6/29/2022
Today from Hiiraan Online:  _
Wararka Maanta- Arbaco, Oct 3 , 2012
Dowladda Baritain oo shaacisay in Malaayiin Lacagta dalkeeda ah ay ku taageerayso dowladda cusub ee Soomaaliya
Arbaco, Oktoobar 03, 2012 (HOL) — Dowladda Britain ayaa ku dhawaaqay inay 38-milyan oo Pound oo lacagta Ingiriiska ah ku caawinayso dowladda cusub ee Somalia si wax looga qabato dhinacyada ammaanka, horumarinta adeegyada bulshada iyo cadaaladda, kaddib markii wafdi ka socda dowladda Birtain ay Muqdisho kula kulmay madaxweynaha Soomaaliya, Xasan Sheekh Maxamuud.

Wafdiga ka socda dalka Birtain ayaa waxaa hoggaaminayay wasiiradda horumarinta iyo arrimaha Afrika ee Britain, waxaana kulanka kaddib ay si wadajir ah ula hadlee saxaafadda si ay sharraxaad uga bixiyaan waxyaabihii ay kawada hadleen.

"Waxaan ka wadahadlanay arrimo ku saabsan cilaaqaadka dowladda Britain iyo tan Soomaaliya, waxaan kaloo ka hadalnay qaabka ay dowladda Ingiriiska u saacidayso shacabka Soomaaliya, waxaana isla garanay in dowladda Soomaaliya ay soo ban-dhigto baahideeda dowladda Britainna ay ka jawaabto," ayuu yiri madaxweyne Xasan Sheekh.

Sidoo kale, madaxweynaha Soomaaliya wuxuu sheegay in dowladda Britain ay u ballaan-qaaday inay ka caawinayso Soomaaliya dhismaha hay'adaha kala duwan ee dowladda, isagoo intaas raaciyay in wafdiga iyo isagu ay si aad ah iskula garteen inay labada dowladood si toos ah u macaamilaan.

Wasiirradda horumarinta calaamiga ah ee dalka Britain, Justine Greening oo iyaduna la hadashay saxaafadda ayaa sheegtay in dhismaha dowladdan cusub ee Soomaaliya ay tahay fursad dhab ah oo lagu xasilinayo dalka iyo inay yareyso khatar kale oo dhacda.

"Dowladda Britain waxay dowladda cusub ku caawinaysaa 38 milyan oo Pound saddexda sano ee soo socota si wax loogu qabto horumarinta cadaaladda, ammaanka, maareynta dhaqalaaha bulshada iyo waxqabadka dowladaha hoose iyo guud ahaan wax ka qabshada horumarinta arrimaha bulshada," ayay tiri wasiirradda horumarinta Britain.

Sidoo kale, waxaa saxaafadda la hadlay wasiirka arrinaha Afrika ee Britain ayaa isna ku dhawaaqay in Britain ay 10 milyan oo dheeri ah ku caawinayso dowladda Soomaaliya si ay wax uga qabato baahiyaheeda deg-degga ah iyo weliba horumarinta saxaafadda xorta ah.

Ugu dambeyn, wasiirka arrimaha Afrika ee Britain wuxuu sheegay in dowladdiisu ay qorsheynayso inay Soomaaliya ka furato safaaradda dhammaadka sannadka soo socda haddii ammaanka uu noqdo mid sidan kasii wanaagsanaada.

Ma ahan markii ugu horerysay oo wafdi ka socda Britain ay yimaadaan Muqdisho tan iyo markii la doortay madaxweynaha cusub ee Soomaaliya, laakiin dhowr jeer ayay wafdiyo ka socda Britain yimaadeen Soomaaliya, kuwaasoo madaxweynaha kala hadlay sidii loo xoojin lahaa xiriirka labada dal.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/3/2012 10:07 AM EST
Arbaco, Oktoobar 03, 2012 (HOL) — Oktoobar, 03, 2012 (HOL) -- Shirkada isgaarsiinta Hormuud ayaa ugu deeqday lacag dhan ilaa $100,000 doolar, dadkii ay dhibaatadu ka soo gaartay Fatahaadii ku dhufatay dhawaan magaalada Baladweyne ee xarunta gobolka Hiiraan.

10/3/2012 10:04 AM EST
Arbaco, Oktoobar 03, 2012 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan Jawaari ayaa maanta kulan kula qaatay xarunta golaha shacabka ee Muqdisho in ka badan laba boqol oo xildhibaan oo ka mid ahaa xubnihii hore ee baarlamaankii waqtigiisu dhammaaday.

10/3/2012 8:11 AM EST
Arbaco, Oktoobar 03, 2012 (HOL) — Diyaarado dagaal ayaa lagu arkay iyagoo dul-heehaabaya maanta deegaanno ka tirsan degmada Xarardheere ee gobolka Mudug, halkaasoo la sheegay in kooxaha burcadbadeedda ah ay ku haystaan ajnabi ay ku haystaan afduub.

10/3/2012 3:50 AM EST
Arbaco, Oktoobar 03, 2012 (HOL) — Xaaladda magaalada Kismaayo ee gobolka Jubbada hoose aya daggan maanta oo Arbaco kaddib markii ay qaraxyo ka dhaceen shalay gallinkii dambe, kuwaasoo geystay khasaare isugu jira dhimasho iyo dhaawac.

10/3/2012 3:45 AM EST
Arbaco, Oktoobar 03, 2012 (HOL) — Madaxweynaha dowladda Federaalka Soomaaliya, Xasan Sheekh Maxamuud ayaa ku jira wadatashiyo ku saabsan sidii uu kusoo magacaabi lahaa ra'iisul wasaaraha cusub ee Soomaaliya, iyadoo jagadan ay ku loolamayaan mas'uuliyiin fara badan oo uu ku jiro ra'iisul wasaaraha xilligiisu sii dhammaanayo.