6/29/2022
Today from Hiiraan Online:  _
Wararka Maanta- Sabti, Oct 6 , 2012
Madaxweynaha Soomaaliya oo lagu wado inuu maanta magacaabo Ra'iisul wasaaraha Soomaaliya oo muddo laga sugayay
Sabti, Oktoobar 06, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa lagu wadaa inuu maanta oo Sabti ah magacaabo ra'iisul wasaaraha cusub ee Soomaaliya, iyadoo xilliga uu u haysto inuu ra'iisul wasaare magacaabo ay dhowr cisho ka dhiman tahay.

Qabanqaabada xafladda lagu magacaabayo ra'iisul wasaaraha ayaa ka socota Villa Somalia sida ay HOL u sheegeen xubno ka tisran madaxtooyada, balse lama oga xilliga dhabta ah ee lagu dhawaaqayo ra'iisul wasaaraha.

Warar hoose ayaa sheegaya in laga yaabo in xilkan loo magacaabo C/qaadir Faarax Shir-doon (Saacid) kaasoo ka mid ahaa xubno uu madaxweynuhu kulammo gaar ah la yeeshay dhowr jeer oo isku xigta.

"Maanta ayaa lagu dhawaaqayaa ra'iisul wasaaraha, waxaana socda qabanqaabadii lagu magacaabi lahaa," ayuu yiri sarkaal ka tirsan madaxtooyada oo HOL la hadlay, isagoo intaas ka gaabsaday inuu sheego xilliga rasmi ahaan la magacaabayo ra'iisul wasaaraha.

Ra'iisul wasaaraha lasoo magacaabayo ayaa waxaa la horgeynayaan baarlamaanka si ay kalsooni u siiyaan isagoo markaas kaddib soo dhisi doona xukuumadda howlo badan ay horyaallaan, kuwaasoo ay ugu culus yihiin sugidda ammaanka iyo dib u dhiska dalka oo burbur kusoo jiray laabatameeyo sano.

Madaxweynaha Soomaaliya ayaa tan iyo markii loo doortay xilkan 10-kii bishii hore ee September ayaa wuxuu dadaal ugu jirtay sidii uu kusoo magacabo lahaa ra'iisul wasaaraha, waxaana xilkan isku soo taagay in ka badan labaatan xubnood oo rajo ay kaga jirtay inay xilkan qabtaan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/6/2012 11:22 AM EST
Sabti, Oktoobar 06, 2012(HOL): Madaxweynaha Dowladda Soomaaliya Xasan Shiikh Maxamuud ayaa goor dhaweyd soo magacaabay Ra'iisal Wasaaraha Xukuumadda Soomaaliya, kaasi oo muddo bil ku dhow soo magacaabiddiisa laga sugayay.

10/6/2012 9:30 AM EST
Sabti, Oktoobar 06, 2012 (HOL) — Xildhibaanada baarlamanaka Soomaaliya iyo odayaasha dhaqanka Soomaaliyeed ayaa maanta kulan ku yeeshay Muqdisho, kaasoo ay talooyin ku wadaageen, iyadoo kulankan uu noqonayo kii ugu horreeyay oo dhexmara xildhibaannada baarlamaanka iyo odayaasha dhaqanka ee soo xulay.

10/6/2012 9:17 AM EST
Sabti, Oktoobar 06, 2012 (HOL) — Ruux waxyaabaha qarxa ay ku xiran yihiin ayaa weerar ismiidaamin ah ku qaaday maanta koontarool ay ciidamada dowladdu ay ku leeyihiin isgoyska Baar Ismaaciil ee degmada Afgooye, iyadoo warar kala duwan ay kasoo baxayaan khasaaraha ka dhashay weerarkaas ismiidaaminta ah.

10/6/2012 8:44 AM EST
Sabti, Oktoobar 06, 2012 (HOL) — Askari ka tirsan ciidamada maamulka gobollka Hiiraan ayaa geeriyooday mid kalana dhaawac ayaa soo gaaray kadib markii uu rasaas ku furay mid ka mid ah ciidamada dowladda Itoobiya ee ku sugan magaalada Baladweyne.

10/6/2012 8:34 AM EST
Sabti, Oktoobar 06, 2012 (HOL) — Maamulka Puntland ayaa maanta oo Sabti ah albaabbada isugu dhuftay idaacadda Horseed oo ka mid ah idaacadaha ka howgala deegaannada Puntland, kaddib markii lagu eedeeyay inay ka hadashay arrimo uu horay u mamnuucay maamulkaas in laga hadlo.

10/6/2012 7:51 AM EST
Sabti, Oktoobar 06, 2012 (HOL) — Saraakiisha hay'adaha ammaanka Soomaaliya oo ku yeeshay Muqdisho kulan ay go'aanno ammaanka lagu adkeynayo kasoo saareen ayaa sheegay inaan hub lagu dhex-qaadan karin magaalada Muqdisho, iyagoo sheegay in ciddii rasaas ku ridda magaalada dhexdeeda laga qaadi doono tallaabo sharci ah.

10/6/2012 5:53 AM EST
Jimco, Oktoober, 05, 2012 (HOL) – Iyadoo wali ay jirto gurmadka loo fidinayo dadkii ku barakacay Fatahaadii dhawaan ku dhuftay magaalada Baladweyne ee xarunta gobollka Hiiraan, ayaa waxaa deeq soo gaarsiiyay dadkii ay dhibaatadu ka soo gaartay Fatahaada Jaaliyada Bermingham ee dalka Britian.

10/6/2012 4:58 AM EST
Sabti, Oktoobar 06, 2012 (HOL) — xukuumadda dalka Kenya ayaa sheegtay inay la shaqeynayso maamul walba oo loo sameeyo Jubbooyinka, gaar ahaan magaalada Kismaayo oo uu ka taagan yahay muran ku saabsan cidda maamul u sameynaysa.

10/6/2012 4:30 AM EST
Sabti, Oktoobar 06, 2012 (HOL) — Boqollaal qoys oo hore uga barakacday magaalada Kismaayo ayaa bilaabay in ay dib ugu soo noqdaan guryahooda, waxaana soo laabashada dadkani siweyn looga dareemaya magaalada.