6/27/2022
Today from Hiiraan Online:  _
Wararka Maanta- Arbaco, Oct 24, 2012
Bam Gacmeed Xalay lagu Weeraray Saldhigga Kismaayo iyo Howgallo Baaritaanno ah oo ka Socdo Degmagaasi

Arbaco, Oktoobar 24, 2012 (HOL) —Weerar Bambaano ah ayaa xalay lagu qaaday Saldhigga dhexe ee magaalada Kismaayo, iyadoona kooxaha weerarka fuliyay ay ilaa dhowr bambaano ku tureen gudaha iyo afaafka hore ee saldhiggaasi.

Mid kamid dadka ku dhaqan xaafadda Calanleey oo ah halka uu weerarka ka dhacay ayaa HOL u sheegay in bambaanooyin lagu weeraray saldhigga magaalada, wuxuuna xusay in ciidamadii ku sugnaa saldhigga ay rasaas badan fureen kadib markii uu weerarka dhacay.

Saraakiil katirsan ciidamada dowladda ee Kismaayo oo aan la xiriirnay ayaa ka gaabsaday in ay faahfaahin ka bixiyaan weerarkii xalay, waxaana lagu soo waramayaa in aysan jirin cid wax ku noqotay weerarkaasi marka laga reebo burbur soo gaaray mid kamid ah guryaha ku dhow saldhigga.

Dhinaca kale howlgallo ballaaran ayaa saaka ka bilowday xaafadda Calanleey iyadoona ciidamada dowladda oo kaashanaya kuwa Raaskaambooni ay baaritanno xooggan ka wadaan guryaha ku yaal xaafadaasi.

Howlgalladani ayaa daba socda weerarkii xalay lagu qaaday saldhigga dhexe ee magaalada Kismaayo, waxaana saraakiisha dowladda ay sheegeen in howlgalladani lagu xaqiijinayo ammaanka.

Maalmihii ugu danbeeyay ayaa magaalada Kismaayo waxa ka socday kulamo ay yeelanayeen saraakiisha ciidamada dowladda, kuwa Raaskaambooni iyo AMISOM, kuwaasoo looga hadlayay sidii loo adkeyn lahaa ammaanka magaalada Kismaayo oo mudooyinkii danbe ay ka dhacayeen falal amni darro.

 

Xasan Nuur
Hiiraan Online
Kismaayo-Somalia
[email protected]













Click here
10/24/2012 10:53 AM EST
Arbaco, October, 24, 2012 (HOL)- wasiiradda wasaaradaha Kalluumaysiga, wasiirka Maaliyadda iyo Taliyaha Xeebaha Somaliland oo safar shaqo ku gaallaa bixiyey gobolladda bariga Somaliland, ayaa ka warbixiyey ujeedadda safarkooda, kuwaas oo sheegay inay wadeen dakhli ururin balaadhan iyo horumarinta deegaanaddaasi sidii wax loola qaban lahaa.

10/24/2012 10:44 AM EST
Arbaco, Oktoobar 24, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay dowladda Soomaaliya ku shaqeynayso saddexda bilood ee sannadkan ka harsan oo ay ku jirto bishan Oktoobar.

10/24/2012 10:33 AM EST
Arbaco, Oktoobar 24, 2012 (HOL) — Kulan looga hadlayay sidii ururrrada bulshada rayidka ah ee Soomaaliyeed ay uga qaybqaadan lahaayeen xaslinta dalka ayaa maanta ku dhexmaray Muqdisho saraakiishii hore ee ciidamada milateriga Soomaaliya ee dajiyay qorshaha xasilinta dalka iyo ururrada bulshada rayidka ah ee Soomaaliya.

10/24/2012 10:12 AM EST
Arbaco, Oktoobar 24, 2012 (HOL) — Ciidamada dowladda Soomaaliya iyo kuwa AMISOM ayaa maanta soo bandhigay hub ay sheegeen inay kasoo heleen kayd ay Al-shabaab ku lahayd gobolka Shabeellada hoose.

10/24/2012 10:04 AM EST
Arbaco, Oktoobar 24, 2012 (HOL) — Taangiga Kaydka shiidaalka warshadda Laydhka ee magaaladda Berbera, ayaa saaka dab aan la garan waxa dhaliyey ka kacay, kaas oo hawada isku shareeray ololka iyo qiiqa, muddo ka dibna lagu guulaystay in la bakhtiiyo dabkaasi.

10/24/2012 10:02 AM EST
Arbaco, Oktoobar 24, 2012 (HOL) — Saraakiisha ciidamada Jabuuti ee qeybta ka ah howlgalka midowgga Africa ee AMISOM ayaa sheegay in ay ka shaqeynayaan nabad-galyada magaalada Baladweyne ee xarunta gobolka Hiiraan.

10/24/2012 3:15 AM EST
Arbaco, Oktoobar 24, 2012 (HOL) — AMISOM ayaa sheegtay 72 dagaalyahan oo ka tirsan Al-shabaab ay ku qabteen baaritaanno ay ka sameeyeen degmada Kismaayo ee xarunta gobolka Jubbada Hoose, kuwaasoo ay ku jirtay haweeney hoggaamiye ah.

10/24/2012 3:13 AM EST
Arbaco, Oktoobar 24, 2012 (HOL) — Mudanayaasha baarlaamanka Soomaaliya ayaa maanta mar kale ka doodaya miisaaniyadda ay dowladda Soomaaliya ku shaqeynayso saddexda bilood ee soo socota, taasoo ka doodisteeda dib loo dhigay toddobaadkii hore.

10/24/2012 3:03 AM EST
Arbaco, Oktoobar 24, 2012 (HOL) — Kooxo baastoolado ku hubeysan oo aan heybtooda la aqoon ayaa xalay fiidkii toogasho ku dilay Allaha u naxariistee Wariye Axmed Saakin Faarax oo u shaqeyn jiray TV-ga Universal.