6/28/2022
Today from Hiiraan Online:  _
Wararka Maanta- Jimco, Oct 5 , 2012
Ciidamada Somalia ee ku sugan Kismaayo oo toogasho ku dilay kooxo bam gacmeed ku weeraray saldhig ay ciidamadu deggen yihiin
Jimco, Oktoobar 05, 2012 (HOL) — Ciidamada dowladda Soomaaliya ee ku suganm Kismaayo ayaa shalay gallinkii dambe toogasho ku dilay laba ruux oo ka mid ahaa sida ay sheegeen kooxo bambooyinka gacanta ku weeraray saldhig ay ciidamadu ku leeyihiin bartamaha magaaladaas.

Afhayeenka ciidamada dowladda Soomaaliya ee gobollada Jubbooyinka, Col. Aadan Axmed Rufle oo saxaafadda la hadlay ayaa sheegay in labada ruux ee la toogtay ay isku dayeen qaraxa kaddib inay ciidamada la dagaalamaan, ciidamaduna ay fuliyeen waajibkooda ayna toogteen.

"Labada qof ee la dilay waxay ka mid ahaayeen koox bam-gacmeed ku weeraray saldhig ay ciidamada dowladdu ku leeyihiin Kismaayo, waana la toogtay markii ay isku dayeen inay bastoolado ku dagaalamaan," ayuu yiri Col. Rufle.

Sidoo kale, sarkaalku wuxuu sheegay in ciidamadu ay qabteen intii kale oo aanu sheegin tiro ahaan, isagoo intaas ku daray in ciidamada dowladdu ay u taagan yihiin inay ka hortagaan cid walba oo wax u dhimaysa ammaanka.

Afhayeenku ma uusan sheegin khasaaraha kasoo gaartay ciidamada dowladda bambkii lagu weeraray, iyadoo wararka madaxbannaan ee laga helayo Kismaayo ay sheegayaan in ciidamada dowladdu ay shalay toogteen shan qof.

Magaalada Kismaayo ayaa waxay ka mid tahay magaalooyinkii ay Al-shabaab ka talinayeern muddo shan sano ka badan, kuwaasoo ay la wareegeen ciidamada dowladda Soomaaliya iyo kuwa gacanta siinaya ee Itoobiya iyo Kenya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/5/2012 4:21 AM EST
Jimco, Oktoobar 05, 2012 (HOL) — Wasiirka Xoghayaha guud ee arrimaha Somalia, danjire Augustine Mahiga ayaa shir jaraa'id oo u u ku qabtay magaalada Nairobi ku sheegay in Soomaaliya ay ku socoto horumar, isagoo si gaar ah uga hadlay dib u dhiska magaalada Muqdisho.

10/5/2012 4:05 AM EST
Jimco, Oktoobar 05, 2012 (HOL) — Soomaalida ku nool magaalada Luwiston ee gobolka Main ee dalka Mareykanka ayaa sameeyay mudaaharaad, kaddib markii ay ka caroodeen hadal uu ka sheegay duqa magaaladaas Robert McDonald.

10/5/2012 3:52 AM EST
Jimco, Oktoobar 05, 2012 (HOL) — Booliska Soomaaliya kuwa nabadsugidda iyo booliiska AMISOM ayaa xalay howlgalo ka sameeyeen degmooyin ka tirsan Muqdisho kuwaasoo ay kusoo qabqabteen dad fara badan oo qaarkood lala xiriirinayo inay ka tirsan yihiin Al-shabaab.

10/5/2012 3:30 AM EST
Jimco, Oktoobar 05, 2012 (HOL) — Madaxweynaha Soomaaliya, Xasan Sheekh Maxamuud ayaa xalay kulan la yeeshay saddex murashax oo ka mid ah 11 xubnodod oo lasoo xulay labaatameeyo xubnood oo xilka ra'iisul wasaaraha u taagnaa, iyadoo lagu wado in madaxweynuhu uu ra'iisul wasaaraha ku dhaawaqo inta lagu gudo jiro 48-ka saacadood ee soo socda.