6/29/2022
Today from Hiiraan Online:  _
Wararka Maanta- Sabti, Sept 15, 2012
AMISOM oo sheegtay in ciidamadeeda iyo kuwa Dowlada Soomaaliya ay la wareegeen Deegaanka Biibi ee Gobolka Jubbada Hoose
Sabti, September 15, 2012 (HOL) — Taliska ciidamada AMISOM ayaa war ay soo saareen ku sheegay in ciidamadooda iyo kuwa dowladda oo is-garabsanaya ay la wareegeen gacan ku haynta deegaanka Biibi oo ku dhow degmada Kismaayo ee xarunta gobolka Jubbada hoose.

AMISOM ayaa sheegtay in howgal ay sameeyeen ciidamadooda iyo kuwa Somalia ay ku qabsadeen deegaankaas oo ay ku sheegeen mid muhiim ah, inkastoo aysan jirin war arrintan ku saabsan oo weli kasoo baxay dhinaca Xarakada Al-shabaab.

"Howlgal 12:30 duhurnimo ee Jimcihii la fuliyay ayaa lagu qabsaday deegaankaas oo isku xira deegaanka Bilis-Qooqaani iyo degmada Afmadow, sidoo kale waxaan ku furannay hub iyo rasaas, saddex askarta Soomaaliya ka tirsanna waxaa kasoo gaaray dhaawacyo fudud," ayaa lagu sheegay warka kasoo baxday Al-shabaab.

Saraakiisha ciidamada dowladda Soomaaliya ee ku sugan gobolka Jubbada hoose ayaa sheegay in dagaalkaas lagu dilay afar qof oo ka tirsan xoogagga Al-shabaab, kuwaasoo ay ku jireen saraakiil hoggaaminayay dagaalka.

Taliyaha guud ee ciidamada AMSIOM, Jen. Andrew Gutti oo hadlay ayaa sheegay in qabsashada deegaanka Biibi ay tahay mid ay ku adkeynayaan ammaanka dadka ku nool deegaankaas iyo kuwa ku dhow.

"AMISOM waxaa ka go'an inay taageerto shacabka Soomaaliyeed si ay dalkooda dib ugu dhistaan," ayuu yiri taliyaha AMISOM oo intaas ku daray: "Waan sii wadaynaa taageeradaas, waxaana intii aan awoodno ku bixin doonnaa sidii ay shacabku u arki lahaayeen riyooyinkooda ah inay ku noolaadaan nabad galaan falalka argagaxisada.

Ciidamada AMISOM ee ku sugan gobollada Jubbooyinka ayaa waxay ka socdaan dalka Kenya, kuwaasoo si rasmi ah ugu biiray howgalka Midowga Afrika bishii Abriil ee sannadkan, kaddib markii uu heshiis dhexmaray dowladda Kenya iyo Midowga Afrika.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/15/2012 9:49 AM EST
Sabti, September 15, 2012 (HOL) — Guddiga madaxa-annaan ee la dagaallanka musuqmaasuqa ayaa ka warbixiyay howl in muddo ah uu soo waday oo la xiriirta diiwaan-gelinta hantida Qaranka maadaama dalka uu ku jiro xilli kala guur ah.

9/15/2012 9:37 AM EST
Sabti, September 15, 2012 (HOL) — Xarakada Al-shabaab ee ka dagaalanta dalka Soomaaliya ayaa ugu baaqay shacabka Soomaaliyeed maanta oo Sabti ah inay muujiyaan caradooda ku aaddan filimkii lagu sameeyay Mareykanka ee lagu Nebi Muxamed (NNKH) iyo diinta Islaamka lagu afla-gaadeeyay.

9/15/2012 9:22 AM EST
Sabti, September 15, 2012 (HOL) — Madaxweynaha cusub ee Soomaaliya, Xasan Sheekh Maxamuud ayaa maanta kulankiisii ugu horreeyay kula yeeshay xafiiskiisa madaxtooyada wafdi ka socday Qaramada Midoobay, kuwaasoo uu hoggaaminayay ku xigeenka xoghayaha guud Qaramada Midoobay u qaabilsan arrimaha Soomaaliya, Antinomy Burneury.

9/15/2012 8:50 AM EST
Sabti, September 15, 2012 (HOL) — Dood-cilmiyeed looga hadlayay guurka qasabka ee gabdhaha lagu guuriyo iyo dhibaatooyinka ka dhalan kara ayaa maanta lagu qabtay magaalada Muqdisho, kaasoo ay ka qayb-galeen Haween ka socday 16-ka degmo ee gobolka Banaadir iyo ururrada haweenka.

9/15/2012 8:39 AM EST
Sabti, September 15, 2012 (HOL) — Madaxweynaha Somaliland, Axmed Maxamed Maxamuud (Siillaanyo), ayaa maanta ka qaybgalay munaasibad ay 637 arday ka qalinjabiyeen jaamacadda Hargeysa.

9/15/2012 7:31 AM EST
Sabti, September 15, 2012 (HOL) — War goor-dhow naga soo gaaray deegaanka Birta dheer ayaa sheegaya in nawaaxiga deegaankaasi uu ka qarxay dagaal xooggan oo u dhexeeya ciidamada dowladda KMG oo kaashanaya kuwa Kenya iyo Xarakada Al-shabaab.

9/15/2012 7:30 AM EST
Sabti, September 15, 2012 (HOL) — Allaha u naxariisteen waxaa xalay ku geeriyooday magaalada Muqdisho ee xarunta Soomaaliya guddoomiyhii hore ee degmada Baladweyne Aadan Cabdi Ciise (Aadan Garaaso) sida ay HOL u xaqiijiyeen mas’uuliyiinta maamulka gobolka Hiiraan.

9/15/2012 3:33 AM EST
Sabti, September 15, 2012 (HOL) — Waxaa sii kordhaya carrada dadka muslimiinta ah ee caalamku nool ay ka qaadeen gafka ay gaaladu kula kacaan suubanaheenna Muxammed (NNKH) iyadoo malaayiin muslimiin ah ay kacdoon ka samaynayaan filim lagu aflagaadeeyey islaamka oo lagu jilay Maraykanka.

9/15/2012 3:18 AM EST
Sabti, September 15, 2012 (HOL) — Booliska dalka Kenya ayaa gacanta ku dhigay rag la tuhunsanyahay in ay ka tirsan yihiin Al-shabaab iyo hub ay siteen oo ay ka mid ahaayeen suumanka nooca isqarxinta loo isticmaalo, kuwaasoo laga soo qabtay guri ku yaal xaafadda ay Soomaalidu degto ee Eastleigh ama Islii.