6/28/2022
Today from Hiiraan Online:  _
Wararka Maanta- Arbaco, Oct 24, 2012
Kulan looga hadlayay Qorshaha Ammaanka Somalia oo dhexmaray Ururrada Bulshada Rayidka ah iyo Saraakiil Soomaaliyeed


Arbaco, Oktoobar 24, 2012 (HOL) — Kulan looga hadlayay sidii ururrrada bulshada rayidka ah ee Soomaaliyeed ay uga qaybqaadan lahaayeen xaslinta dalka ayaa maanta ku dhexmaray Muqdisho saraakiishii hore ee ciidamada milateriga Soomaaliya ee dajiyay qorshaha xasilinta dalka iyo ururrada bulshada rayidka ah ee Soomaaliya.

Kulankan oo ka dhacay Baar Liido ayaa waxaa soo agaasimay ururrada bulshada rayidka Soomaaliyeed ayaa waxsaa saraakiishii lagu casuumay looga dhageystay habka ay u dajiyeen qorshahan iyo sida looga qayb-qaadan karo xasilinta dalka.

Saraakiishii kulankaan ka qaybgalay ayaa waxaa ka mid ahaa: Jen. Maxamed Saalax, Jen. Axmed Maxamed Maxamuud (Carab), Inj. Cumar Cabdullaahi Handi, Jen. Axmed Maxamed Xuseen, Jen. Xasan Maxamed Cali (Xasan Kornayl), Jen. C/weli Sheekh Maxamed iyo Jen. Cabdinaasir Maxamed (Indho-qarsho).

"Dalka waxaa lagu xasilin karaa iyadoo la helo ciidammo qaran oo mushaarkooda uu yahay mid joogto ah," ayuu yiri Jen. Maxamed Saalax oo kulanka ka hadlayay, isagoo sheegay in qorshaha dalka lagu xasilinayo ee ay dajiyeen uu qayb ka yahay in la dhiso ciidammo qaran oo mushaarkooda la siinayo.

Jen. Maxamed Saalax wuxuu sheegay in qorshaha xasilinta dalka ee ay sameeyeen uu ka dhashay kulan dalka Mareykanka ku dhexmaray saraakiishii hore ee dalka iyo kuwa gudaha ku sugan, isagoo xusay in kulankaas ay kasoo baxday in Soomaaliya loo diro 15-sarkaal oo sahan kusoo sameeya xaaladda dalka iyo sida ugu habboon ee wax looga qaban karo taasoo lagu guuleystay.


"Qorshaha xaslinta dalka waxaa ka mid ah in dhammaan saraakiishii hore ee dalka dib loo howlgeliyo; sidoo kalena la qoro ciidammo cusub lana dajiyo saldhigyadii ay ciidamadu lahaayeen, si joogto ahna loo bixiyo mushaaraadkooda, maadaama uusan askari baahani waxba difaaci karin," ayuu yiri Jen. Maxamed Saalax.

Sidoo kale, waxaa kulankaas ka hadlay saraakiil ay ka mid yihiin Jen. Indho-qarsho iyo Jen, Xasan Kornayl waxayna sheegeen in dalka lagu xasilin karo iskaashi, balse aysan jirin cid si gaar ah wax uga qaban karta, waxayna ka dalbadeed qaybaha kala duwan ee haweenka inay gacan ka geystaan sidii dalka loo xasilin lahaa.

Jen. Axmed Carab oo isaguna hadlay ayaa sheegay in Soomaaliya ay ku badbaaday haweenka, haddana loo baahan yahay in iyaga loo kaashado si nabaddii iyo deggenaashihii horay u jiray loogu soo celiyo.

Intaas kaddib waxaa hadlay, Xaliimo Ismaaciil Ibraahim (Xaliimo Yareey) oo ku hadlaysay magaca ururrada bulshada rayidka ah ee kulanka soo qabanqaabiyay; iyadoo sheegtay inay diyaar u yihiin inay la shaqeeyaan saraakiisha dowaldda si ammaanka dalka dib loogu soo celiyo.

