6/27/2022
Today from Hiiraan Online:  _
Wararka Maanta- Axad, Sept 16, 2012
Diyaar-garowga Xafladda Caleemo-Saarka Madaxweynaha Soomaaliya oo ka socota Muqdisho iyo ammaanka oo la adkeeyay
Axad, September 16, 2012 (HOL) — Diyaargarowga xafladda lagu caleemo-saarayo madaxweynaha cusub ee Soomaaliya, Xasan Sheekh Maxamuud ayaa si weyn uga socota Muqdisho, iyadoo la xiray garoonka diyaaradaha ee Muqdisho sidoo kalena la fasaxay shaqaalaha dowladda iyo ardayda.

Magaalada Muqdisho ayaa waxaa si aad ah aammaankeeda u adkeeyay ciidammo ka tisran kuwa dowladda Soomaaliya iyo AMISOM, waxaana si gaar ah loo adkeeyay ammaanka dugsiga tababarka booliiska halkaasoo ay ka dhacayso xafladda caleemo-saarka madaxweynaha.

Wufuud kala duwan oo ka socota caalamka ayaa kasoo qaybgalaya caleemo-saarka waxaana ka mid ah madaxweynaha dalka Jabuuti, Ismaciil Cumar Geelle iyo xubno kale oo caalami ah.

"Howlaha garoonka diyaaradaha waa la joojiyay, waxaana loo ogol yahay  oo keliya inay kasoo dagaan diyaaradaha wada wufuudka caalamiga ah," ayuu yiri maareeya garoonka diyaaradaha ee Muqdisho, Cali Maxamuud Ibraahim oo saakay la hadlay saxaafadda.

Madaxweynaha Soomaaliya, Xasan Sheekh Maxamuud ayaa garoonka diyaaradaha kusoo dhaweyaya fuduudda caalamka ka socda ee xafladda caleemo-saarkiisa ka qayb-galaya, waxaana wararka hoose ay sheegayaan in wufuudda caleemo-saarka ka qaybgalaya ay ka mid yihiin madaxweynaha dalka Uganda, Yoweri Museveni iyo ra'iisul wasaaraha KMG ah ee Itoobiya, Haile Mariam Desaleng.

Xafladdan calaamo-saarka ah ayaa waxay noqonaysaa tii ugu horreysay oo dalka ka dhacda kaddib sannadkii 1967-dii markaasoo madaxweynihii hore ee Soomaaliya, Aadan Cabdulle Cismaan uu xilka ku wareejiyay madaxweynihii doorashada kaga adkaaday, C/rashiid Cali Sharma'arke.

Shaqaalaha dowladda Soomaaliya iyo ardaydii wax-ka-baranayay jaamacadaha iyo iskuullada Muqdisho ayaa loo fasaxay munaasabaddan awgeed, iyadoo marka uu la wareego madaxweynaha wax laga sugayo ee ugu weyn ay tahay inuu magacaabo ra'iisul wasaaraha dalka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/16/2012 3:34 PM EST
Xaflad taariikhi ah oo ay kasoo qaybgaleen qaar kamid ah hogaamiyayaasha gobolka iyo wufuud ka socota caalamka oo lagu maamuusayay caleema saarka madaxweynaha cusub ee Soomaaliya Xassan Sheekh Maxamuud ayaa lagu qabtay magaalada Muqdisho ee caasimada Soomaaliya.

9/16/2012 8:58 AM EST
Axad, September 16, 2012 (HOL) — Taliska booliiska maamulka gobolka Hiiraan ayaa warbaahinta uga warbixiyay dilal siyaabo kala duwan uga dhacay galinkii danbe ee maalintii shalay magaalada Baladweyne.

9/16/2012 8:20 AM EST
Axad, September 16, 2012 (HOL) — Madaxweynaha Soomaaliya, Xasan Sheekh Maxamuud oo maanta si rasmi ah ula wareegay xilka madaxweynimo ee dalka ayaa sheegay in dowladda uu dhisayo ay xoogga saari doonto lix qodob oo muhiim ah, kuwaasoo ay ka mid yihiin xasilinta dalka, dib u dhiska dhaqaalaha, soo celinta sharciga iyo adkeynta midnimada Soomaaliya.

9/16/2012 8:14 AM EST
Axad, September 16, 2012(HOL): Magaalada Västerås ee gobolka Västmanland ee dalka Sweden ayaa waxaa lagu qabtay xaflad lagu taageerayay isbedelka ka dhacay dalka Soomaaliya oo hadda helay dowlad buuxda oo aan KMG ahayn.

9/16/2012 7:34 AM EST
Axad, September 16, 2012 (HOL) — Dab xooggan islamarkaasina sababay khasaaro hantiyadeed ayaa maanta duhurkii waxa uu ka kacay suuqa weyn ee shidaalka lagu iibiyo ee loo yaqaan Umbultooriyo, iyadoona dabku sababay burbur soo gaaray qaar kamid ah goobo ganacsi oo ku yaalla halka uu dabka ka kacay.

9/16/2012 7:21 AM EST
Axad, September 16, 2012 (HOL) — Madaxweynihii hore ee Soomaaliya, Shariif Sheekh Axmed oo hadal ka jeediyay munaasabadda xil wareejinta ayaa sheegay in uu aad ugu faraxsan yahay in Soomaaliya ay ka baxday KMG ay u gudubto xilli ay talinayso dowlad joogto ah.

9/16/2012 5:28 AM EST
Axad, September 16, 2012 (HOL) — Xiisado dagaal ayaa lagu soo waramayaa inay ka taaganyihiin nawaaxiga deegaanka Birta-dheer halkaas oo ay isku horfadhiyaan ciidamada dowladda KMG, kuwa Raaskaambooni iyo Militariga Kenya oo iskaashanaya.

9/16/2012 3:30 AM EST
Axad, September 16, 2012 (HOL) — Wufuud ay ka mid yihiin madaxweynaha dalka Jabuuti, Ismaaciil Cumar Geelle, ra'iisul wasaaraha dalka Itoobiya ee aan weli la dhaarin, Haile Mariam Desaleng, ra'iisul wasaare ku xigeenka dalka Turkiga, Baker Buzdag iyo madaxweyne ku xigeenka Suudaan, Maxamed Cismaan Daaha ayaa soo gaaray Muqdisho, kuwaasoo ka qayb-galaya munaasabadda caleemo-saarka loo sameynayo madaxweynaha Soomaaliya oo Muqdisho ka socota.

9/16/2012 3:01 AM EST
Axad, September 16, 2012 (HOL) — Madaxweynaha Soomaaliya, Xasan Sheekh Maxamuud ayaa ugu baaqay dagaalyahannada Al-shabaab ka tirsan ee Soomaalida ah inay kusoo biiraan hannaanka nabadeed ee dalka, kuwa ajnabiga ahna ay isaga baxaan dalka, isagoo sheegay in ciddii intaas diidda ay dowladdiisu la dagaalami doonto.