6/28/2022
Today from Hiiraan Online:  _
Wararka Maanta- Sabti, Oct 6 , 2012
Kenya oo sheegtay inay la shaqeynayso Maamul kasta oo loo sameeyo Kismaayo iyo deegaannada kale ee Jubbooyinka
Sabti, Oktoobar 06, 2012 (HOL) — xukuumadda dalka Kenya ayaa sheegtay inay la shaqeynayso maamul walba oo loo sameeyo Jubbooyinka, gaar ahaan magaalada Kismaayo oo uu ka taagan yahay muran ku saabsan cidda maamul u sameynaysa.

Afhayeenka milateriga Kenya, Col. Cyrus Oguna oo warfidiyeenka kula hadlayay magaalada Nairobi ee xarunta Kenya ayaa sheegay inay diyaar u yihiin inay la shaqeeyaan maamul walba oo loo magacaabo Kismaayo iyo deegaannada kale ee Jubbooyinka.

"Waxaan diyaar u nahay inaan la shaqeyno maamul walba oo Kismaayo iyo meelaha kale ee Jubbooyinka loo sameeyo," ayuu yiri Col. Oguna oo hadalkiisa ku daray. "Doorkeena Kismaayo waa in dadka Soomaaliyeed ee ku nool ay si nabad ah hlakaas ku deggenaadaan."

Hadalka kasoo baxay Kenya ayaa wuxuu imaanayaa iyadoo muran uu ka taagan yahay cidda maamul u sameynasay Kismaayo, waxaana jira shakiyo badan oo laga qabo in Kenya ay doonayso inay maamul u sameyso magaalada Kismaayo.

Madaxweynaha Soomaaliya ayaa dhawaan ka sheegay Muqdisho in maamul loo sameyn doono magaalada Kismaayo, taasoo ay kasoo horjeesteen xoogagga Raas-kambooni ee ka barbar dagaalamaya ciidamada dowladda iyo kuwa Kenya oo la wareegay Kismaayo toddobaadkii lasoo dhaafay.

Degmada Kismaayo oo ah xarunta gobolka Jubbada hoose ayaa waxaa soo maray maamullo kala duwan labaatameeyadii sano ee ay dagaalladu ka socdeen Somalia, waxaana maamulkii Al-shabaab uu noqonayaa kii ugu dambeeyay uguna muddada dheeraa ee xukuma magaaladaas.

Kismaayo ayaa waxay leedahay deked, halkaasoo ah il dhaqaale oo ay maamullada ku hardamaya inta badan isha ku hayaan, waxaana dekeddaas laga dhoofiyaa xoolo nool iyo dhuxusha oo ah midda ugu badan ee lacagta laga helo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/6/2012 11:22 AM EST
Sabti, Oktoobar 06, 2012(HOL): Madaxweynaha Dowladda Soomaaliya Xasan Shiikh Maxamuud ayaa goor dhaweyd soo magacaabay Ra'iisal Wasaaraha Xukuumadda Soomaaliya, kaasi oo muddo bil ku dhow soo magacaabiddiisa laga sugayay.

10/6/2012 9:30 AM EST
Sabti, Oktoobar 06, 2012 (HOL) — Xildhibaanada baarlamanaka Soomaaliya iyo odayaasha dhaqanka Soomaaliyeed ayaa maanta kulan ku yeeshay Muqdisho, kaasoo ay talooyin ku wadaageen, iyadoo kulankan uu noqonayo kii ugu horreeyay oo dhexmara xildhibaannada baarlamaanka iyo odayaasha dhaqanka ee soo xulay.

10/6/2012 9:17 AM EST
Sabti, Oktoobar 06, 2012 (HOL) — Ruux waxyaabaha qarxa ay ku xiran yihiin ayaa weerar ismiidaamin ah ku qaaday maanta koontarool ay ciidamada dowladdu ay ku leeyihiin isgoyska Baar Ismaaciil ee degmada Afgooye, iyadoo warar kala duwan ay kasoo baxayaan khasaaraha ka dhashay weerarkaas ismiidaaminta ah.

10/6/2012 8:44 AM EST
Sabti, Oktoobar 06, 2012 (HOL) — Askari ka tirsan ciidamada maamulka gobollka Hiiraan ayaa geeriyooday mid kalana dhaawac ayaa soo gaaray kadib markii uu rasaas ku furay mid ka mid ah ciidamada dowladda Itoobiya ee ku sugan magaalada Baladweyne.

10/6/2012 8:34 AM EST
Sabti, Oktoobar 06, 2012 (HOL) — Maamulka Puntland ayaa maanta oo Sabti ah albaabbada isugu dhuftay idaacadda Horseed oo ka mid ah idaacadaha ka howgala deegaannada Puntland, kaddib markii lagu eedeeyay inay ka hadashay arrimo uu horay u mamnuucay maamulkaas in laga hadlo.

10/6/2012 7:51 AM EST
Sabti, Oktoobar 06, 2012 (HOL) — Saraakiisha hay'adaha ammaanka Soomaaliya oo ku yeeshay Muqdisho kulan ay go'aanno ammaanka lagu adkeynayo kasoo saareen ayaa sheegay inaan hub lagu dhex-qaadan karin magaalada Muqdisho, iyagoo sheegay in ciddii rasaas ku ridda magaalada dhexdeeda laga qaadi doono tallaabo sharci ah.

10/6/2012 5:53 AM EST
Jimco, Oktoober, 05, 2012 (HOL) – Iyadoo wali ay jirto gurmadka loo fidinayo dadkii ku barakacay Fatahaadii dhawaan ku dhuftay magaalada Baladweyne ee xarunta gobollka Hiiraan, ayaa waxaa deeq soo gaarsiiyay dadkii ay dhibaatadu ka soo gaartay Fatahaada Jaaliyada Bermingham ee dalka Britian.

10/6/2012 4:43 AM EST
Sabti, Oktoobar 06, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa lagu wadaa inuu maanta oo Sabti ah magacaabo ra'iisul wasaaraha cusub ee Soomaaliya, iyadoo xilliga uu u haysto inuu ra'iisul wasaare magacaabo ay dhowr cisho ka dhiman tahay.

10/6/2012 4:30 AM EST
Sabti, Oktoobar 06, 2012 (HOL) — Boqollaal qoys oo hore uga barakacday magaalada Kismaayo ayaa bilaabay in ay dib ugu soo noqdaan guryahooda, waxaana soo laabashada dadkani siweyn looga dareemaya magaalada.