Ugu dambeyn, saraakiishii kulanka ka hadlay ayaa waxay sheegeen inay diyaar u yihiin inay wax ka qabtaan ammaanka dalka, taasna ay caddeyn u tahay inay kasoo laabteen dalalkii ay muddada dheer ku noolaayeen.





Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/24/2012 10:53 AM EST
Arbaco, October, 24, 2012 (HOL)- wasiiradda wasaaradaha Kalluumaysiga, wasiirka Maaliyadda iyo Taliyaha Xeebaha Somaliland oo safar shaqo ku gaallaa bixiyey gobolladda bariga Somaliland, ayaa ka warbixiyey ujeedadda safarkooda, kuwaas oo sheegay inay wadeen dakhli ururin balaadhan iyo horumarinta deegaanaddaasi sidii wax loola qaban lahaa.

10/24/2012 10:44 AM EST
Arbaco, Oktoobar 24, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay dowladda Soomaaliya ku shaqeynayso saddexda bilood ee sannadkan ka harsan oo ay ku jirto bishan Oktoobar.

10/24/2012 10:12 AM EST
Arbaco, Oktoobar 24, 2012 (HOL) — Ciidamada dowladda Soomaaliya iyo kuwa AMISOM ayaa maanta soo bandhigay hub ay sheegeen inay kasoo heleen kayd ay Al-shabaab ku lahayd gobolka Shabeellada hoose.

10/24/2012 10:04 AM EST
Arbaco, Oktoobar 24, 2012 (HOL) — Taangiga Kaydka shiidaalka warshadda Laydhka ee magaaladda Berbera, ayaa saaka dab aan la garan waxa dhaliyey ka kacay, kaas oo hawada isku shareeray ololka iyo qiiqa, muddo ka dibna lagu guulaystay in la bakhtiiyo dabkaasi.

10/24/2012 10:02 AM EST
Arbaco, Oktoobar 24, 2012 (HOL) — Saraakiisha ciidamada Jabuuti ee qeybta ka ah howlgalka midowgga Africa ee AMISOM ayaa sheegay in ay ka shaqeynayaan nabad-galyada magaalada Baladweyne ee xarunta gobolka Hiiraan.

10/24/2012 4:23 AM EST
Arbaco, Oktoobar 24, 2012 (HOL) —Weerar Bambaano ah ayaa xalay lagu qaaday Saldhigga dhexe ee magaalada Kismaayo, iyadoona kooxaha weerarka fuliyay ay ilaa dhowr bambaano ku tureen gudaha iyo afaafka hore ee saldhigga.

10/24/2012 3:15 AM EST
Arbaco, Oktoobar 24, 2012 (HOL) — AMISOM ayaa sheegtay 72 dagaalyahan oo ka tirsan Al-shabaab ay ku qabteen baaritaanno ay ka sameeyeen degmada Kismaayo ee xarunta gobolka Jubbada Hoose, kuwaasoo ay ku jirtay haweeney hoggaamiye ah.

10/24/2012 3:13 AM EST
Arbaco, Oktoobar 24, 2012 (HOL) — Mudanayaasha baarlaamanka Soomaaliya ayaa maanta mar kale ka doodaya miisaaniyadda ay dowladda Soomaaliya ku shaqeynayso saddexda bilood ee soo socota, taasoo ka doodisteeda dib loo dhigay toddobaadkii hore.

10/24/2012 3:03 AM EST
Arbaco, Oktoobar 24, 2012 (HOL) — Kooxo baastoolado ku hubeysan oo aan heybtooda la aqoon ayaa xalay fiidkii toogasho ku dilay Allaha u naxariistee Wariye Axmed Saakin Faarax oo u shaqeyn jiray TV-ga Universal.