6/29/2022
Today from Hiiraan Online:  _
Wararka Maanta- Jimco, Oct 5 , 2012
Booliiska Soomaaliya, Nabad-sugidda iyo Booliiska AMISOM oo xalay Baaritaanno ka sameeyay Magaalada Muqdisho
Jimco, Oktoobar 05, 2012 (HOL) — Booliska Soomaaliya kuwa nabadsugidda iyo booliiska AMISOM ayaa xalay howlgalo ka sameeyeen degmooyin ka tirsan Muqdisho kuwaasoo ay kusoo qabqabteen dad fara badan oo qaarkood lala xiriirinayo inay ka tirsan yihiin Al-shabaab.

Howlgalkan oo noqonaya kii ugu horreeyay noociisa oo ay ka qaybqaataan booliiska AMISOM ayaa laga sameeyay xaafado ka tirsan degmooyinka ay ka dhaceen falalkii ammaan-darro ee ugu dambeeyay, iyadoo saraakiisha booliiska Soomaaliya ay ka gaasbadeen inay ka warbixiyaan dadkii ay kusoo qabqabteen howgalka.

"Howlgalkan waa mid lagu adkeynayo ammaanka guud ee Muqdisho, waxaana kusoo qabqabannay dad fara badan, wuxuuna ka dhacya dhowr degmo oo Muqdisho ka tirsan," ayuu yiri taliyaha ciidamada

Ciidamadan ayaa waxay howgalkooda ugu xooggan ka sameeyeen degmooyinka Yaaqshiid iyo Huriwaa kuwaasoo ah goobaha ugu badan ee ay xilliyadii ugu dambeeyay ka dhacayeen falalka ammaan-darro iyo dilalka qorsheysan.

Goobjoogayaal ku sugan degmooyinkii xalay howgallada laga sameeyay ayaa sheegay in ciidamada dowladda iyo kuwa AMISOM ee howgallada sameynayay ay wateen gaadiid dagaal oo fara badan.

Taliyaha booliiska gobolka Banaadir, wuu ka gaabsaday inuu sheego tirada dadka ay kusoo qabqabteen howgalladaas, isagoo sheegay in howlgalladan ay soconayaa inta laga xaqiijinayo ammaanka guud ee Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/5/2012 4:21 AM EST
Jimco, Oktoobar 05, 2012 (HOL) — Wasiirka Xoghayaha guud ee arrimaha Somalia, danjire Augustine Mahiga ayaa shir jaraa'id oo u u ku qabtay magaalada Nairobi ku sheegay in Soomaaliya ay ku socoto horumar, isagoo si gaar ah uga hadlay dib u dhiska magaalada Muqdisho.

10/5/2012 4:05 AM EST
Jimco, Oktoobar 05, 2012 (HOL) — Soomaalida ku nool magaalada Luwiston ee gobolka Main ee dalka Mareykanka ayaa sameeyay mudaaharaad, kaddib markii ay ka caroodeen hadal uu ka sheegay duqa magaaladaas Robert McDonald.

10/5/2012 3:40 AM EST
Jimco, Oktoobar 05, 2012 (HOL) — Ciidamada dowladda Soomaaliya ee ku suganm Kismaayo ayaa shalay gallinkii dambe toogasho ku dilay laba ruux oo ka mid ahaa sida ay sheegeen kooxo bambooyinka gacanta ku weeraray saldhig ay ciidamadu ku leeyihiin bartamaha magaaladaas.

10/5/2012 3:30 AM EST
Jimco, Oktoobar 05, 2012 (HOL) — Madaxweynaha Soomaaliya, Xasan Sheekh Maxamuud ayaa xalay kulan la yeeshay saddex murashax oo ka mid ah 11 xubnodod oo lasoo xulay labaatameeyo xubnood oo xilka ra'iisul wasaaraha u taagnaa, iyadoo lagu wado in madaxweynuhu uu ra'iisul wasaaraha ku dhaawaqo inta lagu gudo jiro 48-ka saacadood ee soo socda.