3/28/2024
Today from Hiiraan Online:  _
Wararka Maanta- Sabti, Oct 27, 2012
Shirkadda Xawaalada Amaana oo gaarsiisay qoysas dhibaateysan deeq ay soo direen Jaaliyadda Soomaaliyeed ee Los Angeles


Sabti, Oktoobar, 27, 2012 (HOL) – Shirkada xawaalada Amaana oo maalmihii ugu danbeeyayba siweyn ugu howlaneyd sidii loo caawin lahaa qoysaska dhibaateysan ee ku nool magaalada Baladweyne, ayaa munaasabada ciidul-adxa awgeed kaalmo balaaran gaarsiisay qoysas isugu jiray kuwo ay samaayeen fatahaadii dhawaan ku dhuftay magaalada Baladweyne iyo qaar kale oo ay la soo darseen daruufo dhinaca nolasha ah.

 

Deeqda shirkada Amaana ay u qeybisay qoysaska dhibaateysan ayaa ka timid Jaaliyada Soomaaliyeed ee Los Angales dalka Mareykanka oo lacag dhan $ 3500 oo doolar ugu deeqay qoysaska daruufaha nolaleed ay la soo darseen, sida uu HOL u sheegay mas’uulka shirkada ee magaalada Baladweyne Xassan Ibraahim Xalane.

 

‘’Sida aad la soctaan maalmihii ugu danbeeyayba shirkadu arrimahan ayeey aad ugu mashuulsaneyd, lacagtan waxaa ay naga soo gaartay Jaaliyada Soomaaliyeed ee magaalada Los Angales oo ay wakiil ka ahaayeen shaqsiyaadka kala ah Cismaan C/llaahi Guure,( Fargeeto)  C/llaahi Xaaji Xusseen (hoombooy) iyo Max’uud Faarax Wabi ayuu yiri mas’uulka shirkada ee magaalada Baladweyne.

 


Sidoo kale waxaa uu sheegay in ay jirto lacag dhan $ 774 doolar oo ka timid Cabdi Faarax Laqanyo oo ku nool magaalada London ee dalka Britain, kaa oo ka damqaday dhibaatada ka dhalatay fatahaadii ugu danbeysay ee ku dhuftay magaalada.

 

‘’Kadib qiimeyn ay sameysay shirkada waxaa gargaarka lagu bixiyay labo waji oo kala ah raashin oo dadka u baahan la siinayay iyo waliba lacag cadaan ah, waxaana ka faa’ideysay qoysas dhan ilaa 126 qoys.

 

Shirkada Amaana ayaa sidoo kale dhinaceeda ugu deeqday qoysaska munaasabada cida awgeed 100 neef oo Ari ah si ay dadka uga qeyb-qaataan farxada maalmaha Ciidul-adxa, waxaana ay mas’uuliyiinta shirkada Ammaana sheegeen in ay u qeybiyeen ilaa 200 qoys ku dhawaad, madaama neefkii Ari ahba leysku siinayay labo qoys.

 


Sikastaba munaasabada Ciidul-adxa ayaa ku soo beegantay xili kumanaan qoysaska ah oo ku nool magaalada Baladweyne yihiin gargaar sugayaan u baahan in la soo kaalmeeyo, xili ay wali sii socdaan roobab-ka waqtiga deyrta.





 

C/raxmaan Diini, Hiiraan Online

[email protected]

Baladweyne, Soomaaliya.













Click here
10/27/2012 8:05 AM EST
Sabti, Oktoobar 27, 2012 (HOL) — Kooxo hubeysan oo aan la garaneynin ayaa lagu waramayaa inay ku dileen galinkii danbe ee maalintii shalay sadax ruux oo rayid ah deegaan lagu magacaabo Oomane oo ka tirsan degmada Matabaan ee gobolka Hiiraan.

10/27/2012 7:20 AM EST
Sabti, Oktoobar 27, 2012 (HOL) — Dhallinyaradda magaalada Hargeysa ayaa ilaa maalintii Ciidda iyo maalinta labaad ee ciidda safar dalxiis ah uga baxay magaaladda, iyagoo intooda badan dalxis ahaan u tagaan magaalo xabeedka Berbera ilaa Buurta Sheekh oo ah meel dalxiiska iyo in sawiro lagu galo ku fiican, halka qaarkoodna u baxaan dhinaca galbeed Magaalada Gabiley ilaa Boorame.

10/27/2012 6:25 AM EST
Sabti, Oktoobar 27, 2012 (HOL) — Qarax xooggan oo loo adeegsaday Miinooyinka nooca dhulka lagu aaso ayaa maanta ka dhacay afaafka hore ee xarunta degmada Kismaayo, wuxuuna qaraxaasi sababay khasaarooyinka soo gaaray ciidamada dowladda iyo dad rayid ah.

10/27/2012 4:32 AM EST
Sabti, Oktoobar, 27, 2012 (HOL) -Shacabka ku dhaqan xaafadda Islii (Eastleigh) ee magaalada Nairobi ayaa ka cabanaya Tuugo xilliyada habeenkii ah dhac u geysta dadka, kuwaasoo ka qaata teleefonnada gacanta iyo waxyaalaha ay wataan.

10/27/2012 4:18 AM EST
Sabti, Oktoobar 27, 2012 (HOL) - Roobabkii Dayrta ayaa si weyn uga curtay deegaanno badan oo ka tirsan gobollada Bari, Karkaar iyo Nugaal ee Puntland. Roobka ugu badan oo da’ay maalinnimadii shalay, waxaa goobaha uu sida fiican ugu hooray kamid ah magaalada Boosaaso ee xarunta gobolka Bari oo iyadu muddo sanad ah aan wax roob ahi arkin.

10/27/2012 4:01 AM EST
Sabti, Oktoobar 27, 2012 (HOL) — Shacabka ku nool degmada Marko ee gobolka Shabeellada hoose ayaa sheegay inay dhac iyo dhibaateyn kala duwan kala kulmaan ciidamada dowladda Soomaaliya ee halkaas ku sugan.

10/27/2012 3:47 AM EST
Sabti, Oktoobar, 27, 2012 (HOL) -Hogaamiyaha ugu sareeya ee Xarakada Al-shabaab Sheekh Mukhtaar C/raxmaan (Abuu Zubery) oo cajalad maqal ah soo saaray ayaa uga hadlay arimo dhowr ah oo ay kamid yihiin sida uu u arko dowladda cusub ee Soomaaliya iyo weliba dagaallada ay kaga soo horjeedaan ciidamada dowladda iyo kuwa AMISOM.

10/27/2012 3:36 AM EST
Sabti, Oktoobar 27, 2012 (HOL) — Madaxweynaha Soomaaliya, Xasan Sheekh Maxamuud ayaa sheegay in isbedel weyn lagu sameyn doono hay'adaha kala duwan ee dowladda si dib loogu soo celiyo dhismihii ama haykalkii dowladeed ee dalka.