaxiga deegaanka Birta-dheer halkaas oo ay isku horfadhiyaan ciidamada dowladda KMG, kuwa Raaskaambooni iyo Militariga Kenya oo iskaashanaya.

9/16/2012 3:30 AM EST
Axad, September 16, 2012 (HOL) — Wufuud ay ka mid yihiin madaxweynaha dalka Jabuuti, Ismaaciil Cumar Geelle, ra'iisul wasaaraha dalka Itoobiya ee aan weli la dhaarin, Haile Mariam Desaleng, ra'iisul wasaare ku xigeenka dalka Turkiga, Baker Buzdag iyo madaxweyne ku xigeenka Suudaan, Maxamed Cismaan Daaha ayaa soo gaaray Muqdisho, kuwaasoo ka qayb-galaya munaasabadda caleemo-saarka loo sameynayo madaxweynaha Soomaaliya oo Muqdisho ka socota.

9/16/2012 3:01 AM EST
Axad, September 16, 2012 (HOL) — Madaxweynaha Soomaaliya, Xasan Sheekh Maxamuud ayaa ugu baaqay dagaalyahannada Al-shabaab ka tirsan ee Soomaalida ah inay kusoo biiraan hannaanka nabadeed ee dalka, kuwa ajnabiga ahna ay isaga baxaan dalka, isagoo sheegay in ciddii intaas diidda ay dowladdiisu la dagaalami doonto.

9/16/2012 2:56 AM EST
Axad, September 16, 2012 (HOL) — Diyaargarowga xafladda lagu caleemo-saarayo madaxweynaha cusub ee Soomaaliya, Xasan Sheekh Maxamuud ayaa si weyn uga socota Muqdisho, iyadoo la xiray garoonka diyaaradaha ee Muqdisho sidoo kalena la fasaxay shaqaalaha dowladda iyo ardayda.